ଭୁବନେଶ୍ୱର, ୩୦ ମଇ ୨୦୨୪
- ପୁରୀର ଅଗ୍ନି ବିସ୍ଫୋରଣ ଘଟଣା ମୁଖ୍ୟମନ୍ତ୍ରୀଙ୍କ ମିଥ୍ୟା ଭାବମୂର୍ତିର ମୁଖା ଖୋଲି ଦେଇଛି: ଡା. ସମ୍ବିତ ପାତ୍ର
- ପୁରୀ ମେଡିକାଲରେ କାହିଁକି “ବର୍ଣ୍ଣ” ୱାର୍ଡର ବ୍ୟବସ୍ଥା ନାହିଁ
- ପୁରୀ ବାଣ ବିସ୍ଫୋରଣ ଘଟଣାର ତଦନ୍ତ କରାଯାଇ ଦୋଷୀଙ୍କୁ ତୁରନ୍ତ ଦଣ୍ଡ ଦିଆଯାଉ
- ୨୫ବର୍ଷ ନବୀନ ସରକାର ଶାସନରେ ରହିବା ପରେ ମଧ୍ୟ ରୋଗୀଙ୍କ ପାଖରେ ଆମ୍ବୁଲାନ୍ସ ଠିକ୍ ସମୟରେ ପହଁଚିପାରୁ ନାହିଁ
ଗୋଟିଏ ଗୋଟିଏ ଘଟଣା ବିଶ୍ୱସ୍ତରୀୟ ପ୍ରଶାସକ ବୋଲାଉଥିବା ମୁଖ୍ୟମନ୍ତ୍ରୀଙ୍କ ମିଥ୍ୟା ଓ ଅପପ୍ରଚାରର ମୁଖା ଖୋଲିବାରେ ଯଥେଷ୍ଟ ଅଟେ । ଗତକାଲି ପୁରୀ ନରେନ୍ଦ୍ର ପୋଖରୀରେ ମହାପ୍ରଭୁଙ୍କ ଭଉଁରୀ ଖେଳ ହେଉଥିବା ବେଳେ ବାଣ ଦ୍ୱାରା ଅଗ୍ନି ବିସ୍ପୋରଣ ଘଟିଥିଲା । ଆମ୍ବୁଲାନ୍ସର ଅଭାବ କାରଣରୁ ଠିକ୍ ସମୟରେ ପୀଡିତଙ୍କୁ ଚିକିତ୍ସା ଉପଲବ୍ଧ ହୋଇପାରିଳା ନାହିଁ ସେହି କାରଣରୁ ଅନେକ ଲୋକଙ୍କ ମୃତ୍ୟୁ ଘଟିଛି । କିଛି ହସ୍ପିଟାଲରେ ଭିର୍ତି ହୋଇଛନ୍ତି । ସେମାନଙ୍କୁ ପୁରୀ ସାଂସଦ ପ୍ରାର୍ଥୀ ତଥା ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଭେଟିବା ସହ ଆହତଙ୍କୁ ମାଗଣା ଚିକିତ୍ସା ଯୋଗାଇ ଦେବାକୁ ଦାବି କରିଛନ୍ତି । ପୁରୀ ବାଣ ବିସ୍ଫୋରଣ ଘଟଣାର ତଦନ୍ତ କରାଯାଇ ଦୋଷୀଙ୍କୁ ତୁରନ୍ତ ଦଣ୍ଡ ଦିଆଯାଉ । ପୁରୀ ମେଡିକାଲରେ କାହିଁକି “ବର୍ଣ୍ଣ” ୱାର୍ଡ ବ୍ୟବସ୍ଥା ନାହିଁ ବୋଲି ସାଂସଦ ପ୍ରାର୍ଥୀ ତଥା ରାଷ୍ଟ୍ରୀୟ ମୁଖପାତ୍ର ଡା. ସମ୍ବିତ ପାତ୍ର ପ୍ରଶ୍ନ କରିଛନ୍ତି ।
ସୂଚନାଥାଉ କି, ପୁରୀ ସାଧାରଣ ଅଂଚଳ ନୁହେଁ । ଓଡ଼ିଶାର ଗର୍ବ ଓ ଓଡ଼ିଆଙ୍କ ସ୍ୱାଭିମାନ ହେଉଛି ପୁରୀ । ପୁରୀରେ ୩୦ଜଣ ଲୋକଙ୍କ ଉପରେ ଏଭଳି ଅଗ୍ନିକାଣ୍ଡ ଘଟିଲା । ସେହି ସମୟରେ ମାତ୍ରାଧିକ ଆମ୍ବୁଲାନ୍ସ ରହିବାର ଆବଶ୍ୟକତା ଥିଲା । ତୁରନ୍ତ ସେମାନେ ହସ୍ପିଟାଲ ପହଂଚିବାର ବ୍ୟବସ୍ଥା କରିବା କଥା । ଆଜି ଡାକ୍ତରଙ୍କ ସହ ବିସ୍ତୃତ ଆଲୋଚନା କରିଥିଲି । ମେଡିକାଲ ଫିଲ୍ଡରେ ଯେକୌଣସି ବେମାରୀ ହେଉ ଜରୁରୀକାଳିନ ପରିସ୍ଥିତି ପାଇଁ ଗୋଟିଏ “ଗୋଲଡେନ ପିରିୟଡ” ଥାଏ । ସେହି ଗୋଲଡେନ ପିରିୟଡ୍ ଭିତରେ ରୋଗୀ ଡାକ୍ତରଖାନା ପହଂଚିଗଲେ ବଂଚିବାର ସମ୍ଭାବନା ବଢ଼ିଯାଏ । ଦୁର୍ଘଟଣା ପରେ ରାତିସାରା ସମ୍, ଏମ୍ସ, ଏସସିବି, ହାଇଟେକକୁ ଫୋନ କରି ବେଡ୍ର ବ୍ୟବସ୍ଥା କରାଯାଇଥିଲା । ବହୁ ବିଳମ୍ବରେ ରୋଗୀମାନେ ହସ୍ପିଟାଲରେ ପହଂଚିଛନ୍ତି । ଆଜି ଯେଉଁ ରୋଗୀମାନେ ଅସୁସ୍ଥ ଅଛନ୍ତି ତାଙ୍କୁ ଠିକ୍ ସମୟରେ ମେଡିସିନ ଦିଆଯାଇ ପାରିନାହିଁ । ପୋଡା ରୋଗୀ ପୁରୀ ହସ୍ପିଟାଲରେ ଚିକିତ୍ସିତ ହେବାର କୌଣସି ବ୍ୟବସ୍ଥା ନାହିଁ । ଏଘଟଣାର ତଦନ୍ତ ହେଉ । ଯେଉଁମାନେ ଦୋଷୀ ତାଙ୍କୁ ଦଣ୍ଡ ଦିଆଯାଉ । ୨୪ବର୍ଷ ନବୀନ ସରକାର ଶାସନରେ ରହିବା ପରେ ମଧ୍ୟ ରୋଗୀଙ୍କ ପାଖରେ ଆମ୍ବୁଲାନ୍ସ ଠିକ୍ ସମୟରେ ପହଁଚିପାରୁ ନାହିଁ । ପୁରୀ ମେଡିକାଲରେ କାହିଁକି ଏତେ ଅବ୍ୟବସ୍ଥା ତାହାର ଉତର ନବୀନ ବାବୁ ଦିଅନ୍ତୁ ବୋଲି ଡା.ସମ୍ବିତ ପାତ୍ର କହିଛନ୍ତି ।
- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତୀୟ ରାଜନୀତିର ଚରିତ୍ର, ପରିଭାଷାକୁ ବଦଳାଇ ଦେଇଛନ୍ତି
- ୨୦୧୪ ପରେ “ରିଫର୍ମ, ପରଫର୍ମ, ଟ୍ରାନ୍ସଫର୍ମ”ର ସଂସ୍କୃତି ଆରମ୍ଭ କରିଛନ୍ତି ମୋଦି
- ବିଗତ ୧୦ବର୍ଷ ଶାସନରେ ମୋଦିଜୀ ଓଡ଼ିଶାକୁ ୧୮ ଲକ୍ଷ ୮୩ ହଜାର କୋଟି ଟଙ୍କା ଅନୁଦାନ ଦେଇଛନ୍ତି
- ନିର୍ବାଚନର ମହାପର୍ବରେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ରାଷ୍ଟ୍ରୀୟ ଅଧ୍ୟକ୍ଷ, କେନ୍ଦ୍ରୀୟ ନେତା, ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଏବଂ ନେତାମାନେ “ବିଜୟ ସଂକଳ୍ପ ସମାବେଶ”ରେ ଅଂଶ ଗ୍ରହଣ କରି ଓଡ଼ିଶାର ବିକାଶ ପାଇଁ ବିଜେପିର ଯୋଜନା ଗୁଡିକ ଉପସ୍ଥାପିତ କରିଥିଲେ
- ଏ ଅଭିଯାନରେ ସହଯୋଗ କରିଥିବା ସମସ୍ତ ନେତା, କାର୍ଯ୍ୟକର୍ତାଙ୍କୁ ନିର୍ବାଚନ ସଂଚାଳନ ସମିତିର ମୁଖ୍ୟ ଶ୍ରୀ ସମୀର ମହାନ୍ତି କୃତଜ୍ଞତା ଜଣାଇଛନ୍ତି
୨୦୨୪ ସାଧାରଣ ନିର୍ବାଚନର ପ୍ରଚାରର ଆଜି ଅନ୍ତିମ ଦିବସ । ଓଡ଼ିଶାବାସୀଙ୍କ ଆଶୀର୍ବାଦ, ଲକ୍ଷ ଲକ୍ଷ କାର୍ଯ୍ୟକର୍ତାଙ୍କ ପରିଶ୍ରମ ଓ ଶୁଭେଚ୍ଛୁଙ୍କର ସହଯୋଗ ପାଇଁ “ଓଡ଼ିଶାରେ ବିଜେପି ସରକାର ଗଠନ” ସୁନିଶ୍ଚିତ । ୨୦୧୯ରେ ସାଢ଼େ ଚାରି କୋଟି ଓଡ଼ିଆ ବିଜେପିକୁ ବିରୋଧୀ ଦଳର ଦାୟିତ୍ୱ ନିର୍ବାହ କରିବାର ସୁଯୋଗ ଦେଇଥିଲେ । ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀ ଗତ ୧୦ ବର୍ଷ ଭିତରେ ଓଡ଼ିଶାର ବିକାଶ ପାଇଁ ସର୍ବଦା ସହଯୋଗ କରିଆସିଛନ୍ତି । ପ୍ରାକୃତିକ ଦୁର୍ବିପାକ ଫନି, ଫାଇଲିନ୍, ୟସ୍ ସମୟରେ ମୋଦିଜୀ ଓଡ଼ିଶାବାସୀଙ୍କ ସହ ଛିଡା ହୋଇଛନ୍ତି । ରାଜ୍ୟ ସରକାର କେନ୍ଦ୍ର ବିରୋଧ ଅବହେଳାର ଅଭିଯୋଗ କରିବାର ସୁଯୋଗ ପାଇଲେ ନାହିଁ । ନିର୍ବାଚନର ମହାପର୍ବରେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ରାଷ୍ଟ୍ରୀୟ ଅଧ୍ୟକ୍ଷ, କେନ୍ଦ୍ରୀୟ ନେତା, ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଏବଂ ନେତାମାନେ “ବିଜୟ ସଂକଳ୍ପ ସମାବେଶ”ରେ ଅଂଶ ଗ୍ରହଣ କରି ଓଡ଼ିଶାର ବିକାଶ ପାଇଁ ବିଜେପିର ଯୋଜନା ଗୁଡିକ ଉପସ୍ଥାପିତ କରିଥିଲେ । ଏ ଅଭିଯାନରେ ସହଯୋଗ କରିଥିବା ସମସ୍ତ ନେତା, କାର୍ଯ୍ୟକର୍ତାଙ୍କୁ ନିର୍ବାଚନ ସଂଚାଳନ ସମିତିର ମୁଖ୍ୟ ତଥା ପୂର୍ବତନ ରାଜ୍ୟ ସଭାପତି ଶ୍ରୀ ସମୀର ମହାନ୍ତି କୃତଜ୍ଞତା ଜଣାଇଛନ୍ତି ।
ଓଡ଼ିଶାର ତୃତୀୟ ପର୍ଯ୍ୟାୟ ନିର୍ବାଚନ ସରିଛି । ଆଗାମୀ ଚତୁର୍ଥ ପର୍ଯ୍ୟାୟ ନିର୍ବାଚନରେ ବିଜେପିକୁ ଜନତା ବହୁମାତ୍ରାରେ ଜନସମର୍ଥନ କରିବେ । ଓଡ଼ିଶାର ୨ଲକ୍ଷ ୫୦ହଜାର ଲୋକଙ୍କ ପରାମର୍ଶକୁ ସଂଗ୍ରହ କରି ବିଜେପି “ସଂକଳ୍ପପତ୍ର” ପ୍ରସ୍ତୁତ କରିଛି । ବିଜେପି ସରକାରକୁ ଆସିଲେ ମହିଳା, ଯୁବକ, କୃଷକଙ୍କ ବିକାଶ କରିବ ବୋଲି ସଂକଳ୍ପପତ୍ରରେ ଉଲ୍ଲେଖ କରିଛି । ରାଜ୍ୟରେ ନିର୍ବାଚନ ହେବା ପୂର୍ବରୁ ମାର୍ଚ୍ଚ ୧୬ ତାରିଖ ଦିନ “ଆଦର୍ଶ ନିର୍ବାଚନ ବିଧି” ଲାଗୁ ହେଲା । ସେବେଠାରୁ ଓଡ଼ିଶାର ଲୋକେ ବିଜେପି ମୁହାଁ ହୋଇଛନ୍ତି । ୬୫ ଦିନ ଭିତରେ ୨୮୨ ଟି ମିଶ୍ରଣ ପର୍ବରେ ହଜାର ହଜାର ରାଜ୍ୟବାସୀ ବିଜେପିର ସଦସ୍ୟ ହେଲେ । ଏହି ମିଶ୍ରଣ ପର୍ବରୁ ଓଡ଼ିଶାବାସୀ ବିଜେପିକୁ କେତେ ମାତ୍ରାରେ ଚାହୁଁଛନ୍ତି ତାହା ଆପଣମାନେ ସ୍ପଷ୍ଟ ଜାଣିପାରୁଥିବେ । ବିଜେପି ୧୭୨ଟି ସ୍ଥାନରେ “ବିଜୟ ସଂକଳ୍ପ ସମାବେଶ” ଆୟୋଜନ କରିପାରିଛି । ମୋଦି ଯାହା କୁହନ୍ତି ତାହା କରିଦେଖାନ୍ତି । ବିଗତ ୧୦ବର୍ଷ ଶାସନରେ ମୋଦିଜୀ ଓଡ଼ିଶାକୁ ୧୮ ଲକ୍ଷ ୮୩ ହଜାର କୋଟି ଟଙ୍କା ଅନୁଦାନ ଦେଇଛନ୍ତି । ଓଡିଶା ସରକାର ସମସ୍ତ ଟଙ୍କା ଖର୍ଚ୍ଚ କରିବାରେ ବିଫଳ ହୋଇଛନ୍ତି ବୋଲି ଶ୍ରୀ ମହାନ୍ତି କହିଛନ୍ତି ।
ନିର୍ବାଚନ ପ୍ରଚାରର ଶେଷ ଦିନରେ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ରାଷ୍ଟ୍ରୀୟ ମୁଖପାତ୍ର ଶ୍ରୀ ସମ୍ବିତ ପାତ୍ର କହିଛନ୍ତି ଯେ, ୨୦୧୪ରେ ନରେନ୍ଦ୍ର ମୋଦି ଭାରତବର୍ଷର ପ୍ରଧାନମନ୍ତ୍ରୀ ହେବା ପରେ ଭାରତୀୟ ରାଜନୀତିର ଚରିତ୍ର, ପରିଭାଷାକୁ ବଦଳାଇ ଦେଇଛନ୍ତି । ମିଥ୍ୟା ପ୍ରଚାର, ଜାତିଭିତିକ ରାଜନୀତି, ତୃଷ୍ଟିକରଣ ଓ ପରିବାରବାଦର ରାଜନୀତିକୁ ସମୂଳେ ଧ୍ୱଂସ କରି ଦେଇଛନ୍ତି । ଏଥିସହ ୨୦୧୪ ପରେ “ରିଫର୍ମ, ପରଫର୍ମ, ଟ୍ରାନ୍ସଫର୍ମ”ର ସଂସ୍କୃତି ଆରମ୍ଭ କରିଛନ୍ତି ମୋଦି ।
କେନ୍ଦ୍ରାପଡା ଜନ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ବିଜେଡି ସରକାର ଯଦି ପାତର ଅନ୍ତର କରି ଆପଣମାନଙ୍କୁ ଘର ଦେଇନାହିଁ ତାହାଲେ ଆପଣ କେବଳ ଫଟୋ ଉଠାଇ ମୋ ପାଖକୁ ପଠାନ୍ତୁ । ମୁଁ ଗ୍ୟାରେଂଟି ଦେଉଛି ଆପଣମାନଙ୍କୁ ଘର ଯୋଗାଇ ଦିଆଯିବ । ଏଥିସହ ମୋଦିଜୀ ମା’ମାନଙ୍କ ପାଇଁ “ସୁଭଦ୍ରା ଯୋଜନା” କରିଛନ୍ତି । ବିଜେପି ସରକାରକୁ ଆସିଲେ ପ୍ରତ୍ୟେକ ମା’ମାନେ ୫୦ହଜାର ଟଙ୍କାର ଭାଉଚର ପାଇବେ ଯାହାକୁ ସେମାନେ ୨ବର୍ଷ ପର୍ଯ୍ୟନ୍ତ ବ୍ୟବହାର କରିପାରିବେ । ସେହିପରି କୃଷକଙ୍କ ଧାନ କ୍ୱିଂଟାଲ ୩୧ଶହ ଟଙ୍କା କରିବେ । ମତ୍ସ୍ୟଜୀବୀଙ୍କୁ ୧୦ହଜାର ଟଙ୍କା ଦିଆଯିବ । କରୋନା ସମୟରେ ଆରମ୍ଭ ହୋଇଥିବା ଗରିବ କଲ୍ୟାଣ ଯୋଜନା ଅନ୍ତର୍ଗତ ମାଗଣା ଚାଉଳ ଆଗାମୀ ୫ବର୍ଷ ମିଳିବ । ମୟୂରଭଞ୍ଜର ଆଦିବାସୀ ଝିଅ ଦୌପଦୀ ମୁୁର୍ମୁଙ୍କୁ ରାଷ୍ଟ୍ରପତି କରାଇ ଓଡ଼ିଶା, ମାତୃଜାତିଙ୍କୁ ମୋଦି ଗୌରବ ପ୍ରଦାନ କରିଛନ୍ତି । ଆମେ ସେହି ମୋଦିଙ୍କ ସହ ଛିଡା ହେବା ବୋଲି ଡା. ପାତ୍ର ଆହ୍ୱାନ କରିଛନ୍ତି ।
ଜୁନ୍ ୧୦ତାରିଖ ଦିନ ଶପଥ ଗ୍ରହଣ ସମାରୋହରେ ଯୋଗ ଦେବା ପାଇଁ ରାଜ୍ୟବାସୀଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଅନୁରୋଧ କରିଛନ୍ତି । ଦିନେ ଛତିଶଗଡର ସରକାର ହେବ କେହି ବିଶ୍ୱାସ କରୁନଥିଲେ । କିନ୍ତୁ ମୋଦି ବିଶ୍ୱାସ ଦେଇଥିଲେ । ଛତିଶଗଡରେ ସରକାର ହେଲା ଓଡ଼ିଶାରେ ମଧ୍ୟ ବିଜେପି ସରକାର ହେବ । ୨୦୧୪ରେ ୨୭୨ ଆସନରେ ବିଜେପି ଜିତିଥିଲା । ୨୦୧୯ରେ ୩୦୦ ପାର ହେବ ବୋଲି କହିଥିଲୁ ଜିତିଲୁ ୩୦୩ । ଏଥର ଲୋକସଭା ନିର୍ବାଚନରେ ବିଜେପି ୪୦୦ରୁ ଅଧିକ ଆସନ ଜିତିବ ଓ ଓଡିଶାରେ ପ୍ରଥମ ବିଜେପି ସରକାର ଗଠିତ ହେବ । ମୋଦିଜୀଙ୍କ ପକ୍ଷରୁ ମୁଁ ଶପଥ ଗ୍ରହଣ ସମାରୋହରେ ଯୋଗଦେବା ପାଇଁ ମୁଁ ଆପଣଙ୍କୁ ଆମତ୍ରଣ କରୁଛି ବୋଲି ଡା. ପାତ୍ର କହିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ପୂର୍ବତନ ରାଜ୍ୟ ସଭାପତି ଶ୍ରୀ ସମୀର ମହାନ୍ତି, ରାଜ୍ୟ ମୁଖ୍ୟ ମୁଖପାତ୍ର ସଜ୍ଜନ ଶର୍ମା, ରାଜ୍ୟ ମୁଖପାତ୍ର ଅନିଲ ବିଶ୍ୱାଳ, ରାଜ୍ୟ ଗଣମାଧ୍ୟମ ସଂଯୋଜକ ସୁଜିତ୍ କୁମାର ଦାସ ପ୍ରମୁଖ ଉପସ୍ଥିତ ଥିଲେ ।
.jpeg)
.jpg)
.jpg)
.jpg)
