ମାନ୍ୟବର ବାଚସ୍ପତି ମହୋଦୟ, । ଆଜି ମୁଁ ଏହି ପବିତ୍ର ଗୃହରେ 11 ହଜାର 700 କୋଟି ଟଙ୍କାର ଅତିରିକ୍ତ ବ୍ୟୟବରାଦ ପାଇଁ ବ୍ୟୟ ମଞ୍ଜୁରୀ ବିଲ୍ ଏହି ଗୃହର ଅନୁମୋଦନ ନିମନ୍ତେ ଉପସ୍ଥାପନା କରିଅଛି । ଏହି ଗୃହର ମଞ୍ଜୁରୀ ମିଳିଲେ, ଏହି ଅର୍ଥ COVID ପରିଚାଳନା ସମେତ ବିଭିନ୍ନ ଜନକଲ୍ୟାଣ ଓ ଉନ୍ନୟନମୂଳକ କାର୍ଯ୍ୟପାଇଁ ବିନିଯୋଗ କରାଯିବ । ଆଜି ଏ ଅବସରରେ ଉଭୟ ଶାସକ ଓ ବିରୋଧୀ ଦଳର ସଦସ୍ୟମାନେ ଅନେକ ଆଲୋଚନା କରିଛନ୍ତି । ଏହି ଆଲୋଚନାରେ ମାନ୍ୟବର ସଦସ୍ୟମାନେ କେତେକ ପ୍ରଶ୍ନ ଉତ୍ଥାପନ କରିଛନ୍ତି ଓ କେତେକ ଗଠନମୂଳକ ପରାମର୍ଶ ଦେଇଛନ୍ତି । ଏହି ପରାମର୍ଶଗୁଡିକୁ ମୁଁ ସ୍ଵାଗତ କରୁଛି ସମୟର ସ୍ଵଳ୍ପତାହେତୁ ମାନ୍ୟବର ସଦସ୍ୟମାନେ ଉଠାଇଥିବା ସମସ୍ତ ପ୍ରଶ୍ନର ଉତ୍ତର ରଖୁବା ମୋ ପକ୍ଷେ ସମ୍ଭବ ହେବନାହିଁ । ତେବେ ମୁଖ୍ୟ ପ୍ରସଙ୍ଗ ଉପରେ ମୋର ଉତ୍ତର ରଖୁବି ।
2, ମୁଁ ଏଠାରେ ଉଲ୍ଲେଖ କରିବାକୁ ଚାହେଁ ଯେ ବିଶ୍ୱ ମହାମାରୀ COVID-19 ଆମକୁ ପ୍ରଭାବିତ କରିବା ପୂର୍ବରୁ ଚଳିତ ଆର୍ଥିକ ବର୍ଷ ପାଇଁ ମୂଳ ବଜେଟ ପ୍ରସ୍ତୁତ କରାଯାଇଥିଲା । ଏହି ବଜେଟରେ ସ୍ୱାସ୍ଥ୍ୟ କ୍ଷେତ୍ରରେ ଉପଲବ୍ଧ ସୁବିଧା ସୁଯୋଗର ନବୀକରଣ ତଥା ନୂତନ ଅତ୍ୟାଧୁନିକ ଚିକିତ୍ସା ଭିତ୍ତିଭୂମି ନିର୍ମାଣ ସହାୟତାରେ ସ୍ବାସ୍ଥ୍ୟ ସେବାର ପୁନଃରୁଦ୍ଧାର, ଦକ୍ଷତା ବୃଦ୍ଧି, ପର୍ଯ୍ୟଟନ ବିକାଶ ଏବଂ ରାଜ୍ୟର ଗ୍ରାମୀଣ ଓ ସହରାଞ୍ଚଳର ଉନ୍ନୟନ ଉପରେ ଗୁରୁତ୍ବ ପ୍ରଦାନ କରାଯାଇଥିଲା । ବଜେଟରେ ପ୍ରସ୍ତାବିତ ଏହିପରି ଅନେକ transformative agenda ଜରିଆରେ ଏକ ନୂତନ ଓଡିଶା ଗଠନ ଆମ ସରକାରଙ୍କ ଆଭିମୁଖ୍ୟ ତଥା ସ୍ଵପ୍ନ ରହିଥୁଲା। କିନ୍ତୁ ମହାମାରୀ କୋଭିଡ-19 ର ପ୍ରଭାବ ହେତୁ ଜନସାଧାରଣଙ୍କର ଜୀବନ ଓ ଜୀବିକାର ସୁରକ୍ଷା ନିମିତ୍ତ ଚଳିତ ଆର୍ଥିକ ବର୍ଷରେ ଆମର ପ୍ରାଥମିକତାକୁ ସଂଶୋଧନ କରିବାକୁ ପଡିଲା।
3, ବିଗତ ଆଠ ନଅ ମାସ ହେଲା ଆମେ COVID ମହାମାରୀ ବିରୋଧରେ । ଆମର ସମସ୍ତ ଶକ୍ତିର ସହିତ ଏକ ପ୍ରଭାବଶାଳୀ ସଂଗ୍ରାମ ଜାରି ରଖୁଛୁ । ନିୟମିତ । ସ୍ବାସ୍ଥ୍ୟସେବା ପ୍ରଦାନ ଠାରୁ COVID ଜନିତ ସ୍ବାସ୍ଥ୍ୟସେବା ପ୍ରଦାନକୁ ପୃଥକ କରିବାରେ ଓଡ଼ିଶା ଥିଲା ପ୍ରଥମ ରାଜ୍ୟ । ରାଜ୍ୟରେ ସଂକ୍ରମଣ ସଂଖ୍ୟା ବୃଦ୍ଧି ହେବାର ବହୁ ପୂର୍ବରୁ ଅନେକ ଜିଲ୍ଲାରେ ନିର୍ଦ୍ଦିଷ୍ଟ COVID ଡ଼ାକ୍ତରଖାନା ପ୍ରତିଷ୍ଠା କରାଯାଇଥିଲା । ରାଜ୍ୟ ବାହାରୁ ରାଜ୍ୟକୁ ଫେରୁଥିବା ନାଗରିକମାନଙ୍କର ବାଧ୍ୟତାମୂଳକ ପଞ୍ଜିକରଣ ଓ ସଂଗରୋଧ ଫଳରେ ଅଧୁକାଂଶ ସଂକ୍ରମିତଙ୍କ ସଂଖ୍ୟା କେବଳ ସଂଗରୋଧ କେନ୍ଦ୍ରରେ ସୀମିତ ଥିଲା । ଦୃଢ ଅବରୋଧ ପ୍ରକ୍ରିୟାର କାର୍ଯ୍ୟକାରୀ ହେତୁ ସାମୁହିକ ସଂକ୍ରମଣକୁ ରୋକାଯାଇପାରିଥିଲା । ଆମର ନିରନ୍ତର ପ୍ରୟାସ ଫଳରେ ଜାତୀୟ ତଥା ବିଶ୍ୱ ସ୍ତର ତୁଳନାରେ ଓଡିଶାରେ କୋଭିଡ ମୃତ୍ୟୁହାର କମ ରହିଛି ଏବଂ ନୂତନ ମାମଲା ସଂଖ୍ୟା ହ୍ରାସ ପାଉଛି। ଅଧୁକ ସୁସ୍ଥତା ହାର ସହିତ ସକ୍ରିୟ ମାମଲା ସଂଖ୍ୟା ମଧ୍ୟ ହ୍ରାସ ପାଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏହାର ଏକ ଆଲେଖ୍ୟ "From governance to community resilience: Odisha's response to COVID19" ମାଧ୍ୟମରେ ଓଡ଼ିଶା COVID ପରିଚାଳନା ମଡ଼େଲ୍କୁ ଭୂୟସୀ ପ୍ରଶଂସା । କରିଛି ।
4 ଅନ୍ୟ ଦେଶମାନଙ୍କରେ COVID-19 ସଂକ୍ରମଣର ଅନ୍ୟ ଏକ ଲହରୀ ଦେଖା ଦେଇଥିବାରୁ ଆମ ରାଜ୍ୟରେ ମଧ୍ୟ ଏହାର ସମ୍ଭାବନାକୁ ଏଡାଇ ଦିଆଯାଇପରିବ ନାହିଁ। ସୁତରାଂ ଆମକୁ ନିରବଚ୍ଛିନ୍ନ ଭାବେ ସତର୍କତା ଅବଲମ୍ବନ କରିବାକୁ ପଡ଼ିବ। ରାଜ୍ୟ ସରକାର ରାଜ୍ୟବାସୀଙ୍କ ଜୀବନ ଓ ଜୀବିକା ସୁରକ୍ଷା ନିମିତ୍ତ ସମସ୍ତ ଆବଶ୍ୟକୀୟ ପଦକ୍ଷେପ ଜାରି ରଖିବେ।
5. ମହାମାରୀକୁ ଆଖୁ ଆଗରେ ରଖୁ ଚଳିତ ବର୍ଷ ଅତିରିକ୍ତ ବଜେଟ ରେ "ଆବଣ୍ଟନର ପୁନଃ ପ୍ରାଥମିକତା (re-prioritization of the allocations)" ଉପରେ ଗୁରୁତ୍ବ ଦିଆଯାଇଅଛି। ଏହି ଅତିରିକ୍ତ ବଜେଟ୍, ସ୍ବାସ୍ଥ୍ୟ, ଖାଦ୍ୟ ଓ ସାମାଜିକ ସୁରକ୍ଷା, ଜୀବିକା, ରୋଜଗାର ସୃଷ୍ଟି ସମ୍ବନ୍ଧୀୟ COVID ପରିଚାଳନା ଉପରେ ଧ୍ୟାନ କେନ୍ଦ୍ରିତ କରୁଛି । ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ବାରା ଘୋଷିତ ପ୍ୟାକେଜ୍ ଯଥା COVID-19 ଯୋଦ୍ଧା ବିଶେଷ ସହାୟତା, ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ କ୍ଷେତ୍ର, ଅଣୁ କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ର, ମିଶନ ଶକ୍ତି ଇତ୍ୟାଦିକୁ ସମ୍ପୂର୍ଣ୍ଣ ଭାବେ ପାଣ୍ଠି ପ୍ରଦାନ କରାଯାଇଛି । ଏହି ଅତିରିକ୍ତ ବଜେଟ୍ର 66.35 ପ୍ରତିଶତ, କାର୍ଯ୍ୟକ୍ରମ ବ୍ୟୟ ପାଇଁ ଉଦ୍ଦିଷ୍ଟ ।
6, କାର୍ଯ୍ୟକ୍ରମ ବ୍ୟୟ ବରାଦ ମୁଖ୍ୟତଃ ସାମାଜିକ ଓ ଅର୍ଥନୈତିକ କ୍ଷେତ୍ର ଉପରେ ଧାନ ଦେଇଥାଏ । ସର୍ବମୋଟ 7,438 କୋଟି ଟଙ୍କାର କାର୍ଯ୍ୟକ୍ରମ ବ୍ୟୟ ବରାଦରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ପାଇଁ 1627 କୋଟି ଟଙ୍କା, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପାଇଁ 204 କୋଟି ଟଙ୍କା, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ପାଇଁ 1077 କୋଟି ଟଙ୍କା, ଭିତ୍ତିଭୂମି କ୍ଷେତ୍ର ପାଇଁ ସର୍ବମୋଟ 1603 କୋଟି ଟଙ୍କା, ଶିକ୍ଷା, କ୍ରୀଡ଼ା ଏବଂ ଦକ୍ଷତା ବିକାଶ କ୍ଷେତ୍ର ପାଇଁ ସର୍ବମୋଟ 580 କୋଟି ଟଙ୍କା ବ୍ୟବସ୍ଥା କରାଯାଇଛି । ଏହିପରି ଭାବେ କାର୍ଯ୍ୟକ୍ରମ ବ୍ୟୟରୁ ସର୍ବମୋଟ 7199 କୋଟି ଟଙ୍କା (97%) ବିକାଶ ନିମନ୍ତେ ଉଦ୍ଦିଷ୍ଟ ଯୋଜନା ପାଇଁ ଖର୍ଚ୍ଚ କରିବାର ବ୍ୟବସ୍ଥା କରାଯାଇଛି ।
7, ଜନସ୍ବାସ୍ଥ୍ୟ ସେବା ପାଇଁ ମୋଟ 1627 କୋଟି ଟଙ୍କା ମଧରୁ ମୁଖ୍ୟମନ୍ତ୍ରୀ ସ୍ବାସ୍ଥ୍ୟସେବା ମିଶନ ଅଧୁନରେ ଭେଷଜ ମହାବିଦ୍ୟାଳୟ, ପ୍ରାଥମିକ ଓ ମାଧ୍ୟମିକ ସ୍ଵାସ୍ଥ୍ୟ ଅନୁଷ୍ଠାନ ଗୁଡ଼ିକର ଭିତ୍ତିଭୂମିର ବିକାଶ ପାଇଁ 100 କୋଟି ଟଙ୍କା, ସ୍ବାସ୍ଥ୍ୟ କ୍ଷେତ୍ରରେ ଆନୁସଙ୍ଗିକ ସେବା ଗୁଡ଼ିକୁ ସୁଦୃଢ କରିବା ପାଇଁ 409 କୋଟି ଟଙ୍କା, ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ମଧ୍ୟମରେ ଔଷଧ କିଣା, ଆପାତକାଳୀନ ଆମ୍ବୁଲାନ୍ସ ସେବା ଓ ଓଡ଼ିଶା ରାଜ୍ୟ ଚକିତ୍ସା ପାଣ୍ଠି (OSTE) ପାଇଁ 412 କୋଟି ଟଙ୍କା, ଭେଷଜ ଶିକ୍ଷା ପାଇଁ ଉଦ୍ଦିଷ୍ଟ ଯନ୍ତ୍ରପାତି କିଣା ନିମନ୍ତେ 227 କୋଟି ଟଙ୍କା, "ଆୟୁଷ' ଯୋଜନା ପାଇଁ 26 କୋଟି ଟଙ୍କା ଓ ‘ଜାତୀୟ ସ୍ୱାସ୍ଥ୍ୟ ମିଶନ' ପାଇଁ 407 କୋଟି ଟଙ୍କା ବ୍ୟୟ ବରାଦ କରାଯାଇଛି ।
8. ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପାଇଁ 204 କୋଟି ଟଙ୍କା ବ୍ୟୟ ବରାଦ ମଧ୍ୟରୁ ଗ୍ରାମୀଣ ଗୃହ ନିର୍ମାଣ ପାଇଁ 1514 କୋଟି ଟଙ୍କା, ମହାତ୍ମା ଗାନ୍ଧି ଜାତୀୟ ଗ୍ରାମୀଣ ନିଶ୍ଚିତ ନିଯୁକ୍ତି (MGNREGS) ଯୋଜନା Material Component ପାଇଁ 500 କୋଟି ଟଙ୍କା ତଥା ଜାତୀୟ ଗ୍ରାମ୍ୟ ଜୀବିକା ମିଶନ୍ (NRLM) ଅଧୁନରେ ଜୀବିକା ସୁଯୋଗ ସୃଷ୍ଟି ପାଇଁ ୨ କୋଟି ଟଙ୍କା ଉଦ୍ଧିଷ୍ଟ ।
9, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ନିମନ୍ତେ ସର୍ବମୋଟ୍ 1077 କୋଟି ଟଙ୍କା ର ବ୍ୟୟବରାଦ ମଧ୍ୟରୁ COVID ସହାୟତା ପାଇଁ ଘର ପିଛା 1000 ଟଙ୍କା ଏବଂ ଟଙ୍କିକିଆ ଚାଉଳ ପ୍ରଦାନ ପାଇଁ ଖାଦ୍ୟ ରିହାତି ନିମନ୍ତେ ମୋଟ୍ 1067 କୋଟି ଟଙ୍କା, ଗ୍ରାହକ ସଚେତନତା କାର୍ଯ୍ୟକ୍ରମ ପାଇଁ 10 କୋଟି ଟଙ୍କା ଏବଂ ରାଜ୍ୟ ଗ୍ରାହକ Helpline ପାଇଁ 7 ଲକ୍ଷ ଟଙ୍କା ଅନ୍ତର୍ଭୁକ୍ତ ।
10, ଭିତ୍ତିଭୂମି କ୍ଷେତ୍ର ପାଇଁ ସର୍ବମୋଟ 1603 କୋଟି ଟଙ୍କା ବ୍ୟୟବରାଦ ମଧ୍ୟରୁ ଓଡ଼ିଶା ରାଜ୍ୟ ରାଜପଥ ବିକାଶ ପ୍ରକଳ୍ପ ପାଇଁ 150 କୋଟି ଟଙ୍କା, ନକ୍ସଲ ପ୍ରଭାବିତ ଅଞ୍ଚଳରେ ରାସ୍ତା ନିର୍ମାଣ ପାଇଁ 20 କୋଟି ଟଙ୍କା, OPTCLକୁ Equity ସହାୟତା ନିମନ୍ତେ 647 କୋଟି ଟଙ୍କା, Odisha Transmission System Improvement Project ପାଇଁ 236 କୋଟି ଟଙ୍କା, ସମନ୍ଦିତ ଶକ୍ତି ବିକାଶ ଯୋଜନା ପାଇଁ 74 କୋଟି ଟଙ୍କା ତଥା "ପୁଞ୍ଜିବ୍ୟୟ ପାଇଁ ବିଶେଷ ସହାୟତା" ଅନରେ 450 କୋଟି ଟଙ୍କା ବ୍ୟୟବରାଦ ଅନ୍ତର୍ଭୁକ୍ତ
11, ଏହା ଛଡା କାର୍ଯ୍ୟକ୍ରମ ବ୍ୟୟ ମଧ୍ୟରେ ମସ୍ୟ ଏବଂ ପଶୁସମ୍ପଦ ଉନ୍ନୟନ ନିମନ୍ତେ 62 କୋଟି ଟଙ୍କା, ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ର ନିମନ୍ତେ 55 କୋଟି ଟଙ୍କା, ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ନିମନ୍ତେ 30 କୋଟି ଟଙ୍କା, ମହିଳା ଓ ଶିଶୁ ସଶକ୍ତିକରଣ ପାଇଁ 34 କୋଟି ଟଙ୍କା, ସାମାଜିକ ନିରାପତ୍ତା ନିମନ୍ତେ 23 କୋଟି ଟଙ୍କା, ଜଙ୍ଗଲ ଓ ପରିବେଶ ପାଇଁ ସର୍ବମୋଟ 19 କୋଟି ଟଙ୍କା ତଥା ଆଭ୍ୟନ୍ତରୀଣ ସୁରକ୍ଷା ନିମନ୍ତେ ସର୍ବମୋଟ 230 କୋଟି ଟଙ୍କାର ଅତିରିକ୍ତ ବ୍ୟୟବରାଦ କରାଯାଇଛି ।
12, ମାନ୍ୟବର କଂଗ୍ରେସ ବିଧାୟକ ଦଳର ନେତା ତାଙ୍କର ଅଭିଭାଷଣରେ ନଅ ଗୋଟି ଖଣିରେ ବେଆଇନ୍ ଭାବରେ ଅଧ୍ୟକ ଖଣିଜ ପଦାର୍ଥ ଉତ୍ତୋଳନ ଏବଂ ORISED ଅନିୟମ ତଥା Mineral Bearing Land Tax ପ୍ରସଙ୍ଗ ଉପରେ ଆଲୋଚନା କରିଛନ୍ତି । ମୁଁ ଏଠାରେ ଉଲ୍ଲେଖ କରିବାକୁ ଚାହେଁ ଯେ ନୂଆ ଗୋଟି ଖଣିରେ ବେଆଇନ୍ ଉତ୍ତୋଳନ ମାମଲା ମାନ୍ୟବର ଲୋକୟୁଭଙ୍କର ବିଚାରାଧୂନ ରହିଅଛି । ରାଜ୍ୟ ସରକାର ଏବାବଦକୁ ମାନ୍ୟବର ଲୋକୟୁକ୍ତଙ୍କ ନିକଟରେ ତାଙ୍କର ପକ୍ଷ ରଖୁସାରିଛନ୍ତି । ଆମକୁ ଏହି ମାମଲାରେ ମାନ୍ୟବର ଲୋକୟୁଭଙ୍କର ଆଦେଶକୁ ଅପେକ୍ଷା କରିବାକୁ ପଡିବ । ORISED ଅଧୁନିୟମ ତଥା Mineral Bearing Land Tax ବାବଦକୁ ମାନ୍ୟବର କଂଗ୍ରେସ ବିଧାୟକ ଦଳର ନେତା ଦେଇଥିବା ମତାମତକୁ ବିଚାର କରି ଏବାବଦକୁ ଉପଯୁକ୍ତ ପଦକ୍ଷେପ ନେବାକୁ ମୁଁ ଇସ୍ପାତ ଏବଂ ଖଣି ବିଭାଗ ମନ୍ତ୍ରୀଙ୍କୁ ଅନୁରୋଧ କରିବି ।
13, କେତେକ ମାନ୍ୟବର ସଦସ୍ୟ ଆବଶ୍ୟକ ସମ୍ବଳ ସଂଗ୍ରହ ଉପରେ ଆଶଙ୍କା ବ୍ୟକ୍ତ କରିଛନ୍ତି । ମୁଁ ଏଠାରେ ସୂଚାଇଦେବାକୁ ଚାହେଁ ଯେ କୋରୋନା ର ପ୍ରଭାବ ସରେ ଚଳିତ ବର୍ଷ ସେପ୍ଟେମ୍ବର ଶେଷସୁଦ୍ଧା ରାଜ୍ୟର ନିଜସ୍ବ ରାଜସ୍ୱ ସଂଗ୍ରହ ଗତବର୍ଷ ସେପ୍ଟେମ୍ବର ସୁଦ୍ଧା ଆଦାୟ ତୁଳନାରେ ପ୍ରାୟ 1.7 ପ୍ରତିଶତ ବୃଦ୍ଧି ହୋଇଅଛି । ନୂତନ COVID ମାମଲା ହ୍ରାସ ଏବଂ ଧୀରେ ଧୀରେ ଅର୍ଥବ୍ୟବସ୍ଥା ଖୋଲିବା ଦ୍ବାରା ଗତ କିଛି ମାସ ମଧ୍ୟରେ ରାଜସ୍ବ ପ୍ରାପ୍ତିରେ ଅଭିବୃଦ୍ଧି ପରିଲକ୍ଷିତ ହେଉଅଛି । ଅଧୂକ ରାଜସ୍ବ ଆଦାୟ ଏବଂ ଋଣ ଉପରେ ନିର୍ଭରଶୀଳତା କମ କରିବା ପାଇଁ ଆମେ ବକେୟା ରାଜସ୍ବ ଆଦାୟ ଏବଂ ସମ୍ବଳ ପ୍ରତ୍ୟାବର୍ତ୍ତନ (mopping up of resources) ଉପରେ ଗୁରୁତ୍ବ ଦେଉଅଛୁ। 2020 ମସିହା ସେପ୍ଟେମ୍ବର ମାସ ଶେଷ ସୁଦ୍ଧା ଆମର ରାଜସ୍ ବଳକା 6 ହଜାର 7 ଶହ 9୦ କୋଟି ଟଙ୍କା ଅଟେ । ଏଣୁ ସମ୍ବଳ ସଂଗ୍ରହ ନେଇ ମାନ୍ୟବର ସଦସ୍ୟମାନେ କୌଣସି ଚିନ୍ତା ପ୍ରକଟ କରିବାର ଆବଶ୍ୟକତା ନାହିଁ । ତେବେ କେନ୍ଦ୍ରୀୟ ଅନୁଦାନ ତଥା କେନ୍ଦ୍ର ଟିକସ ରେ ରାଜ୍ୟ ଅଂଶ ପ୍ରପ୍ତିରେ ହ୍ରାସ ଆମ ପାଇଁ ଏକ ଚିନ୍ତାର କାରଣ ଅଟେ ।
14, ଏହାଛଡା କେତେକ ମାନ୍ୟବର ସଦସ୍ୟ ରାଜ୍ୟର ରଣଭାର ଉପରେ ଚିନ୍ତା ପ୍ରକଟ କରିଛନ୍ତି । ମୁଁ ଏଠାରେ କହିବାକୁ ଚାହେଁ ଯେ ଋଣ ଭାରର ପୋଷଣୀୟତାର ଦୁଇଗୋଟି ପରିମାପକ ହେଲା ରଣଭାର-ସକଳ ଘରୋଇ ଉତ୍ପାଦର ଅନୁପାତ (Debt to GSDP Ratio) ଓ ସୁଧ ଦେୟ-ରାଜସ୍ବ ଆୟର ଅନୁପାତ (Interest Payment to Revenue Receipt Ratio) ଓଡିଶା ଆର୍ଥିକ ଉତ୍ତରଦାୟୀ ଓ ବଜେଟ୍ ପରିଚାଳନା ଆଇନ୍ (Odisha FRBM Act), 2005 ଅନୁସାରେ Debt to GSDP Ratio କୁ 25 ପ୍ରତିଶତ F146 Interest Payment to Revenue Receipt Ration 15 ପ୍ରତିଶତ ମଧ୍ୟରେ ରଖୁବା ଆବଶ୍ୟକ । ଆମେ ଏହି ସୀମାରେଖାର ଯଥେଷ୍ଟ ତଳେ ରହିଛୁ । 2020 ମସିହା ସେପ୍ଟେମ୍ବର ମାସ ଶେଷ ସୁଦ୍ଧା ଆମର ସମୁଦାୟ ଋଣ ଭାର 97 ହଜାର 8 ଶହ 23 କୋଟି ଟଙ୍କା ଯାହା ସାମଗ୍ରିକ ରାଜ୍ୟ ଘରୋଇ ଉତ୍ପାଦ (GSDP) ର 16 ଦଶମିକ 4 ପ୍ରତିଶତ ଅଟେ। ଏହି ସମୟରେ Interest Payment to Revenue Receipt Ratio 3.4 ପ୍ରତିଶତରେ ସୀମିତ ରହିଅଛି । ତେଣୁ ଆମର ଋଣଭାର ପୋଷଣୀୟ ସ୍ତରରେ ରହିଅଛି ଏବଂ ଏ ବାବଦକୁ କୌଣସି ସନ୍ଦେହର ଅବକାଶ ନାହିଁ ।
15, ଅର୍ଥବ୍ୟବସ୍ଥା ଏବଂ ସମ୍ବଳ ଉପରେ ମହାମାରୀର ପ୍ରଭାବ ସରେ ପ୍ରାଥମିକତା । କ୍ଷେତ୍ର ତଥା ଜନସାଧାରଣଙ୍କର ଜୀବନ ଓ ଜୀବିକାର ସୁରକ୍ଷା ନିମିତ୍ତ ଖର୍ଚ୍ଚ ରେ ସାଲିସ ନ କରି ବିଭୀୟ ଉତ୍ତରଦାୟୀ ଓ ବଜେଟ ପରିଚାଳନା ଅନିୟମ (FRBM Act) ରେ ଧାର୍ଯ୍ୟ ହୋଇଥିବା ସମସ୍ତ ଆର୍ଥିକ ମାନଦଣ୍ଡ ହାସଲ କରିବା ପାଇଁ ଆମେ ଉଦ୍ୟମ ଜାରି ରଖୁବୁ ।
16. ଏହି ଅତିରିକ୍ତ ବଜେଟ୍ରେ ଜନସାଧାରଣଙ୍କର ଜୀବନ ଓ ଜୀବିକାର ସୁରକ୍ଷା ସହିତ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ବାରା COVID-19 ପାଇଁ ଘୋଷିତ ପ୍ୟାକେଜ୍ ତଥା ଅନ୍ୟ ପ୍ରାଥମିକତା କ୍ଷେତ୍ର ଗୁଡିକୁ ପ୍ରାଧାନ୍ୟ ଦିଆଯାଉଛି । ଆଜି ମୁଁ ଏହି ଅତିରିକ୍ତ ବଜେଟ୍ର ବ୍ୟୟ ମଞ୍ଜୁରୀ ବିଲ୍ ଉପସ୍ଥାପନ କରିଛି ଏବଂ ମାନ୍ୟବର ସଦସ୍ୟମାନଙ୍କୁ ଏହାକୁ ଅକୁଣ୍ଠ ଚିତ୍ତରେ ଅନୁମୋଦନ କରିବାକୁ ଅନୁରୋଧ କରୁଛି । ଏ ଗୃହର ଅନୁମୋଦନ ଲାଭକଲେ ଏହି ଅର୍ଥ ରାଜ୍ୟର ଉନ୍ନତିକଳେ ବିନିଯୋଗ ହେବ ।
.jpeg)
