Unnatipathe

ଭୁବନେଶ୍ୱର,ଓଡିଶାରେ ଶାସକ ବିଜେଡି ଦଳିତଙ୍କ ଭୋଟରେ ଶାସନ କ୍ଷମତା ଅକ୍ତିଆର କରିଥିବାବେଳେ ଦଳିତଙ୍କ ବିକାଶ ପାଇଁ କୌଣସି ଆତରିକତା ନାହିଁ । ବରଂ ଦଳିତଙ୍କୁ ଶୋଷଣ କରି, ଦଳିତଙ୍କୁ ଧୋକା ଦେଇ ଶାସକ ବିଜେଡି ସାଂଘାତିକ ଅପରାଧ କରୁଛି ବୋଲି ମୋର୍ଚ୍ଚାର ରାଜ୍ୟ କାର୍ଯ୍ୟକାରିଣୀ ବୈଠକରେ ଯୋଗ ଦେବା ଅବସରରେ ବିଜେପି ଅନୁସୂଚିତ ଜାତି ମୋର୍ଚ୍ଚା ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଲାଲ୍ ସିଂ ଆର୍ଯ୍ୟ କ୍ଷୋଭ ପ୍ରକାଶ କରି କହିଛନ୍ତି ।  ଓଡିଶା ସରକାରଙ୍କ ତରଫରୁ ଦଳିତଙ୍କୁ ନ୍ୟାୟ ମିଳୁ ନାହିଁ । ବିକାଶ ସେମାନଙ୍କ ପାଖକୁ ପହଂଚି ପାରୁ ନାହିଁ । ଦଳିତଙ୍କ ବିକାଶ ପାଇଁ କେନ୍ଦ୍ରରୁ ଆସୁଥିବା ପର୍ଯ୍ୟାପ୍ତ ପରିମାଣର ଅର୍ଥକୁ ରାଜ୍ୟ ସରକାର ଅଲଗା ଯୋଜନାରେ ଖର୍ଚ୍ଚ କରୁଛନ୍ତି । ଅନୁସୂଚିତ ଜାତିର ଲୋକଙ୍କ ଅଭିଯୋଗ ଶୁଣିବା ପାଇଁ କେନ୍ଦ୍ର ସରକାର କମିଶନ ଗଠନ କରିଛନ୍ତି । ଦେଶର ଅନ୍ୟ ରାଜ୍ୟମାନେ ଅନୁସୁଚିତ ଜାତି କମିଶନ ଗଠନ କରିସାରିବାବେଳେ ଅଦ୍ୟାବଧୂ ରାଜ୍ୟରେ ଅନୁସୂଚିତ ଜାତି କମିଶନ ଗଠନ କରା ନଯିବା ଅତ୍ୟନ୍ତ ଦୁର୍ଭାଗ୍ୟଜନକ ଓ ଶାସକ ବିଜେଡିର ଦଳିତ ବିରୋଧୀ ମନୋଭାବର ପରିଚୟ ବୋଲି ଶ୍ରୀ ଆର୍ଯ୍ୟ କହିଛନ୍ତି ।

ପକା ଘର ତ ବହୁ ଦୂର କଥା, କମି ଖଣ୍ଡିଏ ଯୋଗାଇବାରେ ବିଫଳ ରାଜ୍ୟ ସରକାର । ରାଜ୍ୟରେ ଅଧିକାଂଶ ଅନୁସୂଚିତ ଜାତିର ଲୋକେ ଭୂମିହୀନ ହୋଇଥୁବାରୁ ରାଜ୍ୟ ସରକାର ତୁରନ୍ତ ଚିହ୍ନଟ କରି ୨୦୨ ୨ ମସିହା ସୁଦ୍ଧା ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଢିହ ସହ ବାସଗୃହ ଯୋଗାଇ ଦିଅନ୍ତୁ । ସ୍ୱଚ୍ଛତା କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରୁଥିବା ପ୍ରତ୍ୟେକ ଦଳିତ ବର୍ଗ ଲୋକଙ୍କୁ ପାଇଖାନା ଯୋଗାଇ ଦିଆଯାଉ । । ବାସଗୃହ ଏବଂ ପାଇଖାନା କ୍ଷେତ୍ରରେ ଯେପରି କୌଣସି ହିତାଧିକାରୀଙ୍କୁ ଲାଚ ଦେବାକୁ ନପଢେ, ସେ ପ୍ରତି ରାଜ୍ୟ ସରକାର ସ୍ୱତନ୍ତ୍ର ଧାନ ଦେବାକୁ ଶ୍ରୀ ଆର୍ଯ୍ୟ ପରାମର୍ଶ ଦେଇଛନ୍ତି । ରାଜ୍ୟରେ ଦଳିତଙ୍କ ପ୍ରତି ଅତ୍ୟାଚାର ଦିନକୁ ଦିନ ବଢିଚାଲିଛି । ଅନୁସୂଚିତ ଜାତି ଓ ଜନଜାତିଙ୍କ ଉପରେ ଅତ୍ୟାଚାର ଓ ପୋଲିସଠାରୁ । ନ୍ୟାୟ ନମିଳିବାରେ ଓଡିଶା ଦେଶରେ ପ୍ରଥମ ସ୍ଥାନ ଅଧୁକାର କରିଛି । ମାତ୍ର, ଦଳିତ ବିରୋଧୀ ମାମଲାରେ ଓଡ଼ିଶାରେ ଦଣ୍ଡବିଧାନ ହାର ଅତ୍ୟନ୍ତ ନଗଣ୍ୟ । ଅକାଂଶ ମାମଲାରେ ଚାର୍ଜସିଟ୍ ମଧ୍ୟ ଦାଖଲ କରାଯାଉନାହିଁ । 

ରାଜ୍ୟ ସରକାର ଆଇନଗତ ସହାୟତା ଯୋଗାଇବାରେ ଅକ୍ଷମ ହୋଇଥିବାରୁ ବିଶେଷ ଭାବେ ମହିଳାମାନଙ୍କ ପ୍ରତି ଦୁଷ୍କର୍ମ ଓ ଅତ୍ୟାଚାର ବୃଦ୍ଧି ପାଇଚାଲିଛି । ଅନୁସୂଚିତ ଜାତିକ ପ୍ରତି ଅତ୍ୟାଚାର କ୍ଷେତ୍ରରେ ଆଇନ ଅନୁଯାୟୀ ଭୁପଯୁକ୍ତ ବ୍ୟାକର ପୋଲିସ ଅଧୁକାରୀଙ୍କ ଦ୍ବାରା ତଦନ୍ତ କରାଯାଇ ସଠିକ୍ ସମୟରେ ଚାର୍ଜସିଟ୍ ଦାଖଲ କରି ଦୋଷୀକୁ ଉପଯୁକ୍ତ ଦଣ୍ଡ ପ୍ରଦାନ କରାଯିବାକୁ କାର୍ଯ୍ୟକାରିଣୀରେ ଦାବୀ କରାଯାଇଛି । ରାଜ୍ୟରେ ଅନୁସୂଚିତ ଜାତି ସଂଖ୍ୟା ୨୦୧୧ ଜନଗଣନା ଅନୁସାରେ ୧୭.୧ ପ୍ରତିଶତ ହୋଇଥିବାବେଳେ ୫୦ ପ୬ତିଶତରୁ ଅଧୁକ । ଅନୁସୂଚିତ ଜାତି ବାସ କରୁଥିବା ଗ୍ରାମ ସଂଖ୍ୟା ୨୭ ୨୮; ୪୦ ପ୍ରତିଶତରୁ ଅକ ଅନୁସୂଚିତ ଜାତି ଲୋକ ବାସ କରୁଥିବା ଗ୍ରାମସଂଖ୍ୟା ୪୫ ୨୮ ଏବଂ ୩୦ ପ୍ରତିଶତରୁ ଅଧୁକ ଅନୁସୁଚିତ ଜାତି ଲୋକ ବାସ କରୁଥିବା ଗୋଟିଏ ଜିଲ୍ଲା ରହିଛି । ତେଣୁ ଅନୁସୂଚିତ ଜନଜାତିର ଲୋକମାନଙ୍କ ପାଇଁ ଉଦ୍ଦିଷ୍ଟ ଆଇ.ଟି.ଡି.ଏ ଯୋଜନା ଭଳି ଅନୁସୂଚିତ ଜାତି ବର୍ଗଙ୍କ ପାଇଁ ସ୍ଵତନ୍ତ୍ର ଆଇ.ଏସ୍.ସି.ଜି.ଏ. (ସମନ୍ବୟିତ ଅନୁସୂଚିତ ଜାତି ବିକାଶ ଜନ୍ମୟନ ଅଥରିଟି) ଗଠନ କରାଯାଇ ଦଳିତ ବର୍ଗଙ୍କ ବିକାଶ କାର୍ଯ୍ୟକୁ ତ୍ବରାନ୍ବିତ କରିବାକୁ କାର୍ଯ୍ୟକାରିଣୀ ଦାବୀ କରିଛି ବୋଲି ଶ୍ରୀ ଆର୍ଯ୍ୟ କହିଛନ୍ତି

ରାଜ୍ୟ ସରକାର ଓଡିଶା ଏସି ଏଟି ଫାଇନାନ୍ସିଆଲ ଡେଭେଲପମେଟ କର୍ପୋରେସନ’କୁ କାର୍ଯ୍ୟକ୍ଷମ କରି ଅନୁସୂଚିତ ଜାତି ଓ ଜନଜାତିଙ୍କ ବିକାଶକୁ ପ୍ରାଧାନ୍ୟ ଦିଅନ୍ତୁ । ଅନୁସୂଚିତ ଜାତି ବର୍ଗ ଅତ୍ୟାଚାର ବିରୁଦ୍ଧରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଭିଜିଲାନ୍ତି ମନିଟରିଂ କମିଟିର ବୈଠକ ଲଗାତାର ହେଇନାହିଁ । ସେହିପରି ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବର୍ଷକୁ ଅନ୍ତତଃ ଥରେ ଏସି-ଏଟି ଡେଭେଲପମେଟ ଆଡଭାଇଜରୀ କାଢନସିଲର ବୈଠକ ଅନୁଷ୍ଠିତ ହେଉ ନଥିବା କାରଣରୁ ନ୍ୟାୟ ପାଇବାରେ ଦଳିତ ବର୍ଗ ଲୋକମାନେ ନ୍ୟାର୍ଯ୍ୟ ନ୍ୟାୟ ପାଇବାରୁ ବଂଚିତ ହେଉଛନ୍ତି । ଦଳିତ ବର୍ଗକ ବୃହତ ସ୍ୱାର୍ଥ ଦୃଷ୍ଟିରୁ ରାଜ୍ୟ ସରକାର ଆୟୁଷ୍ଠାନ ଭାରତ ଯୋଜନାକୁ ତୁରନ୍ତ କାର୍ଯ୍ୟକାରୀ କରିବାକୁ ଆଜିର କାର୍ଯ୍ୟକାରିଣୀରେ ଦାବୀ କରାଯାଇଛି । ରାଜ୍ୟ ସରକାରଙ୍କ ଦଳିତ ବିରୋଧୀ ଆଭିମୁଖ୍ୟ ପ୍ରସଙ୍ଗରେ ବିଜେପି ଅନୁସୂଚିତ ଜାତି ମୋର୍ଚ୍ଚା ରାଷ୍ଟ୍ରୀୟ ଅନୁସୁଚିତ ଜାତି ଆୟୋଗଙ୍କ ନିକଟରେ ଫେରାଦ ହେବ । ରାଜ୍ୟର ଅନୁସୁଚିତ ବର୍ଗ ଲୋକମାନେ କେମିତି ନ୍ୟାୟ ପାଇବେ, ସେ ନେଇ ଆମେ ଆନ୍ଦୋଳନକୁ ଓହ୍ଲାଇବୁ ବୋଲି ଶ୍ରୀ ଆର୍ଯ୍ୟ ସୁଚନା ଦେଇ କହିଛନ୍ତି ।

ଭୁବନେଶ୍ୱର, ଭୁବନେଶ୍ୱରସ୍ଥିତ ସାମ୍ବାଦିକ ଭବନଠାରେ ପୂର୍ବତନ ରାଜ୍ୟ କନିଷ୍ଠ ଶିକ୍ଷକ ସଂଘର ସଭାପତି ଶ୍ରୀ ଶ୍ରୀକାନ୍ତ ବାରିକଙ୍କ ନେତୃତ୍ବରେ ଏକ ସଭାର ଆୟୋଜନ କରାଯାଇଥିଲା । ଏଥିରେ ସମସ୍ତ ଜିଲ୍ଲା କନିଷ୍ଠ ଶିକ୍ଷକ ସଂଘର ସଭାପତି ଓ ପ୍ରତିନିଧ ମାନଙ୍କ ଉପସ୍ଥିତିରେ ରାଜ୍ୟ କନିଷ୍ଠ ଶିକ୍ଷକ ସଂଘର ପୁନର୍ଗଠନ କରାଗଲା । ସର୍ବସମ୍ମତିକ୍ରମେ ଅକ୍ଷୟ କୁମାର ପାଢୀ (ସଭାପତି), ନେତ୍ରାନନ୍ଦ ପ୍ରଧାନ | (ସମ୍ପାଦକ), ଆଦିତ୍ୟ ନାରାୟଣ ସ୍ବାଇଁ (ମହାସଚିବ), ଗୁଲସନ ପଣ୍ଡା (କୋଷାଧ୍ୟକ୍ଷ) । ରଶ୍ମିରଞ୍ଜନ ସାହୁ, ଆକାଶ ପଣ୍ଡା (ରାଜ୍ୟ ସଂଯୋଜକ), ସୂୟାସୁ ସତ୍ୟପ୍ରଜ୍ଞ ଶତପଥୀ, ସୌମ୍ୟରଞ୍ଜନ ପ୍ରଧାନ, ରକେଶ କୁମାର ପ୍ରଧାନ, ସୁଶାନ୍ତ କୁମାର ଜେନା (କାର୍ଯ୍ୟକାରୀ ସଭାପତି), ଭାଗ୍ୟବାନ ଝାଙ୍କର, ଶୁଭସ୍ମିତା ଷଡ଼ଙ୍ଗୀ, ବିକ୍ରମ ବେହେରା, ଅଭିଶେକ ପଣ୍ଡା (ଉପସଭାପତି), ରଶ୍ମିନାରାୟଣ ମଲ୍ଲିକ, ସଚିନ ସେଠ, ସଞ୍ଜୟ ବେହେରା, ସ୍ଵାତି ସାଗରିକା ତ୍ରିପାଠୀ, ଚନ୍ଦନ କୁମାର ବେହେରା (ଯୁଗ୍ମ ସମ୍ପାଦକ), ତିରୁପତି ମେହେର, କୋଦଣ୍ଡ ନାୟକ, ଦୁର୍ଗାପ୍ରସାଦ ଷଡ଼ଙ୍ଗୀ, ଶିବଶଙ୍କର ପଣ୍ଡା, ପିଣ୍ଟୁ କୁମାର ଭୋଇ, ଦେବପ୍ରସାଦ ସାହୁଙ୍କୁ (କାର୍ଯ୍ୟକାରୀ ସମ୍ପାଦକ) ଭାବେ ଚୟନ କରାଗଲା ।

ଭୁବନେଶ୍ୱର,ମହର୍ଷି ଦୟାନନ୍ଦଙ୍କ ପ୍ରତିଷ୍ଠିତ ଆର୍ଯ୍ୟସମାଜର ସହଯୋଗୀ ଅନୁଷ୍ଠାନ ସ୍ୱାମୀ ଦୟାନନ୍ଦ ସର୍ଭିସ ମିଶନ ପକ୍ଷରୁ ଶ୍ରାବଣ ପୂର୍ଣ୍ଣିମାଠାରୁ ଆରମ୍ଭ ହୋଇଥିବା ଶ୍ରାବଣୀ ଉତ୍ସବ ଆଜି ପବିତ୍ର ଶ୍ରୀକୃଷ୍ଣ ଜନ୍ମାଷ୍ଟମୀରେ ଉଦ୍‌ଯାପିତ ହୋଇଯାଇଛି । ଆର୍ଯ୍ୟସମାଜ, ଓଡ଼ିଶାର ଅଧ୍ୟକ୍ଷ ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ରଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଦିବ୍ୟଜୀବନ ସଂଘର ସନ୍ଥ ସ୍ଵାମୀ ଜଗନ୍ନାଥାନନ୍ଦ ସରସ୍ବତୀ କହିଲେ ଯେ, ମହର୍ଷି ଦୟାନନ୍ଦ ହିନ୍ଦୁଧର୍ମରେ ଯେଉଁ ସଂସ୍କାରର ବାର୍ତ୍ତା ଦେଇଛନ୍ତି ତାର ଆବଶ୍ୟକତା ବର୍ଭମାନ ସମାଜରେ ମଧ୍ୟ ରହିଛି । 

ଯଜ୍ଞ ଦ୍ବାରା ପରିବେଶର ବିଶୋଧନ ହୋଇଥାଏ ଯାହା ବିଜ୍ଞାନ ସମ୍ମତ ବେଦକୁ ସରଳ ଭାଷାରେ ସାଧାରଣ ଜନତାଙ୍କ ନିକଟରେ ପହଞ୍ଚାଇବାରେ ମହର୍ଷି ଦୟାନନ୍ଦଙ୍କ ଅବଦାନକୁ ମଣିଷ ସମାଜ ଭୁଲିପାରିବ ନାହିଁ । କାର୍ଯ୍ୟକ୍ରମରେ ଅନ୍ୟତମ ଅତିଥ ପୂର୍ବତନ ନଗରପାଳ ଡ଼ାକ୍ତର ଜଗନ୍ନାଥ ମହାପାତ୍ର କହିଲେ ଯେ, ଦୀର୍ଘ ୨୫ ବର୍ଷ ହେବ ଶ୍ରାବଣୀ କାର୍ଯ୍ୟକ୍ରମ ଆମ ଘରେ ହେବା ପାଇଁ ମୁଁ ଆର୍ଯ୍ୟସମାଜର କର୍ମକର୍ତ୍ତାମାନଙ୍କୁ କୃତଜ୍ଞତା ଜଣାଉଛି । ଅଜିର ଯୁବପିଢୀଙ୍କ ଭିତରେ ଆମ୍ ଜାଗରଣ ପାଇଁ ଚେଷ୍ଟା କରିବାକୁ ସେ ଆହ୍ବାନ ଦେଇଥିଲେ । ବିଶିଷ୍ଟ ଅତିଥି ପ୍ରଫେସର ସଂଘମିତ୍ରା ମିଶ୍ର ତାଙ୍କ ବକ୍ତବ୍ୟରେ କହିଲେ ଯେ, କରୋନା ମହାମାରୀ ଆମକୁ ଏକ ବଡ଼ ଶିକ୍ଷା ଦେଲା, ସବୁର ଉପରେ ଜଣେ ଅଛନ୍ତି, ସେ ବିଶ୍ବକୁ ନିୟନ୍ତ୍ରଣ କରୁଛନ୍ତି । 

ଏହାକୁ ଆମକୁ ଗ୍ରହଣ କରିବାକୁ ପଡ଼ିବ । କାର୍ଯ୍ୟକ୍ରମର ପ୍ରାରମ୍ଭରେ ପଣ୍ଡିତ ବିନୋଦ ବିହାରୀ ଦାସ ସ୍ୱାଗତ ଭାଷଣ ଓ ଓମ୍ ପ୍ରକାଶ ଦାସ ଧନ୍ୟବାଦ ଅର୍ପଣ କରିଥିଲେ । ଶ୍ରାବଣୀ ପର୍ବ ଅବସରରେ ଡଃ ମନୋଜ ଲେଙ୍କା, ବନବିହାରୀ ମହାନ୍ତି, ଇଂ ବିବେକାନନ୍ଦ ପାତ୍ର, ପ୍ରଭାତ କୁମାର ପାଣିଗ୍ରାହୀ, ନଳିନୀକାନ୍ତ ରାଉତ ଓ ଜଳଧର ପ୍ରଧାନଙ୍କ ଘରେ ଅଗ୍ନିହୋତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଭୁବନେଶ୍ୱର, ମୋଦି ସରକାର ସ୍ମାର୍ଟ ସିଟି ତାଲିକାରେ ଭୂବନେଶ୍ୱରକୁ ଅନ୍ତର୍ଭୁକ୍ତ କରିବା ସହ ପର୍ଯ୍ୟାପ୍ତ ପରିମାଣର ଅନୁଦାନ ପ୍ରଦାନ କରିଛନ୍ତି । ରାଜଧାନୀ ଭୁବନେଶ୍ଵର ଦେଶର ଏକ ନମ୍ବର ସ୍ମାର୍ଟ ସିଟି ହେବ ବୋଲି ପ୍ରଚାର ସର୍ବସ୍‌ ରାଜ୍ୟ ସରକାର ଘୋଷଣା କରିଥିଲେ । ଆଜି ମଧ୍ୟ ସ୍ମାର୍ଟ ସିଟିର ବାସ୍ତବ ଚିତ୍ରରୁ ବହୁ ଦୂରରେ ରହିଯାଇଛି ରାଜଧାନୀ ଭୁବନେଶ୍ୱର । ଏହା ଅତ୍ୟନ୍ତ ଦୁର୍ଭାଗ୍ୟଜନକ ଓ ପରିତାପର ବିଷୟ ବୋଲି ରାଜ୍ୟ ସଭାପତି ଶ୍ରୀ ସମୀର ମହାନ୍ତି କ୍ଷୋଭ ପ୍ରକାଶ କରି କହିଛନ୍ତି ।

ଆଜି ରାଜ୍ୟ କାର୍ଯ୍ୟାଳୟଠାରେ ‘ଆମେ କହୁନୁ, କହୁଛି ଗଣମାଧ୍ୟମ' ଶୀର୍ଷକ ଏକ ପୁସ୍ତକକୁ ରାଜ୍ୟ ସଭାପତି ଶ୍ରୀ ମହାନ୍ତି ଉନ୍ମୋଚନ କରିଛନ୍ତି । ପ୍ରାର୍ଟ ସିଟି ମାନ୍ୟତା ପାଇଥିବା ରାଜଧାନୀ ଏବଂ ରାଜଧାନୀବାସୀଙ୍କ ବିଭିନ୍ନ ସମସ୍ୟା ସଂପର୍କରେ ସମ୍ବାଦପତ୍ର ଓ ଗଣମାଧ୍ୟମରେ ପ୍ରକାଶ ପାଇଥିବା ସମ୍ବାଦକୁ ନେଇ ଏହି ପୁସ୍ତକ ପ୍ରକାଶିତ ହୋଇଛି । ବିଶେଷ ଭାବେ ରାସ୍ତାଘାଟ, ଡ୍ରେନେଜ ଅବ୍ୟବସ୍ଥା, ଅସରାଏ ବର୍ଷା ହେଲେ ରାଜଧାନୀରେ କୃତ୍ରିମ ବନ୍ୟା ସୃଷ୍ଟି ହେବା, ଡେଙ୍ଗୁ ରୋଗ ସମସ୍ୟା ଆଦି ବିଭିନ୍ନ ସମସ୍ୟାକୁ ଆଧାର କରି ବିଭିନ୍ନ ସମୟରେ ଗଣମାଧ୍ୟମ ଓ ସମ୍ବାଦପତ୍ରରେ ପ୍ରକାଶିତ ହୋଇଥିବା ତଥ୍ୟକୁ ଆଧାର କରି ଏହି ପୁସ୍ତକଟି ପ୍ରସ୍ତୁତ କରାଯାଇଛି । ରାଜଧାନୀବାସୀଙ୍କ ପ୍ରତି ରାଜ୍ୟ ସରକାର ଏବଂ ଭୁବନେଶ୍ବର ମହାନଗର ନିଗମ ଯେଉଁ ଭଳି ଭାବେ ଅବହେଳା ପ୍ରଦର୍ଶନ କରୁଛନ୍ତି, ଏହି ପୁସ୍ତକ ମାଧ୍ୟମରେ ରାଜ୍ୟ ସରକାର ଓ ଭୁବନେଶ୍ବର ମହାନଗର ନିଗମ କର୍ତ୍ତୃପକ୍ଷଙ୍କ ଅବହେଳା ପ୍ରସଙ୍ଗରେ ରାଜଧାନୀବାସୀଙ୍କୁ ଅବଗତ କରାଯିବ ବୋଲି ଜିଲ୍ଲା ସଭାପତି ଶ୍ରୀ ବାବୁ ସିଂ ସୁଚନା ଦେଇ କହିଛନ୍ତି ।

ଆସନ୍ତା କାଲି ସ୍ଵାୟତ ଶାସନ ଦିବସ । ରାଜଧାନୀ ଭୁବନେଶ୍ବରବାସୀଙ୍କ ପାଇଁ ଗତ ୨୧ ବର୍ଷ ଶାସନରେ ରାଜ୍ୟ ସରକାର କଣ । ବିକାଶମୂଳକ କାର୍ଯ୍ୟ କରିଛନ୍ତି, ତାହା ସ୍ପଷ୍ଟ କରିବାକୁ ଶ୍ରୀ ସିଂ ଦାବୀ କରିଛନ୍ତି । ଏହି ଅବସରରେ ରାଜ୍ୟ ମୁଖପାତ୍ର ଦିଲ୍ଲୀପ ମହାନ୍ତି, ପୂର୍ବତନ ଜିଲ୍ଲା ସଭାପତି ହରେକୃଷ୍ଣ ଖୁଟିଆ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜୟନ୍ତ ଜେନା, ରାଜ୍ୟ ଗଣମାଧ୍ୟମ ବିଭାଗର ସୁଜିତ୍ କୁମାର ଦାସ୍, ଜିଲ୍ଲା ସାଧାରଣ ସମ୍ପାଦକ ହିମାଂଶୁ ଛୋଟରାୟ, ଦିଲ୍ଲୀପ ବେହେରା ଓ ଅଭିଷେକ ଆଚାର୍ଯ୍ୟ, ଆଇଟି ସେଲ୍ ସଂଯୋଜକ ରଶ୍ମୀରଂଜନ କାନୁନଗୋ, ଜିଲ୍ଲା ଯୁବ ମୋର୍ଚ୍ଚା ସଭାପତି ରଶ୍ମିରଞ୍ଜନ ମୁଦୁଲି, ମହିଳା ମୋର୍ଚ୍ଚା ସଭାପତି ମନ୍ଦାକିନୀ ପାତ୍ର, ଜିଲ୍ଲା ମଣ୍ଡଳ ସଭାପତି ସୁରେନ୍ଦ୍ର ପ୍ରଧାନ, ରାମଚନ୍ଦ୍ର ରଣସିଂ, ଅମରଜ୍ଜତି ଜଗଦେବ, ଅରୁଣ ପୁରୋହିତ, ଜିତେନ୍ଦ୍ର ମହାନ୍ତି, ବିଜୟ କୁମାର ରାଉତ, ଦାମୋଦର ବେହେରା, ସନ୍ତୋଷ ଜେନା, ଜିଲ୍ଲାର କାର୍ଯ୍ୟକର୍ତା ବିଭାସ ସେନଗୁପ୍ତା, ଜୟନ୍ତ ଜେନା, ରଶ୍ମିରଞ୍ଜନ କାନୁନଗୋ, ସୁନୀଲ ପ୍ରଧାନ, ମନୋଜ ପଶ୍ଚିମ କବାଟ, ସୁଭାସିନୀ ପୃଷ୍ଟି, ତୃପ୍ତିମୟୀ ମକଦ୍ଦମ, ମାନସୀ ରାୟ, ସତରୁପା ମିଶ୍ର, ଶିବ ବେହେରା, କାର୍ତିକ ସୁନ୍ଦରାୟ, ବିକ୍ରମ ପ୍ରଧାନ, ଦୀନବନ୍ଧୁ ଦାସ, ରାଜେନ୍ଦ୍ର ନାୟକଙ୍କ ସମେତ ବହୁ ପ୍ରମୁଖ ନେତୃବୃନ୍ଦ ଉପସ୍ଥିତ ଥିଲେ ।

ଭୁବନେଶ୍ୱର, ମୋଦି ସରକାରଙ୍କର ମିଛ ବିକ୍ରୀ ପରେ ଏବେ ଦେଶର ସଂପତି ବିକ୍ରୀ ପର୍ବ ଆରମ୍ଭ ହେଲା । ଦେଶର ବିକାଶ ନାଁରେ ଗୁଡ଼ାଏ ମିଛ କହି ବିଗତ ୭ବର୍ଷ ଭିତରେ କେବଳ ବିନାସର ପ୍ରକ୍ରିୟା ସୃଷ୍ଟି ହୋଇଛି । ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟ ଠାରେ ବରିଷ୍ଠ କଂଗ୍ରେସ ନେତା ପଂଚାନନ କାନୁନଗୋ, ମୁଖପାତ୍ର ରଜନୀ ମହାନ୍ତି ଓ ପ୍ରଶାନ୍ତ ଶତପଥଙ୍କ ଉପସ୍ଥିତିରେ ସାମ୍ବାଦିକ ସମ୍ମିଳନୀ ଜରିଆରେ କେନ୍ଦ୍ର ସରକାରଙ୍କ ଆସେଟ ମନିଟାଇଜେସନ ପାଇପଲାଇନ ନାମରେ ରାଷ୍ଟ୍ରୀୟ ସଂପତି ବିକ୍ରୀକୁ କଡା ନିନ୍ଦା ଓ ସମାଲୋଚନା କରିଥିଲେ । ଏହି ଦୀର୍ଘ ବର୍ଷ ଭିତରେ କେନ୍ଦ୍ର ସରକାରଙ୍କ ବ୍ୟତୀତ ରାଜ୍ୟ ସୃଷ୍ଟି କରିଥିବା ସଂପତି ବିକ୍ରୀ ପାଇଁ ମୋଦି ସରକାର ଆସେଟ ମନିଟାଇଜେସନ ପାଇପଲାଇନ ଘୋଷଣା ନିଷତି କରିଛନ୍ତି । 

ଏଥିରେ ସମୁଦ୍ର ପଥ, ବନ୍ଦର, ବିମାନ ବନ୍ଦର, ଜାତୀୟ ରାଜପଥ, ବିଦ୍ୟୁତ ସରବରାହ ବ୍ୟବସ୍ଥା, ପାନ୍ଦିକା, ପାନ୍ଥନିବାସ ଓ ଅନେକ ସରକାରୀ ଉଦ୍ୟୋଗ ଓ ମୂଲ୍ୟବାନ ଜମି ରହିଛି । ଓଡ଼ିଶାର ଗର୍ବ ଓ ଗୌରବ ତଥା ଓଡ଼ିଶାର ଅବଦାନରେ ତିଆରି ପାରଦ୍ଵୀପ ବନ୍ଦର, ବିଜୁ ପଟ୍ଟନାୟକ ଆର୍ତଜାତୀୟ ବିମାନ ବନ୍ଦର ଏବଂ ଅନେକ ପର୍ଯ୍ୟଟନସ୍ଥଳୀ ଏହି ସଂପତି ବିକ୍ରୀ ପ୍ରକ୍ରିୟାର ଅନ୍ତର୍ଭୁକ୍ତ । ଏ ବାବଦରେ କେନ୍ଦ୍ର ସରକାର ୬ ଲକ୍ଷ କୋଟି ଟଙ୍କା ଆସନ୍ତା ୪ ବର୍ଷରେ ପାଇବା ପାଇଁ ଲକ୍ଷ ଧାର୍ଯ୍ୟ କରିଛନ୍ତି । ଅର୍ଥାତ ବର୍ଷକୁ ମୋଦି ସରକାର ମାତ୍ର ଦେଢ଼ ଲକ୍ଷ କୋଟି ଟଙ୍କା ପାଇଁ ଭାରତୀୟ ରେଳପଥର ୪୦୦ ଷ୍ଟେସନ, ୯୦ ଯାତ୍ରୀବାହୀ ଟ୍ରେନ, ୧୫ଟି ରେଳ ଷ୍ଟାଡିୟମ, ୭୪୧ କି.ମି. କୋଙ୍କଣ ରେଲୱେ, ୧୪୦୦ କି.ମି. ରେଳ ଟ୍ରାକ, ୨୬୭୦୦ ଜାତୀୟ ରାଜମାର୍ଗ (ସଡ଼କପଥ), ୨୫ଟି ବିମାନ ବନ୍ଦର ଏବଂ ତସଂଲଗ୍ନ ସଂପତି, ବିଦ୍ୟୁତ ବିତରଣ ପାଇଁ ଥିବା ୨୮୬୦୦ ସର୍କିଟ କି.ମି., ୪୦୦ କେଭି ଏବଂ ତାଠାରୁ ଅଧୁକ କ୍ଷମତା ଥିବା ପାୱାର ଗ୍ରୀଡ଼, ୧୬୦ଟି କୋଇଲା ଖଣି, ବିଏସଏନଏଲ ଏବଂ ବିବିଏନଏଲ ର ୨ଲକ୍ଷ ୮୬ ହଜାର କିଲୋମିଟର ଅପ୍ଟିକାଲ ଫାଇବର ଏବଂ ଗ୍ରାମାଂଚଳ ପାଇଁ ଉଦ୍ଦିଷ୍ଟ ଥିବା ଭାରତ ନେଟୱାର୍କର ବ୍ରଡବ୍ୟାଣ୍ଡ ସେବା ଓ ତା ସହିତ ହଜାର ହଜାର ମୋବାଇଲ ଟାୱାର ଏବଂ ଦେଶର ସମସ୍ତ ବଡ଼ ବଡ଼ ବନ୍ଦର, ପର୍ଯ୍ୟାଗାର ଇତ୍ୟାଦି ବହୁମୂଲ୍ୟ ସଂପତିକୁ ବିକ୍ରୀ କରିବାକୁ ବସିଛନ୍ତି । 

ଯେତେବେଳେକି ଖୋଦ କେନ୍ଦ୍ର ଅର୍ଥ ମନ୍ତ୍ରୀ ମାସକୁ ଜିଏଷ୍ଟି ବାବଦରେ ୧ ଲକ୍ଷ କୋଟି ଟଙ୍କା ଆଦାୟ ହେଉଥିବାର ଦାବି କରନ୍ତି ସେ ସମୟରେ ମାତ୍ର ଦେଢ଼ ମାସର ଜିଏଷ୍ଟି ଆଦାୟ ସହିତ ବର୍ଷକରୁ ସଂପତି ବିକ୍ରୀ ବାବଦରେ ଆସିବାକୁ ଥିବା ଟଙ୍କା ସମାନ ଅଟେ । ତେଣୁ ମୋଦି ସରକାରଙ୍କ ଏ ସଂପତି ବିକ୍ରୀ ନିଷ୍ପତିକୁ କଂଗ୍ରେସ ଦଳ ତରଫରୁ ଦୃଢ଼ ନିନ୍ଦା କରାଯିବା ସହିତ ଏ ନିଷ୍ପତିକୁ ତୁରନ୍ତ ପ୍ରତ୍ୟାହାର କରିବାପାଇଁ ଦାବି କରାଯାଉଛି । ଏହାପୂର୍ବରୁ କଂଗ୍ରେସ ସରକାର ସମୟରେ ଯେଉଁ ପ୍ରାଇଭେଟାଇଜେସନ’ ବା ଘରୋଇକରଣ ବ୍ୟବସ୍ଥା ଆରମ୍ଭ ହୋଇଥିଲା ତାହା ଥୁଲା ଆର୍ଥିକ ଅବସ୍ଥାକୁ ଅଧୁକ ଚଳଚଳ କରିବା ନିମନ୍ତେ ବି.ଓ.ଟି (ବିଲ୍, ଅପରେଟ, ଟ୍ରାନସଫର) । ବି.ଓ.ଓ. (ବିଲ୍, ଅପରେଟ, ଓନ) ପ୍ରଚଳନ ଥିଲା । ଅର୍ଥାତ ସଂପତି ଦେଶ ତଥା ସରକାରଙ୍କର ପୂର୍ଣ ଅକାରରେ ରହିବ ଏବଂ ତାସହିତ ପୁଞ୍ଜି ଲଗାଣରେ କିଛି ସେବା ବ୍ୟବସ୍ଥା (ସର୍ଭିସ ସେକ୍ଟର) ବଢ଼ାଇବା ପାଇଁ ବାହାର ଫୁଜିର ସାହାଯ୍ୟ ନିଆ ଯାଇଥିଲା । 

ଯେପରି ପାରଦ୍ବୀପ ବନ୍ଦରରେ କ୍ୟାପ୍ତିଭ ବର୍ଥ ସାରକାରଖାନା ପି.ପି.ଏଲ, ଓଲ ତିଆରି କରିବାକୁ ଅନୁମତି ପ୍ରାପ୍ତ ହୋଇଥିଲେ । ଅଧୂକନ୍ତୁ ତୈଳ ବିଶୋଧନାଗାର ମଧ୍ୟ ଅଏଲ ଜେଟି ତିଆରି କଲା । ତେବେ ଏ ସବୁର ଆୟ ପାରାଦୀପ ପୋର୍ଟ ଟ୍ରଷ୍ଟ ହାତରେ ରହି ଆସିଛି । ଏବେ ଯେଉଁ ଯୋଜନା ମୋଦି ସରକାର କଲେ ତାହା ପୁରାପୁରି ଲୋକଙ୍କ ଅର୍ଥରେ ନିର୍ମିତ ସଂପତିକୁ ବେପାରୀଙ୍କ ହାତକୁ ଟେକ ଦେବାର ପୂର୍ଣ୍ଣ ମସୁଧା । ମୋଦି ସରକାର ୨୦୧୬ ମସିହାରେ ନୋଟବନ୍ଦି ନାମରେ ସୃଷ୍ଟି କରିଥିବା ଅର୍ଥନୈତିକ ମାନ୍ଦାବସ୍ତାରୁ ମୁକୁଳିବାର କୌଣସି ଉପାୟ କଲେ ନାହିଁ । ଉପରମୁହାଁ ହୋଇଥିବା ଅଭିବୃଦ୍ଧି ହାର ୨୦୧୬ରୁ ତ୍ରୈମାସିକ ଓ ବାର୍ଷିକ ହାରରେ କମିବାରେ ଲାଗିଛି । ମୋଦି ସରକାରଙ୍କ ଅପରିଣାମଦର୍ଶୀତା ପାଇଁ ବିମୁଦ୍ରାୟନ ପରଠାରୁ ବିପର୍ଯ୍ୟୟ ଆରମ୍ଭ ହେଲା । ସଂପତି ବିକ୍ରୀ ପ୍ରକ୍ରିୟା ମାନସିକ ବିକୃତି, ଦେବାଳିଆ ପଣ ଓ ହତାଶାର ସଂକେତ । ଏହା ଆଦୌ ସୁସ୍ର ଅର୍ଥନୈତିକ ନିଷ୍ପତି ନୁହେଁ ।

ପ୍ରଥମେ Under Utlised Assets ବା ଅବ୍ୟବହୃତ ସଂପତି କଥା କହି ଦେଶର ସମସ୍ତ Well Utilised ବା ମୂଲ୍ୟବାନ ସଂପତି ବିକ୍ରୀ ହେବାର ବ୍ୟବସ୍ଥା କରାଯାଇଛି । Creating Infrastrcuture Investment Trust (INVIT) ନାମରେ ଗୁଡ଼ିଏ ଅର୍ଥ ଅବ୍ୟବହୃତ ଅବସ୍ଥାରେ ଅଛି । ଦେଶର ବୈଦେଶିକ ମୁଦ୍ରା, ପେନସନ ଫଣ୍ଡ, କେନ୍ଦ୍ରସରକାର ପରିଚାଳିତ ବୀମା ଫଣ୍ଡ, ରଜର୍ଭ ବ୍ୟାଙ୍କ ଓ ବିଭିନ୍ନ ବ୍ୟାଙ୍କରେ ଅବ୍ୟବୃତ ପାଣ୍ଡି ରହିଛି । ସବୁଠାରୁ ବଡ଼ କଥା ହେଉଛି ଦେଶର ଏ ସଂପତି ଲୋକଙ୍କ ଠାରୁ ଆଦାୟ ପ୍ରଭୃତ ଅର୍ଥ କର (ବ୍ୟାକ୍ସ ସେସ୍) ରେ ତିଆରି ହୋଇଚାଲିଥିଲା । ପେଟ୍ରୋଲ ଡିଜେଲ ଉପରୁ ବାର୍ଷିକ ରୋଡ ସେସ୍ ବାବଦରେ ୪ ଲକ୍ଷ କୋଟି ଟଙ୍କାରୁ ଅଧୁକ ଆଦାୟ ହେଉଛି । ରାଷ୍ଟ୍ରୀୟ ସଂପତି ସୃଷ୍ଟି ସର୍ବଦା ଗ୍ରହଣୀୟ କିନ୍ତୁ ରାଷ୍ଟ୍ରୀୟ ସଂପତି ବିକ୍ରୀ ସବୁବେଳେ ବର୍ଜନୀୟ । ସମଗ୍ର ଦେଶର ବହୁ ମୂଲ୍ୟ ସଂପତିକୁ ଶାଗମାଛ ମୂଲରେ ବିକିବା ପାଇଁ ମୋଦି ସରକାରଙ୍କ ନିଷ୍ପତି ତାଙ୍କର ବୌଦ୍ଧିକ ଦେବାଳିଆ ପଣକୁ ସାବ୍ୟସ୍ତ କରୁଛି ।

କଂଗ୍ରେସର ଦାବି- କେନ୍ଦ୍ର ସରକାର ନେଇଥିବା ସମସ୍ତ ସଂପତି ବିକ୍ରୀ ତାଲିକା ଓ ଏ ସଂପର୍କରେ ରାଜ୍ୟ ମାନଙ୍କ ସହିତ କରିଥିବା ଆଲୋଚନାକୁ ଶ୍ୱେତପତ୍ର ମାଧ୍ୟମରେ ଦେଶବାସୀଙ୍କ ସମ୍ମୁଖରେ ପ୍ରକାଶ କରନ୍ତୁ । 

ବାଲିଅନ୍ତା, ଜାତିର ପିତା ମହାତ୍ମା ଗାନ୍ଧୀ ଓଡ଼ିଶାରେ ହରିଜନ ପଦଯାତ୍ରା କରିବା ସମୟରେ ୧୯୩୪ ମସିହା ମଇ ମାସ ୧୩ ରୁ ୧୫ ତାରିଖ ପର୍ଯ୍ୟନ୍ତ ସମର୍ଥକମାନଙ୍କ ସହିତ ବାଲିଅନ୍ତା କୁଆଖାଇ ଓ କୁଶଭଦ୍ରା ନଦୀ ତଟର ହାଟ ପଡ଼ିଆରେ ତିନି ଦିନ ଅବସ୍ଥାନ କରି ଅସ୍ପୃଶ୍ୟତା ନିରାକରଣ, ନିଶା ନିବାରଣ, ସ୍ୱଚ୍ଛତା ଓ ଜାତୀୟତାବାଦୀ ଆନ୍ଦୋଳନର ବାର୍ତ୍ତା ପ୍ରଦାନ ସହ ତାଙ୍କ ନେତୃତ୍ବରେ ଦଳିତମାନେ ସ୍ଥାନୀୟ ନିକୁଞ୍ଜ ବିହାରୀ ମନ୍ଦିରରେ ପ୍ରବେଶ କରି ପୂଜାର୍ଚ୍ଚନାର ସୁଯୋଗ ଦେଇ ସାମୁହିକ ପଂକ୍ତି ଭୋଜନ କରିଥିଲେ । ଆଧାମ୍ଭିକତା ଓ ଦେଶପ୍ରେମର ଗୌରବ ବହନ କରିଥିବା ନିକୁଞ୍ଜ ବିହାରୀ ମନ୍ଦିର ପରିସରସ୍ଥ ଗାନ୍ଧୀ ପୀଠରେ ପବିତ୍ର ଜନ୍ମାଷ୍ଟମୀରେ ଆଜି ଓଡ଼ିଶା ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଯାଦବ ସଂଘ, ମନ୍ଦିର ଟ୍ରଷ୍ଟ ବୋର୍ଡ ଆନୁକୁଲ୍ୟରେ ଭାରତ ବର୍ଷର ସ୍ଵାଧୀନତାର ୭୫ ବର୍ଷ ଉପଲକ୍ଷେ “ ଆଜାଦି କା ଅମୃତ ମହୋତ୍ସବ” କାର୍ଯ୍ୟକ୍ରମ ଜୟଦେବ ବିଧାୟକ ଡଃ ଅରବିନ୍ଦ ଢାଲିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । 

ନିଜ ବକ୍ତବ୍ୟରେ ଡଃ ଜାଲି ଜାତିର ପିତାଙ୍କ ଓଡ଼ିଶାରେ ପଦଯାତ୍ରା ବିଶେଷକରି ଜୟଦେବ ନିର୍ବାଚନ ମଣ୍ଡଳୀର ବାଳକାଟି ଓ ବାଲିଅନ୍ତାରେ ଅବସ୍ଥାନର ଐତିହାସିକ ପୃଷ୍ଠଭୂମି । ଉପରେ ଆଲୋକପାତ କରିବା ସହ ଗାନ୍ଧୀଙ୍କ ପଦ ସ୍ପର୍ଶରେ ଜୟଦେବ ମାଟି ଧନ୍ୟ ହୋଇଛି ବୋଲି ବର୍ଣ୍ଣନା କରିଥିଲେ । ଗାନ୍ଧୀ ଦର୍ଶନ ଓ ବିଚାରଧାରା ହିଁ ଆତଙ୍କବାଦର ମୂଳୋତ୍ପାଟନ କରି ବିଶ୍ବ ଶାନ୍ତି ଓ ବିଶ୍ୱ ଭାତୃଭାବ ପ୍ରତିଷ୍ଠା କରିପାରିବ। ଏହି କାର୍ଯ୍ୟକ୍ରମରେ ପଣ୍ଡିତ ଶ୍ରୀଧର ଦାଶ ସ୍ବାଗତ ଜଣେଇବା ବେଳେ ମନ୍ଦିର ଟ୍ରଷ୍ଟ ବୋର୍ଡ ଟ୍ରଷ୍ଟି ଦିଲ୍ଲୀପ କୁମାର ସାହୁ, ସଭ୍ୟ ବୈକୁଣ୍ଡ ରାଉତରାୟ, ଯାଦବ ସଂଘ ସଭାପତି ଧନେଶ୍ୱର ବେହେରା, ସମ୍ପାଦକ କୃଷକେଶବ ଆପଟ, ଉପସଭାପତି ନିଲୁ ବେହେରା, କୋଷାଧକ୍ଷ ସୁରେଶ ବେହେରାଙ୍କ ସହ ବିଭିନ୍ନ ବର୍ଗର ବ୍ୟକ୍ତି ବିଶେଷ ଉପସ୍ଥିତ ଥିଲେ । କୋଭିଡ୍ ଗାଇଡ୍ ଲାଇନ୍‌କୁ ଅନୁପାଳନ ପୂର୍ବକ ଗହଳି ଏଡ଼ାଇ ପ୍ରତୀକାତ୍ମକ ଭାବେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ପରିଶେଷରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ଅନୁଶାସନ ସଚିବ ଲକ୍ଷ୍ମୀଧର ବେହେରା ଧନ୍ୟବାଦ ଅର୍ପଣ କରିଥିଲେ ।

ଭୁବନେଶ୍ୱର, ଜାତୀୟ ସ୍ତରୀୟ ବିଶିଷ୍ଟ ଚିତ୍ରଶିଳ୍ପୀ, ସୁଲେଖକ, ଭିଜୁଆଲାଇଜର, ମେଣ୍ଟର, ରାଜ୍ୟର ଲୋକପ୍ରିୟ ଡ୍ରଇଂ ମାଷ୍ଟର ଭାବେ ସୁପରିଚିତ ବିଭୂତି କାନୁନ୍‌ଗୋ ଚାରୁକଳା ମହାବିଦ୍ୟାଳୟ, ଭୁବନେଶ୍ୱରର ପୂର୍ବତନ ଅଧ୍ୟକ୍ଷ ପ୍ରଫେସର ଡଃ ଦୀନନାଥ ପାଠୀଙ୍କ ପଞ୍ଚମ ବାର୍ଷିକୀ ଶ୍ରାଦୋତ୍ସବ ଆଜି ପ୍ରତ୍ୟୁଷରେ ସରକାରଙ୍କ କୋଭିଡ୍ ମାର୍ଗଦର୍ଶିକା ପାଳନ ପୂର୍ବକ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ବିଭୂତି କାନୁନ୍‌ଗୋ ଚାରୁକଳା ମହାବିଦ୍ୟାଳୟ ପରିସରସୁ ତାଙ୍କ ପ୍ରତିମୂର୍ତ୍ତି ସ୍ଥଳୀରେ ଆୟୋଜିତ ହୋଇଯାଇଛି । 

ଏହି କାର୍ଯ୍ୟକ୍ରମରେ କଣ୍ଡମଣି ବିଶ୍ବାଳ ସ୍ବାଗତ ଜଣେଇଥିବା ବେଳେ ବିଭାଗୀୟ ଶାସନ ସଚିବ ଡଃ ସୁରେଶ ଚନ୍ଦ୍ର ଦଳାଇ, ନିର୍ଦ୍ଦେଶକ ରଂଜନ କୁମାର ଦାସ, ମହାବିଦ୍ୟାଳୟ ଅଧ୍ୟକ୍ଷ ଲକ୍ଷ୍ମୀକାନ୍ତ ମହାପାତ୍ର, ଖଲିକୋଟ ଚାରୁକଳା ମହାବିଦ୍ୟାଳୟ ଅଧ୍ୟକ୍ଷ ଜୟନ୍ତ କୁମାର ଦାସ, ଅଧ୍ୟାପକ ଗଜେନ୍ଦ୍ର ପାଢୀ, ସୁବ୍ରତ ମଲ୍ଲିକ, ଚନ୍ଦ୍ରଶେଖର ସେଠୀ, ଅନ୍ତର୍ଯ୍ୟାମୀ ଦାସ, ପ୍ରଦୀପ କୁମାର ପାତ୍ର, ଚୌଧୁରୀ ଆଶୀଷ ଶରଣ, ମାନସ ରଞ୍ଜନ ଜେନା, ମିନାକ୍ଷୀ ପଟ୍ଟନାୟକ, ରାଜକୁମାର ସୁବୁଦ୍ଧି, ବିଜୁ ଜନତା ଦଳ ସାଂସ୍କୃତିକ ସମୟ ସାମୁଖ୍ୟ ପକ୍ଷରୁ ପ୍ରବୀର ମହାନ୍ତି, ରବି ନାରାୟଣ ନନ୍ଦ, ଦେବରାଜ ସେନାପତି, ସତ୍ୟବ୍ରତ ଜେନା, ମନୋରଞ୍ଜନ ବେହେରା, ଚିତ୍ରଶିଳ୍ପୀ ରାମହରି ଜେନା, ଅଞ୍ଜନ କୁମାର ସାହୁ, ପ୍ରତାପ ଜେନା, ଏ.କେ. ଧୀର, ଡଃ ପାଠୀଙ୍କ ପୁତ୍ର ସୌଭାଗ୍ୟ ପାଠୀ ଓ ମହାବିଦ୍ୟାଳୟ କର୍ମଚାରୀ ପୂର୍ବତନ ଛାତ୍ରଛାତ୍ରୀମାନେ ଯୋଗ ଦେଇ ପ୍ରତିମୂର୍ଭରେ ମାଲ୍ୟାର୍ପଣ କରିବା ସହ ଦୀପଦାନ କରିଥିଲେ । 

ବକ୍ତାମାନେ ନିଜ ବକ୍ତବ୍ୟରେ ଗଞ୍ଜାମ ଦିଗପହଣ୍ଡିରେ ଜନ୍ମ ନେଇଥିବା ଡ୍ରଇଂ ମାଷ୍ଟ୍ର ଭାବେ ସାରା ରାଜ୍ୟରେ ପରିଚିତ ଡଃ ପାଠୀ ଚିତ୍ରକଳାର ବିକାଶ, ଗବେଷଣା ପାଇଁ ସମଗ୍ର ଜୀବନ ଉତ୍ସର୍ଗ କରି ରାଜ୍ୟରେ ଚିତ୍ରକଳାର ଉତ୍କର୍ଷ ସାଧନ କରିପାରିଥିଲେ ବୋଲି ମତ ଦେଇଥିଲେ । ଏହି ଅବସରରେ ସ୍ୱର୍ଗତ ଡ ପାଠୀଙ୍କ ସୁପୁତ୍ର ସୌଭାଗ୍ୟ ପାଠୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅନୁଶାସନ ସଚିବ ଲକ୍ଷ୍ମୀଧର ବେହେରା ଧନ୍ୟବାଦ ଅର୍ପଣ କରିଥିଲେ ।

ଭୁବନେଶ୍ୱର, ବର୍ଷୀୟାନ ଓଡ଼ିଶୀ ସଂକୀର୍ତ୍ତନ କଳାକାର, ଓସ୍ତପଡ଼ା ସଂକୀର୍ତ୍ତନ ମଣ୍ଡଳୀର ମୁଖ୍ୟ ସଂକୀର୍ତ୍ତନ ପ୍ରଚାରକ, ଧର୍ମପ୍ରାଣ ବ୍ୟକ୍ତିତ୍ବ ସ୍ବର୍ଗତ ବିଷ୍ଣୁ ଚରଣ ଦାସଙ୍କ ପରଲୋକର ଚତୁର୍ଦ୍ଦଶ ଦିବସ ମୋକ୍ଷ ସଂକୀର୍ତ୍ତନ ଓ ଶ୍ରଦ୍ଧାଞ୍ଜଳି ସଭା ଆଜି ମଧାହ୍ନରେ ଶ୍ରୀ ଶ୍ରୀ ଲକ୍ଷେଶ୍ୱର ଆଞ୍ଚଳିକ ଓଡ଼ିଶୀ ସଂକୀର୍ତ୍ତନ ମହାମଣ୍ଡଳୀ, ଶ୍ରୀ ଶ୍ରୀ ଡାଲଖାଇ ଓଡ଼ିଶୀ ସଂକୀର୍ତ୍ତନ ମହାମଣ୍ଡଳୀ ଓ ଖୋର୍ଦ୍ଧା ଜିଲ୍ଲା ସଂକୀର୍ତ୍ତନ ମହାସଂଘ ଆନୁକୁଲ୍ୟରେ ଭୁବନେଶ୍ୱର ଉପକଣ୍ଠ ଇଞ୍ଜଣା ରାଧାକୃଷ୍ଣ ମଣ୍ଡପରେ ଆୟୋଜିତ ହୋଇଯାଇଛି । 

ମହନ୍ତ ନଳିନୀ କୁମାର ସ୍ବାଇଁଙ୍କ ଅଧ୍ୟକ୍ଷତାରେ ଆୟୋଜିତ ଶୋକ । ସଭାରେ ଅଧୁକାରୀ ବିଷ୍ଣୁ ଚରଣ ପରିଡ଼ା, ଉପଦେଷ୍ଟା ପବିତ୍ର ମୋହନ ସ୍ୱାଇଁ, ଆଶୁତୋଷ ସାମନ୍ତରାୟ, ଜଗଦାନନ୍ଦ ରାଉତରାୟ, ଅର୍ଜୁନ ପରିଡ଼ା, କାଙ୍ଗାଳୀ ପରିଡ଼ା, ପ୍ରମୋଦ ବାରିକ, ଡାଲଖାଇ ମହନ୍ତ ଲିଙ୍ଗରାଜ ସାହୁ, ସଂକୀର୍ତ୍ତନ ଗୁରୁ । ବିଦ୍ୟାଧର ସ୍ୱାଇଁ, ଦୁର୍ଗାଚରଣ ପରିଡ଼ା, କୃଷ୍ଣ ବେହେରା, ଲୋକନାଥ ବେହେରା, ବାବନ ପରିଡ଼ା, ଇଞ୍ଜଣା ଗ୍ରାମ କମିଟି ସଭାପତି ବିକ୍ରମ ପ୍ରଧାନ, ପୂର୍ବତନ ସଭାପତି ଉଦ୍ଧବ ସାମଲ, ପ୍ରମୋଦ ପ୍ରଧାନ, ଯାଦବ ମୁରବୀ ହରିହର ବେହେରା,

ଗୁଣନିଧ ବେହେରା ପ୍ରମୁଖ ସ୍ୱର୍ଗତ ବିଷ୍ଣୁଚରଣ ଦାସଙ୍କ ସଂକୀର୍ତ୍ତନ ସୁରକ୍ଷା, ବିକାଶ ନିମନ୍ତେ ସାମଗ୍ରୀକ ଜୀବନର ତ୍ୟାଗ ଓ ସଂକଳ୍ପ ବିଷୟରେ ଆଲୋକପାତ କରିଥିଲେ । 

ଏହି ଅବସରରେ ତାଙ୍କ ଅମର ଆତ୍ମାର ସଦ୍‌ଗତି ପାଇଁ ବିଭିନ୍ନ ସଂକୀର୍ତ୍ତନ ମଣ୍ଡଳୀ ତରଫରୁ ଓଡ଼ିଶୀ ସଂକୀର୍ତ୍ତନ ପରିବେଷଣ ହୋଇଥିଲା । ରତ୍ନାକର ପଲେଇ ଧନ୍ୟବାଦ ଅର୍ପଣ କରିଥିଲେ । ପରିଶେଷରେ ସମୁହ ହରିବୋଲ୍ ଦେଇ ସଂକୀର୍ତ୍ତନ ସମାପନ ହୋଇଥିଲା ।

ଭୁବନେଶ୍ୱର, ଦୀର୍ଘବର୍ଷ ଧରି ଓଡ଼ିଶାରେ ଏକ ସ୍ଥିର ସରକାର ରହିବା ପରେ ବି ରାଜ୍ୟର ଆର୍ଥିକ ଅବସ୍ଥାରେ କ’ଣ ଅବନତି ହେଲାଯେ ସରକାର ଅସାମ୍ବିଧାନିକ କଣ୍ଟ୍ରାଟଚୁଆଲ ଆପେଣ୍ଡମେଣ୍ଟ ରୁଲ ଆଣି ୨୦୧୩ ପରବର୍ତ୍ତୀ ସମସ୍ତ ଗୁପ-ବି, ସି ଓ ଡି ନିଯୁକ୍ତିକୁ ଠିକା କରିଦେଇଛନ୍ତି । ଏହା କ’ଣ ଏକ ଆଦର୍ଶ ସରକାରିର ମାନସିକତା ? ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟ ଠାରେ ଏକ ସାମ୍ବାଦିକ ସମ୍ମିଳନୀରେ ପିସିସି ଗଣମାଧ୍ୟମ ବିଭାଗ ଆବାହକ ଶ୍ରୀ ସତ୍ୟ ପ୍ରକାଶ ନାୟକ ସରକାରଙ୍କୁ ଏ ପ୍ରଶ୍ନ ପଚାରିବା ସହିତ ସରକାରଙ୍କ ଦ୍ଵାରା ପ୍ରଣୀତ ଠିକା ନିଯୁକ୍ତି ବ୍ୟବସ୍ଥାକୁ ତୁରନ୍ତ ପ୍ରତ୍ୟାହାର କରିବାକୁ ଦାବି ରଖୁଛନ୍ତି । ସେ କହିଥିଲେ ଯେ ମାନ୍ୟବର ସୁପ୍ରିମକୋର୍ଟଙ୍କ ୨୦୧୬ ମସିହାର ଗୁରୁତ୍ବପୂର୍ଣ୍ଣ ରାୟ ଓ ନିର୍ଦ୍ଦେଶ ଅନୁସାରେ ସମାନ କାମକୁ ସମାନ ଦରମା ଦେବାର ନିୟମକୁ ଓଡ଼ିଶାରେ ତୁରନ୍ତ ଲାଗୁ କରାଯାଉ । 

ସାଧାରଣ ନିଯୁକ୍ତି ପ୍ରକ୍ରିୟାରେ ଓପିଏସି, ଓଡ଼ିଶା ଷ୍ଟାଫ ସିଲେକସନ କମିଶନ ଓ ଅନ୍ୟାନ୍ୟ ସରକାରୀ ନିଯୁକ୍ତି ବୋର୍ଡ ଦ୍ୱାରା ସିଧାସଳଖ ଭାବେ ଦୁଇ କିମ୍ବା ତିନି ପର୍ଯ୍ୟାୟରେ ଉତୀର୍ଣ୍ଣ ହେଲାପରେ ଯୋଗ୍ୟ ବିବେଚିତ ହୋଇ ମୁତୟନ ହୋଇଥିବା ସମସ୍ତ ବିଭାଗର ଯୁବକର୍ମଚାରୀ ମାନଙ୍କୁ ୬ ବର୍ଷ ଯାଏଁ ଦିନ ମଜୁରୀ ଠାରୁ କମ ପାରିଶ୍ରମିକରେ ସରକାର କାମରେ ଖଟାଉଥିବା ଅତ୍ୟନ୍ତ ଦୁଃଖ ଓ ପରିତାପର ବିଷୟ । ଅନ୍ୟ ପ୍ରଶାସନିକ ସେବା ଅଧୁକାରୀଙ୍କ ଭଳି ସମାନ ପଦ୍ଧତିରେ ଯେଉଁ ବର୍ଗ ବିଶେଷ ନିଯୁକ୍ତି ପାଉଛନ୍ତି ସେମାନଙ୍କୁ ମାସକୁ ଠିକାରେ ମାତ୍ର ୮ ହଜାର ଟଙ୍କା ଦରମା ଦେବା ନବୀନ ବାବୁଙ୍କ ମୋ ପରିବାରର ସଦସ୍ୟ ମାନଙ୍କ ପ୍ରତି ଅପମାନ ନୁହେଁକି ? କଣ୍ଟ୍ରାଟଚୁଆଲ ଆପେଣ୍ଡମେଣ୍ଟ ରୁଲ ୨୦୧୩ ଅନୁସାରେ ସେମାନଙ୍କୁ କେବଳ ସେହି ପଦବୀର ମୂଳ ଦରମା ଦେବାର ବ୍ୟବସ୍ଥା କରାଯାଇଥିଲେ ମଧ୍ୟ ୭ମ ବେତନ କମିଶନଙ୍କ ସୁପାରିଶ ପରେ ଯେତେବେଳେ ସବୁ ପଦବୀର ମୂଳ ଦରମା ବଡ଼ିଲା ସେତେବେଳେ ୨୦୧୭ ମସିହାରେ ସରକାର ଅନ୍ୟାୟ ଭାବେ ଏକ ସଂଶୋଧନ ପ୍ରସ୍ତାବ ଆଣି ସେମାନଙ୍କୁ ମୂଳ ଦରମାରୁ ବଂଚିତ କଲେ । 

ଏହି ହିସାବରେ ଗୋଟିଏ ଗୃପ-ବି (୪,୨୦୦ ଗ୍ରେଡ଼ ପେ) କର୍ମସ୍ପରୀଙ୍କୁ ମାସିକ ୧୭% ଡିଏ ଅନୁସାରେ ୪୨୦୯୩ ଟଙ୍କା ପରିବର୍ତ୍ତେ ମାତ୍ର ୧୬୮୮୦ ଦେଇ ହଜାର ହଜାର କର୍ମଚାରୀଙ୍କ ଠାରୁ ସରକାର ଯେଉଁ ଟଙ୍କା ଠକି ନେଉଛନ୍ତି ତାକୁ କେଉଁ ବାବଦରେ ଖର୍ଚ୍ଚ କରୁଛନ୍ତି ତାର ହିସାବ ଓଡ଼ିଶା ବାସୀଙ୍କୁ ଦେବା ଦରକାର । ଠିକ୍ ସେହିପରି ଜଣେ ଗୁପ-ସି କର୍ମଚାରୀଙ୍କୁ ( ୧୮୦୦-୨୮୦୦ ଗ୍ରେଡ଼ ପେ) ମାସିକ ୨୧୪୧୦-୩୪୫୬୪ ଟଙ୍କା ପରିବର୍ତ୍ତେ ମାତ୍ର ୮୭୫୦-୧୦୦୦୦ ଟଙ୍କା ଦେଇ କୋଟି କୋଟି ଟଙ୍କା ଠକେଇ ଚାଲିଛି । ଆଜିର ଦିନରେ ଓଡ଼ିଶାରେ ଉଚ୍ଚକୁଶଳୀ ଶ୍ରମିକଙ୍କ ଦିନକୁ ମଜୁରୀ ୪୬୧ ଟଙ୍କା ଓ ମାସକୁ ୧୩୮୩୦ ଟଙ୍କା ହୋଇଥିବା ବେଳେ ସରକାରୀ ନିଯୁକ୍ତିରେ ଠିକାରେ କାର୍ଯ୍ୟକରୁଥିବା କର୍ମକ୍ତରୀଙ୍କ ଦରମା ମାତ୍ର ୮୭୫୦ ଟଙ୍କା ସରକାରଙ୍କ ସମ୍ବେଦନହୀନତାକୁ ସୂଚେଇ ଦେଉଛି । ରାଜ୍ୟ ସରକାର ଅବସର ଗ୍ରହଣ କରୁଥିବା କର୍ମକ୍ତରୀ ମାନଙ୍କୁ ପୁର୍ନବାର ନିଯୁକ୍ତି

ଦେଉଥିବା ବେଳେ ନୂତନ ନିଯୁକ୍ତି ଉପରେ ଅଂକୁଶ ଲଗାଇ ରାଜ୍ୟର ଲକ୍ଷ ଲକ୍ଷ ଶୀକ୍ଷିତ ବେକାର ଯୁବକଯୁବତୀ ମାନଙ୍କ ଭବିଷ୍ୟତ ସହିତ ଖେଳୁଥିବା ଅଭିଯୋଗ କରିଛି କଂଗ୍ରେସ । 

ସରକାରୀ ଚାକିରୀରେ ଠିକା କର୍ମଚାରୀ ଏବଂ ବିଭିନ୍ନ ଆଉଟସୋରସିଂ ସଂସ୍ଥା ଜରିଆରେ ଯେଉଁ ଠିକା କର୍ମକ୍ତରୀଙ୍କୁ କମ ଦରମାରେ ନିଯୁକ୍ତି ଦିଆଯାଉଛି ଏ ବାବଦରେ ସରକାର ଅତିକମ୍‌ରେ ମାସକୁ ୧୬୬ କୋଟି ଏବଂ ବର୍ଷକୁ ୨୦୦୦ କୋଟି ଟଙ୍କା ହଡ଼ପ କରୁଛନ୍ତି । ବର୍ଷ ବର୍ଷ ଧରି ଏଭଳି ଶହ ଶହ କୋଟି ଟଙ୍କା ଯାହାକି ସରକାରୀ ଦପ୍ତରରେ ଠିକାରେ କାର୍ଯ୍ୟକରୁଥିବା କର୍ମକ୍ତରୀ ମାନଙ୍କ ପେଟରୁ କାଟି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳୀୟ କାର୍ଯ୍ୟକ୍ରମର ସରକାରୀ ବିଜ୍ଞାପନ ବାବଦରେ ଖର୍ଚ୍ଚ କରୁଥିବା ଅଭିଯୋଗ କରିଛି କଂଗ୍ରେସ । ଏହା ସହିତ ପ୍ରଦେଶ କଂଗ୍ରେସ ରାଜ୍ୟ ସରକାରଙ୍କ ପାଖରେ ତିନୋଟି ଦାବି ଉପସ୍ଥାପନ କରିଛି ଯଥା: 

୧. ଆଉଟସୋରର୍ସ ସଂସ୍ଥା ଜରିଆରେ ନିଯୁକ୍ତିକୁ ସଂପୂର୍ଣ୍ଣ ଭାବରେ ବନ୍ଦ କରାଯାଉ । ୨. ସରକାରୀ ଋକିରୀରେ ସମସ୍ତ ପ୍ରକାର ଠିକା ନିଯୁକ୍ତିକୁ ବନ୍ଦ କରି ନିୟମିତ ନିଯୁକ୍ତି ପ୍ରଦାନ କରାଯାଉ । ୩. ମାନ୍ୟବର ସୁପ୍ରିମକୋର୍ଟଙ୍କ ନିର୍ଦ୍ଦେଶ ପାଳନ କରି ସମାନ କାମକୁ ସମାନ ଦରମା ନୀତି ଆପଣାଯାଉ ଏବଂ ଯେଉଁ ପର୍ଯ୍ୟନ୍ତ ସମାନ କାମକୁ ସମାନ ଦରମା ନ ଦେଇଛନ୍ତି। ୭ମ ବେତନ କମିଶନଙ୍କ ସୁପାରିଶ ଆଧାରରେ ଗ୍ରେଡପେ ଦିଆଯାଉ । ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ମୁଖପାତ୍ର ମନୋରଞ୍ଜନ ଦାଶ ଓ ପ୍ରଶାନ୍ତ ଶତପଥ ଉପସ୍ଥିତ ଥିଲେ ।

ଭୁବନେଶ୍ୱର, ଦକ୍ଷତା ବିକାଶ ପ୍ରାକରଣ ଅଧ୍ୟକ୍ଷ ଶ୍ରୀ ସୁବ୍ରତ ବାଚୀ ଭୁବନେଶ୍ୱରସ୍ଥିତ ସଫ୍ଟୱେର ଟେକ୍ନୋଲୋଜି ପାର୍କ ଅଫ୍ ଇଣ୍ଡିଆ (ଏସ୍‌ଟିପିଆଇ) ପରିଦର୍ଶନରେ ଯାଇଥିଲେ । ଏହି ଅବସରରେ ସେ ବାର ଜଣ ଓଡିଆ ଷ୍ଟାର୍ଟ ଅପଙ୍କ ସହ ଆଲୋଚନା କରିଥିଲେ । ଓଡ଼ିଶା ଦକ୍ଷତା ବିକାଶ ପ୍ରାଧ୍ୟାକରଣ ଅଧ୍ୟକ୍ଷ ଶ୍ରୀ ବାଗଚୀ ଏହି ଅବସରରେ କହିଥିଲେ ଯେ ଏସ୍‌ଟିପିଆଇ ଷ୍ଟାର୍ଟ ଅଫ୍ ଇକୋ ସିଷ୍ଟମକୁ ପ୍ରୋତ୍ସାହନ କରୁଛି ଏବଂ ଓଡିଆ ଷ୍ଟାର୍ଟ ଅଫ୍ ମାନଙ୍କ ଦ୍ଵାରା ଉଦୀୟମାନ ପ୍ରଯୁକ୍ତିବିଦ୍ୟା ମାଧ୍ୟମରେ ବିଶ୍ୱସ୍ତରୀୟ ସଫ୍ଟୱେର ଉତ୍ପାଦ ପ୍ରସ୍ତୁତିରେ ଏକ ପ୍ରମୁଖ ଭୂମିକା ଗ୍ରହଣ କରିପାରିଛି । 

ସେ ବାର ଜଣ ଷ୍ଟାର୍ଟ ଅଫ୍ ଙ୍କ ସହ ନିଜର ଉଦ୍ୟୋଗ ଯାତ୍ରା ବିଷୟରେ ଆଲୋଚନା କରି ଏହି ଷ୍ଟାର୍ଟ ଅପ୍ ଇକୋସିଷ୍ଟମରେ ଯେପରି ଅଧୁକରୁ ଅଧ୍ୟକ ଯୁବକଯୁବତୀ ସାମିଲ ହେବେ ସେଥିନିମନ୍ତେ ପରାମର୍ଶ ଦେଇଥିଲେ । ସେଠାରେ ସେ ଏପିକେ-ମାକ୍ ଟେକ୍ନୋଲୋଜି, ଥକ୍ ର ଇନୋଭେଟିଭ ସଲୁସନ୍ସ, ଏଫ୍ ଏକ୍ସ ୟୁଏଭି ଟେକ୍ନୋଲୋଜି, କାର୍ବୋନୌଟ, ଇସା, ଦ୍ବିବି୭, ପ୍ରାଇମ୍, ଡାରନ୍ ଏନର୍ଜି ଏବଂ ଥଙ୍କୁ ବ୍ୟାଙ୍କର ଏକାଡେମୀ ଷ୍ଟାର୍ଟ ଅପ୍ରର ବିଭିନ୍ନ ଉତ୍ପାଦ ବୁଲି ଦେଖିଥିଲେ । ସୂଚନା ଥାଉ କି ରାଜ୍ୟ ସରକାରଙ୍କ ଷ୍ଟାର୍ଟ ଅପ୍ ଓଡିଶା ଏହି ଉଦୀୟମାନ ଯୁବ ଷ୍ଟାର୍ଟ ଅପ୍ ମାନଙ୍କୁ ଏସ୍‌ଟିପିଆଇର ଇନ୍‌କ୍ୟୁବେସନ ସେଣ୍ଟରଠାରେ ନିଜର ଉତ୍ପାଦ ପ୍ରସ୍ତୁତ ପାଇଁ ସମସ୍ତ ପ୍ରକାର ସହାୟତା ଯୋଗାଇ ଦେଇଛନ୍ତି । 

ଏହି ଇଲେକ୍ଟପ୍ରିନିୟର ପାର୍କରେ କୃଷି ଏବଂ ମତ୍ସ୍ୟ ଚାଷ, ସୌର ଉତ୍ପାଦ, ୟୁଏଭି, ଇଲୁମିନେଟେଡ ଟାଇଲ, ଟ୍ରାଇ ମୋଡ୍ ଡ୍ରୋନ୍, ସ୍ୱୟଂଚାଳିତ ୟୁଭିସି ବିଶୋଧନ ରୋବୋଟ୍ ଓ ଔଷଧ ବିତରଣ ଯନ୍ତ, ଅତ୍ୟାଧୁନିକ ଆଇଓଟି ପର୍ଯ୍ୟବସିତ ପାନୀୟ ଯନ୍ତ୍ର, ଭିୱାନ ଟାଇଲ ଭଳି ଉତ୍ପାଦ ଆମ ଓଡ଼ିଆ ଯୁବ ଷ୍ଟାର୍ଟ ଅପ୍ରଙ୍କ ଦ୍ୱାରା ପ୍ରସ୍ତୁତ ହୋଇଛି । ଏହି ଗସ୍ତରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ଅତିରିକ୍ତ ସଚିବ ଶ୍ରୀ ପିନାକୀ ପଟ୍ଟନାୟକ ଉପସ୍ଥିତ ଥିଲେ ।

ଭୁବନେଶ୍ବର, ନିଆଳି ଗ୍ରାମପଞ୍ଚାୟତ ସଦର ମହକୁମା ମିଶନ ଶକ୍ତି ଗୃହରେ ସିଲେଇ ମେସିନ୍ ଚାଲିବାର ଶବ୍ଦ ତୃଣମୂଳ ସ୍ତରରେ ଗୋଟିଏ ଛାତ ତଳେ ମହିଳା କୈନ୍ଦ୍ରିକ ଉଦ୍ୟୋଗୀ ସୃଷ୍ଟିର ସଂକେତ ବହନ କରୁଛି । ମହିଳା ସ୍ଵୟଂ ସହାୟକ ଗୋଷ୍ଠୀମାନଙ୍କ ଉଦ୍ଦେଶ୍ୟରେ ସମର୍ପିତ ଏହି ଗୃହ ଏକ ଉତ୍ସର୍ଗୀକୃତ କାର୍ଯ୍ୟ ସ୍ଥଳରେ ପରିଣତ ହୋଇଛି । ସାରା ରାଜ୍ୟର ଗ୍ରାମ ପଞ୍ଚାୟତଗୁଡ଼ିକରେ ମିଶନ ଶକ୍ତି ଗୃହଗୁଡ଼ିକ ଏବେ ପାଲଟିଛି ମହିଳା ସ୍ବୟଂ ସହାୟକ ଗୋଷ୍ଠୀମାନଙ୍କ ନିମନ୍ତେ ସଭା, ପ୍ରଶିକ୍ଷଣ, ଦକ୍ଷତା ବିକାଶ କାର୍ଯ୍ୟକ୍ରମ, ଏସ୍ଏଜି ଉତ୍ପାଦିତ ସାମଗ୍ରୀର ବ୍ୟବସାୟ ଆଦିର କେନ୍ଦ୍ରସ୍ଥଳୀ । ସଦସ୍ୟମାନେ ଏବେ ଏହି ଗୃହକୁ ସେମାନଙ୍କ କାର୍ଯ୍ୟକ୍ରମ ସଂପର୍କିତ ସଭାସମିତି ଓ ମାନସମନ୍ଥନ ପାଇଁ ଆସୁଛନ୍ତି । 

ତା’ସହିତ ଏହି ଭିତ୍ତିଭୂମିକୁ ମଧ୍ୟ ସେମାନେ ଏକ ଉତ୍ପାଦନ କେନ୍ଦ୍ର ଭାବେ ବ୍ୟବହାର କରୁଛନ୍ତି । କେଭିଡ୍ -୧୯ ମହାମାରୀ ସମୟରେ ସିଲେଇ ଆଦିରେ ଅଭିଜ୍ଞତା ଥିବା ଏସ୍‌ଜି ସଦସ୍ୟମାନେ ଏହି ଗୃହଗୁଡ଼ିକୁ ମାସ୍କ ଉତ୍ପାଦନ କେନ୍ଦ୍ର ଭାବେ ବ୍ୟବହାର କରିବା ସହ ମାସ୍କ ପ୍ରମୁତି କରି ଲୋକମାନଙ୍କୁ ଯୋଗାଇ ଦେଇଥିଲେ । ସ୍ଥାନୀୟ ବ୍ୟବସାୟୀମାନେ ବିଭିନ୍ନ ଉତ୍ପାଦ ସଂପର୍କରେ ଏଠାକୁ ଆସି ପଚାରି ବୁଝିଥାନ୍ତି । ସେମାନଙ୍କ ଆବଶ୍ୟକତା ଅନୁସାରେ ଆମେ ନିର୍ଦ୍ଦିଷ୍ଟ ଏଏକ୍ତି ଉତ୍ପାଦକ ଗୋଷ୍ଠୀ ସହ ଯୋଗାଯୋଗ କରି ବ୍ୟବସାୟ ସଂପର୍କିତ ଆବଶ୍ୟକତାକୁ ସହଜରେ ସଂପାଦିତ କରାଇ ଦେଇଥାଉ । ଏବେ ଗ୍ରାମ ପଞ୍ଚାୟତଗୁଡ଼ିକରେ ଏହି ଗୃହଗୁଡ଼ିକ ପାଲଟିଛି ମିଶନ ଶକ୍ତି ସ୍ୱୟଂ ସହାୟକ ଗୋଷ୍ଠୀମାନଙ୍କ ନୂତନ ପରିଚୟ ।”-ଏ କଥା କୁହନ୍ତି କଟକ ଜିଲ୍ଲା ନିଆଳି ଗ୍ରାମ ପଞ୍ଚାୟତର ବିଶ୍ଵକଲ୍ୟାଣୀ ସ୍ଵୟଂ ସହାୟକ ଗୋଷ୍ଠୀର ସଂପାଦିକା ସୌଦାମିନୀ ମଲ୍ଲିକ । 

ଗୋଟିଏ ବର୍ଷତଳେ ନିର୍ମାଣ ହୋଇଥିବା ନିଆଳି ଗ୍ରାମପଞ୍ଚାୟତର ଏହି ଗୃହର ପରିଚାଳନା ଦାୟିତ୍ଵ ବିଶ୍ଵକଲ୍ୟାଣୀ ସ୍ଵୟଂ ସହାୟକ ଗୋଷ୍ଠୀକୁ ଦିଆଯାଇଛି । । ରାଜ୍ୟ ସରକାର ରାଜ୍ୟର ସହରାଞ୍ଚଳର ପ୍ରତି ୱାର୍ଡରେ ଏବଂ ପ୍ରତି ଗ୍ରାମପଞ୍ଚାୟତରେ ମିଶନ । ଶକ୍ତି ଗୃହ ନିର୍ମାଣ ପାଇଁ ନିଷ୍ପତ୍ତି ନେଇଛନ୍ତି । ଏସ୍ଏଚ୍ଚିମାନଙ୍କ ନିମନ୍ତେ ଏହି ଉତ୍ସର୍ଗୀକୃତ ଭିତ୍ତିଭୂମି ନିର୍ମାଣ ସେମାନଙ୍କ ବିଭିନ୍ନ ଦଳଗତ କାର୍ଯ୍ୟକଳାପ, କୌଶଳ ବିକାଶ, ବଜାର ସଂଯୋଗୀକରଣ ଏବଂ ସର୍ବୋପରି ସେମାନଙ୍କ ନିଜସ୍ ବ୍ୟବହାର ପାଇଁ ଏକ ନିର୍ଭରଯୋଗ୍ୟ ସ୍ଥାନରେ ପରିଣତ ହୋଇଛି ।

ବର୍ତ୍ତମାନ ସୁଦ୍ଧା ସହରାଞ୍ଚଳ ଓ ଗ୍ରାମାଞ୍ଚଳରେ ୬୭୫୮ଟି ମିଶନ ଶକ୍ତି ଗୃହ ନିର୍ମାଣ ପାଇଁ ୩୧୭ କୋଟି ଟଙ୍କା ମଂଜୁର ହୋଇସାରିଛି । ରାଜ୍ୟ ସରକାର ରାଜ୍ୟର ପ୍ରତ୍ୟେକ ଗ୍ରାମ ପଞ୍ଚାୟତ ଏବଂ ସହରାଞ୍ଚଳର । ୱାର୍ଡରେ ଏହି ଗୃହ ନିର୍ମାଣ ପାଇଁ ପ୍ରତିବଦ୍ଧତାର ସହ କାର୍ଯ୍ୟ କରୁଛନ୍ତି ।

୫ ଲକ୍ଷ ଟଙ୍କା ବ୍ୟୟରେ ଗ୍ରାମପଞ୍ଚାୟତ / ୱାର୍ଡ ସ୍ତରରେ ନିର୍ମିତ ହେବାକୁ ଥିବା ପ୍ରତି ଗୃହରେ ସମ୍ମିଳନୀ କକ୍ଷ, ବିକ୍ରୟ କେନ୍ଦ୍ର, ଶୌଚାଳୟ ଏବଂ ପାନୀୟ ଜଳ ଆଦିର ବ୍ୟବସ୍ଥା କରାଯାଇଛି । ଗୃହ ନିର୍ମାଣ ହେବା ପରେ ଚିହ୍ନଟ ହୋଇଥିବା ନୋଡାଲ ଏସ୍‌ଏଜିମାନଙ୍କୁ ଏହାର ପରିଚାଳନା ଭାର ଦିଆଯାଉଛି । ସ୍ଥାନୀୟ ଅଞ୍ଚଳର ସମସ୍ତ ଏସ୍ଏଜି ଏହି ଗୃହକୁ ଆସିବା ସହ ମିଶନ ଶକ୍ତି ସଂପର୍କିତ କାର୍ଯ୍ୟ ପାଇଁ ବ୍ୟବହାର ମଧ୍ୟ କରିପାରିବେ । ଏ ଯାବତ୍ ନିର୍ମାଣ ହୋଇସାରିଥିବା ପାଖାପାଖୁ ୧୦୦୦ଟି ମିଶନ ଶକ୍ତି ଗୃହ ଏସ୍‌ଏଚ୍ଚିମାନଙ୍କ ବିଭିନ୍ନ କାର୍ଯ୍ୟକଳାପ ପାଇଁ ବ୍ୟବହାର କରାଯାଉଛି । ରାଜ୍ୟ ସରକାରଙ୍କ ଏହି ପଦକ୍ଷେପ ମହିଳାମାନଙ୍କ ସାମୂହିକ ଏବଂ ଦଳଗତ କାର୍ଯ୍ୟକ୍ରମ ଦିଗରେ ଏକ ବୈପ୍ଳବିକ ପରିବର୍ତ୍ତନ ଆଣିବା ସହ ଉଭୟ ସହର ଓ ଗ୍ରାମାଞ୍ଚଳର ମହିଳାମାନଙ୍କ ସାମାଜିକ ଓ ଆର୍ଥିକ ସଶକ୍ତିକରଣ ନିମନ୍ତେ ଏକ ପ୍ରମୁଖ ଉପାଦାନରେ ରୂପାନ୍ତରିତ ହୋଇଛି ।

ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ୍‌ର ଝରଣୀ ଗ୍ରାମ ପଞ୍ଚାୟତରେ ‘ଅଗ୍ରଗତି ଏସ୍ ଏଜି’ । ଦ୍ଵାରା ମାତ୍ର ୬ ମାସ ମଧ୍ୟରେ ୫ ଲକ୍ଷ ଟଙ୍କା ବ୍ୟୟରେ ମିଶନ ଶକ୍ତି ଗୃହ ନିର୍ମାଣ ଶେଷ ହୋଇଥିଲା । ଏହି ମିଶନ ଶକ୍ତି ଗୃହର ପରିଚାଳନା ଦାୟିତ୍ବ ‘ପ୍ରଗତି ଏସ୍ଏଜି’କୁ ହସ୍ତାନ୍ତର କରାଯାଇଛି । ଏସ୍ଏଜିମାନଙ୍କ ବହୁବିଧ କାର୍ଯ୍ୟକ୍ରମ ତଥା ନିୟମିତ ପ୍ରଶିକ୍ଷଣ ନିମନ୍ତେ ବିଭିନ୍ନ ଏସ୍ ଏକ୍ତି ଏବଂ ଗ୍ରାମ ପଞ୍ଚାୟତ ସ୍ତରର ସଂଘମାନେ ଏହି ଗୃହକୁ ବ୍ୟବହାର କରୁଛନ୍ତି । ଏତଦ୍‌ବ୍ୟତୀତ ଧାନସଂଗ୍ରହ  ନିମନ୍ତେ ଚାଷୀମାନଙ୍କ ଅନ୍‌ଲାଇନ୍ ଫଜୀକରଣ ଏବଂ ଅନ୍ୟାନ୍ୟ ଧାନସଂଗ୍ରହ ସଂପର୍କିତ କାର୍ଯ୍ୟକ୍ରମ ମଧ୍ୟ ଏହି ଗୃହରେ କରାଯାଉଛି । 

ପଞ୍ଚାୟତସ୍ତରରେ ଏସ୍‌ଏଚ୍ଚିମାନଙ୍କ ପାଇଁ ଏହି ଭଳି ଭିତ୍ତିଭୂମି ନିର୍ମାଣ ଓଡ଼ିଶାରେ ଏସ୍ ଏକ୍ତି ଆନ୍ଦୋଳନକୁ ଆହୁରି କ୍ରିୟାଶୀଳ କରିପାରିଛି । ଯଥାର୍ଥରେ ଓମ୍ ମହାଲକ୍ଷ୍ମୀ ଏସ୍‌ଏଚ୍ଚିର ସଦସ୍ୟା କୁନିଲତା ସାମଲ କୁହନ୍ତି, “ନିଜ ଗାଁ ଭିତରେ ଆମମାନଙ୍କ ପାଇଁ ଏକ ସ୍ଥାନ ଯେଉଁଠି ଆମେ ବସିପାରୁଛୁ, ଦେଖା ହୋଇ ପାରୁଛୁ, ବ୍ୟବସାୟ ସମ୍ବନ୍ଧୀୟ ଯୋଜନା ଓ ରୂପରେଖ ପ୍ରସ୍ତୁତ କରିପାରୁଛୁ । ଏହା ନିଶ୍ଚିତ ଭାବେ ଅତ୍ୟନ୍ତ ଭଲ ଏବଂ ସ୍ବାଗତଯୋଗ୍ୟ ପଦକ୍ଷେପ । 

ଭୁବନେଶ୍ୱର, ଓଡ଼ିଶା ପ୍ରଦେଶ କଂଗ୍ରେସ କମିଟିର ଗଣମାଧ୍ୟମ ସଂଯୋଜକ ଦୀପକ କୁମାର ମହାପାତ୍ର ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି ଯେ, ଓଡ଼ିଶା ପ୍ରଦେଶ କଂଗ୍ରେସ କମିଟିର ସଭାପତି ନିରଞ୍ଜନ ପଟ୍ଟନାୟକ କଂଗ୍ରେସ ଦଳକୁ ସୁଦୃଢ଼ କରିବାପାଇଁ କଂଗ୍ରେସ ଦଳର ଖାଲିଥିବା ବିଭିନ୍ନ ବିଭାଗର ପଦବୀ ପୂରଣ ଏବଂ ବିଭିନ୍ନ ବିଭାଗର ପୁନଃଗଠନ ପାଇଁ ଏଆଇସିସିକୁ ସୁପାରିଶ କରିବା ପରେ ଗତ କିଛି ଦିନ ତଳେ ରାଜ୍ୟ ଗଣମାଧ୍ୟମ ଓ ଯୋଗାଯୋଗ ବିଭାଗର ପୁର୍ନଗଠନ ଏବଂ ରାଜ୍ୟ ସେବାଦଳର ନୂତନ ଅଧ୍ୟକ୍ଷ ନିଯୁକ୍ତ କରିଛନ୍ତି । 

ସେହିପରି ବରିଷ୍ଠ କଂଗ୍ରେସ ନେତା ତଥା ପିସିସି ମୁଖପାତ୍ର ଶ୍ରୀ ଜ୍ଞାନଦେବ ବେଉରାଙ୍କୁ ଓଡ଼ିଶା ପ୍ରଦେଶ କଂଗ୍ରେସ ଓବିସି ବିଭାଗର ଅଧ୍ୟକ୍ଷ ଭାବେ କଂଗ୍ରେସ ଅଧ୍ୟକ୍ଷା ଶ୍ରୀମତୀ ସୋନିଆ ଗାନ୍ଧୀଙ୍କୁ ଦିଆଯାଇଥିବା ସୁପାରିଶକୁ ଗ୍ରହଣ କରି ଆଜି ଶ୍ରୀ ବେଉରାଙ୍କୁ ଓଡ଼ିଶା ପ୍ରଦେଶ କଂଗ୍ରେସ ଓବିସି ବିଭାଗର ଅଧ୍ୟକ୍ଷ ଭାବେ ନିଯୁକ୍ତି କରାଗଲା ବୋଲି ନିଖୁଳ ଭାରତ କଂଗ୍ରେସ କମିଟିର ସାଧାରଣ ସଂପାଦକ ଶ୍ରୀ ଭେନୁଗୋପାଳ ଏକ ପ୍ରେସ୍‌ ବିଜ୍ଞପ୍ତି ଜରିଆରେ ଜଣାଇଛନ୍ତି । ଏଠାରେ ଉଲ୍ଲେଖ୍ୟଯୋଗ୍ୟ ଯେ, ଶ୍ରୀ ବେଉରା ବର୍ତମାନ ପିସିସି ମୁଖପାତ୍ର ଭାବେ କଂଗ୍ରେସ ଦଳ ପାଇଁ ସକ୍ରିୟ ଭାବେ କାର୍ଯ୍ୟ କରୁଛନ୍ତି ।

ଭୂବନେଶ୍ୱର, ବହୁ ଚର୍ଚ୍ଚିତ ମାହାଙ୍ଗା ଡବଲ ମର୍ଡର ଘଟଣା ତଦନ୍ତରେ ଶାସକ ବିଜେଡିର ହସ୍ତକ୍ଷେପ ଏବଂ ଘଟଣାକୁ ଚାପି ଦେଇ ଘଟଣାରେ ଅନ୍ୟତମ ଅଭିଯୁକ୍ତ ପ୍ରଭାବଶାଳୀ ମନ୍ତ୍ରୀ ପ୍ରତାପ ଜେନାଙ୍କୁ ଘଣ୍ଟ ଘୋଡାଇବାରେ ମୁଖ୍ୟମନ୍ତ୍ରୀ ଯଥାସମ୍ଭବ ପ୍ରଚେଷ୍ଟା କରିଛନ୍ତି । ଏହି ବହୁଚର୍ଚ୍ଚିତ ହତ୍ୟାକାଣ୍ଡରେ ୧୩ ଜଣଙ୍କ ନାଁରେ ଅଭିଯୋଗ ହୋଇବାବେଳେ ମନ୍ତ୍ରୀ ପ୍ରତାପ ଜେନାଙ୍କୁ ଛାଡି ଅନ୍ୟ ୧୨ ଜଣଙ୍କ ନାଁରେ ଚାର୍ଜସିଟ୍ ଦାଖଲ କରାଯାଇଥୁଲା । ପଦର ଅପବ୍ୟବହାର କରିବା ସହ ତଦନ୍ତ ପ୍ରକ୍ରିୟାକୁ ପ୍ରଭାବିତ କରି ମନ୍ତ୍ରୀ ପ୍ରତାପ ଜେନା ନିଜ ନାଁ ଚାର୍ଜସିଙ୍କୁ ବାଦ୍ କରାଇଲେ । ଏହା ଅତ୍ୟନ୍ତ ନିନ୍ଦନୀୟ ବୋଲି ଜିଲ୍ଲା ସଭାପତି ଶ୍ରୀ ବାବୁ ସିଂ କହିଛନ୍ତି ।

ଆଜି ମାଷ୍ଟର କ୍ୟାଟିନ ଛକରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏହି ବିକ୍ଷୋଭରେ ଜିଲ୍ଲା ସଭାପତି ଶ୍ରୀ ସିଂଙ୍କ ସମେତ ରାଜ୍ୟ ମୁଖପାତ୍ର ଦିଲୀପ ମହାନ୍ତି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ହରେକୃଷ୍ଣ ଝୁଟିଆ, ଯୁବମୋର୍ଚ୍ଚା ରାଷ୍ଟ୍ରୀୟ ଉପାଧ୍ୟକ୍ଷା ଆର୍ଘତା ଅପରାଜିତା ବଡଜେନା, ଜିଲ୍ଲା ସଧାରଣ ସଂପାଦକ ହିମାଂଶୁ ଛୋଟରାୟ, ଦିଲୀପ ବେହେରା, ଅଭିଷେକ ଆଚାର୍ଯ୍ୟ, ଜିଲ୍ଲା ଯୁବମୋର୍ଚ୍ଚା ସଭାପତି ରଶ୍ମୀରଂଜନ ମୁଦୁଲି, ମହିଳା ମୋର୍ଚ୍ଚା ସଭାନେତ୍ରୀ ମନ୍ଦାକିନୀ ପାତ୍ର, ମଣ୍ଡଳ ସଭାପତି ସୁରେନ୍ଦ୍ର ପ୍ରଧାନ, ରାମଚନ୍ଦ୍ର ରଣସିଂହ, ଅମର ଜ୍ୟୋତି କଗଦେବ, ଅରୁଣ ପୁରୋହିତ, ଜିତେନ୍ଦ୍ର ମହାନ୍ତି, ବିଜୟ ରାଉତଙ୍କ ସମେତ ସୁନୀଲ ପ୍ରଧାନ, ମନୋକ ପଣ୍ଡି ମକବାଟ, ଅଭିଳାଷ ଦାସ, ଶିବାଶିଷ ମହାନ୍ତି, ସୁନୀଲ ସ୍ବାଇଁ, ଆଶୁତୋଷ ବେହେରା, ଦେବବ୍ରତ ଦାସ, ସିଦ୍ଧିକ ଖାନ୍, ସୁଜିତ ସାହୁ, ସୁନୀଲ ସାହୁ, ଶୁଭମ ମହାପାତ୍ର, ସମ୍ବିତ ମହାପାତ୍ର, ସଂଜୟ ବାରିକ, ଇଦ୍ରିଶ ଭୂୟାଁ, ସୁବାସିନୀ ପୃଷ୍ଟି, ତୃପ୍ତିମୟୀ ମକଦ୍ଦମ, ରଜନୀବାଳା ଦାସ, ମାନସୀ ରାୟ, ଶତରୂପା ମିଶ୍ର, ପ୍ରତୀକ୍ଷା ମହାପାତ୍ର, ଲିସା ଦାସ ପ୍ରମୁଖ ଉପସ୍ଥିତ ଥିଲେ ।

ମାହାଙ୍ଗା ଡବଲ ମର୍ଡର ଘଟଣାରେ ପୋଲିସ ବହୁ ଚଞ୍ଚକତା କରି ୧୩ ନମ୍ବର ମୁଦାଲା ମନ୍ତ୍ରୀ ପ୍ରତାପ ଜେନାଙ୍କ ନାଁ ଚାର୍ଜସିରୁ କାଢି ଦେଇଥୁବାବେଳେ ଆଜି ପୁଣି ଥରେ ତାଙ୍କ ନାଁକୁ ଚାର୍ଜସିଟ୍ ରେ ଯୋଡିବା ପାଇଁ ମାନ୍ୟବର ସାଲେପୁର ଜେଏମ୍ଏଫସି କୋର୍ଟ ନିର୍ଦ୍ଦେଶ ଦେଇଛନ୍ତି । ଆଜିର କୋର୍ଟଙ୍କ ଏହି ନିର୍ଦ୍ଦେଶ ନିଶ୍ଚିତ ଭାବେ ସ୍ବାଗତ ଯୋଗ୍ୟ ଏବଂ ଶାସକ ବିଜେଡିର ଅସଲ ମୁଖା ଖୋଲି ଦେଇଛି ବୋଲି ଶ୍ରୀ ସିଂ କହିଛନ୍ତି । ପଦର ଅପବ୍ୟବହାର କରି ମନ୍ତ୍ରୀ ଶ୍ରୀ ଜେନା ତଦନ୍ତ ପ୍ରକ୍ରିୟାକୁ ପ୍ରଭାବିତ କରିବାର ଆଜି ମାନ୍ୟବର ଜେଏମ୍‌ଏଫସି କୋର୍ଟଙ୍କ ନିର୍ଦ୍ଦେଶ ପରେ ସୟ ପ୍ରମାଣିତ ହୋଇଛି । ତେଣୁ ନୈତିକତା ଦୃଷ୍ଟିରୁ ଆଇନମନ୍ତ୍ରୀ ତୁରନ୍ତ ଇସ୍ତଫା ଦିଅନ୍ତୁ ନଚେତ ମୁଖ୍ୟମନ୍ତ୍ରୀ ତାଙ୍କ ମନ୍ତ୍ରୀମଣ୍ଡଳରୁ ବହିଷ୍କାର କରିବାକୁ ଶ୍ରୀ ସିଂ ଦାବୀ କରିଛନ୍ତି ।

ଭୁବନେଶ୍ୱର, ଆଗାମୀ ମୌସୁମୀ କାଳୀନ ଅଧିବେଶନକୁ ସୁରୁଖୁରୁରେ ଚଳାଇବା ପାଇଁ ଆଜି ବିଧାନସଭା ସମ୍ମିଳନୀ କକ୍ଷରେ ଏକ ସର୍ବଦଳୀୟ ବୈଠକ ଅନୁଷ୍ଠିତ ହୋଇଯାଇଛି । ବାଚସ୍ପତି ଡ଼ଃ ସୂର୍ଯ୍ୟ ନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ ବିଧାନସଭା ଅଦିବେଶନ ସଂକ୍ରାନ୍ତୀୟ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି । ବାଚସ୍ପତି ଡ଼ଃ ପାତ୍ର ଉପସ୍ଥିତ ସମସ୍ତଙ୍କୁ ସ୍ୱାଗତ କରି

ବିଧାନସଭା ଅଧିବେଶନକୁ ସୁରୁଖୁରୁରେ ଚଳାଇବା ପାଇଁ ସମସ୍ତ ପକ୍ଷଙ୍କ ସହଯୋଗ କାମନା କରିଥିଲେ । ସେପ୍ଟେମ୍ୱର ୦୧ ତାରିଖ ଠାରୁ ୦୯ ତାରିଖ ପର୍ଯ୍ୟନ୍ତ ଅନୁଷ୍ଟିତ ହେବାକୁ ଥିବା ଉକ୍ତ ସ୍ୱଳ୍ପକାଳୀନ ଅଧିବେଶନରେ ପ୍ରଥମାର୍ଦ୍ଧ ଅଧିବେଶନ ପୂର୍ବାହ୍ନ ୧୦.୩୦ ଠାରୁ ଅପରାହ୍ନ ୦୧.୩୦ ମିନିଟ୍ ଏବଂ ଦ୍ୱିତୀୟାର୍ଦ୍ଧ ଅପରାହ୍ନ ୦୪.୦୦ଟାରୁ ୦୬.୦୦ଟା ପର୍ଯ୍ୟନ୍ତ ଅନୁଷ୍ଠିତ ହେବ । ତେବେ ବିଧାନସଭା ଅଧିବେଶନର ପ୍ରଥମ ଦିନ ପ୍ରଥମାର୍ଦ୍ଧ ଅଦିବେଶନ ପୂର୍ବାହ୍ନ ୧୧.୦୦ଟାରୁ ଅପରାହ୍ନ ୦୧.୩୦ମିନିଟ୍ ଏବଂ ଦ୍ୱିତୀୟାର୍ଦ୍ଧ ଅପରାହ୍ନ ୦୪.୦୦ଟାରୁ ୦୬.୦୦ ପର୍ଯ୍ୟନ୍ତ ଅନୁଷ୍ଠିତ ହେବ । ମୁଲତବୀ ପ୍ରସ୍ତାବ ଉପରେ ମଧ୍ୟ ଗୃହରେ ଆଲୋଚନା କରାଯିବ ଏବଂ ସେଥିପାଇଁ ୯୦ ମିନିଟ୍ ସମୟସୀମା ନିର୍ଦ୍ଧାରିତ କରାଯାଇଛି ।

ଭାରତୀୟ ଜନତା ଦଳ ବିଧାୟକମାନେ ସପ୍ତାହର ୦୪ ଦିନ ଏବଂ ଭାରତୀୟ ଜାତୀୟ କଂଗ୍ରେସ ଦଳ ବିଧାୟକମାନେ ମଙ୍ଗଳବାର ଏବଂ ଶନିବାର ଦିନ ମୁଲତବୀ ପ୍ରସ୍ତାବ ଆଗତ କରିପାରିବେ । ଯଦି ନିର୍ଦ୍ଧାରିତ ଦିବସରେ କୌଣସି କାରଣ ଯୋଗୁଁ ତାହା ଆଗତ ହୋଇନପାରିଲା, ତାହାହେଲେ ସମ୍ପୃକ୍ତ ଦଳ ସେ ସୁଯୋଗ ହରାଇବେ । କରୋନାର ତୃତୀୟ ଲହରକୁ ଦୃଷ୍ଟିରେ ରଖି ବିଧାୟକମାନଙ୍କ ସୁରକ୍ଷା ପାଇଁ ସେମାନଙ୍କର ଆସନ ବ୍ୟବସ୍ଥା ଗ୍ରହଣ କରାଯାଇଛି । ନିରାପଦ ଦୂରତ୍ୱ ରକ୍ଷା କରି ବିଧାନସଭା ଭବନ, ଗ୍ୟାଲେରି, ବାଚସ୍ପତିଙ୍କ ଗ୍ୟାଲେରିରେ ସ୍ୱତନ୍ତ୍ର ଆସନ ବ୍ୟବସ୍ଥା ଗ୍ରହଣ କରାଯିବ । ବିଧାୟକ, ମନ୍ତ୍ରୀ, ମୁଖ୍ୟମନ୍ତ୍ରୀ, ବିରୋଧୀ ଦଳ ନେତା ଚାହିଁଲେ ଭିଡିଓ କନଫରେନ୍ସିଂ ମାଧ୍ୟମରେ ବିଧାନସଭା ଆଲୋଚନାରେ ଅଂଶ ଗ୍ରହଣ କରିପାରିବେ । ଅତ୍ୟନ୍ତ ଆବଶ୍ୟକ ବ୍ୟତୀତ ଅନ୍ୟ ବିଧାୟକମାନଙ୍କୁ ଗୃହରେ ରିପୋର୍ଟ, ବିବରଣୀ ପ୍ରଦାନ କରାଯିବ ନାହିଁ । ବିଧେୟକ ସଂଶୋଧନ ବିଲ୍ ମନ୍ତ୍ରୀମାନଙ୍କ ଉତ୍ତର ବିଧାୟକମାନଙ୍କ ଅବଗତି ପାଇଁ ସେମାନଙ୍କ ବାସଭବନରେ ଯୋଗାଇ ଦିଆଯିବ । ବିଧାନସଭା ଅଧିବେଶନର ସଠିକ ରିପୋର୍ଟଂ ପାଇଁ ସାମ୍ୱାଦିକମାନଙ୍କୁ ଆନୁଷଙ୍ଗିକ ସୁବିଧା ସୁଯୋଗ ଯୋଗାଇ ଦିଆଯିବ । 

ପ୍ରତ୍ୟେକ ଦିନ ଭୁବନେଶ୍ୱର ମହାନଗରନିଗମ ତରଫରୁ ବିଧାନସଭାକୁ ସାନିଟାଇଜ୍ କରାଯିବ ଏବଂ ସମସ୍ତ ବିଧାନସଭା ସଭ୍ୟ, ଅଧିକାରୀ ଏବଂ ବିଧାନସଭା ସଚ୍ଚିବାଳୟ କର୍ମଚାରୀ ଏବଂ ବିଧାନସଭାକୁ ଆଗନ୍ତୁକମାନଙ୍କର ଆର୍.ଟିପି.ସି.ଆର୍. ପରୀକ୍ଷା କରାଯିବା ସହ ସେମାନଙ୍କୁ କରୋନା ପ୍ରତିଷେଧକ କିଟ୍ ପ୍ରଦାନ କରାଯିବ । ଏହି ବୈଠକରେ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ, ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ, ଭାରତୀୟ ଜନତା ଦଳ ବିଧାୟକ ଦଳ ଉପନେତା ବିଷ୍ଣୁଚରଣ ସେଠୀ, ଭାରତୀୟ ଜାତୀୟ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର, ବିଧାୟକ ଦେବୀ ପ୍ରସାଦ ମିଶ୍ର, ପ୍ରଣବ ପ୍ରକାଶ ଦାସ ପ୍ରମୁଖ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।

ଭୁବନେଶ୍ୱର, ଚନ୍ଦକା ଥାନା ଅଧୁକାରୀ ଦେଦେନ୍ଦ୍ର ଦିଶ୍ବାଳ ଓ ଥାନା କର୍ମଚାରୀଙ୍କ ଦ୍ବାରା ପରିବାରଗୁଡ଼ିକ ପ୍ରତି କରିଥୁଦା ଅମାନବିୟ ବ୍ୟବହାର, ଶାରୀରିକ ଓ ମାନସିକ ନିର୍ଯ୍ୟାତନା, ଅସଦାଚରଣ ଏବଂ ମିଥ୍ୟା କେସ୍ ରୁକୁ ସମ୍ପର୍କରେ ମାନବାଧୁକାର କର୍ମୀ ରାଜେଶ କୁମାର ସାହୁ ସ୍ଥାନୀୟ ଓଡ଼ିଶା ସାମ୍ବାଦିକ ୟୁନିୟନ ଭବନରେ ପୂର୍ବାହ୍ନ ୧୧ ଘଟିକା ସମୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଶ୍ରୀ ଦେବେନ୍ଦ୍ର ବିଶ୍ବାଳ ସ୍ଥାନୀୟ ଥାନାରେ ୪ ବର୍ଷରୁ ଅଧୁକ କାଳ ହେବ ରହି ତାଙ୍କର କଳା ସାମ୍ରାଜ୍ୟ ବିସ୍ତାର କରିଛନ୍ତି । ଜମି ଦଲାଲି, ମୋରମ୍ଭ, ବାଲି, କାଠ ଦଲାଲି କରିବା ସହ ସରକାରୀ ଜମି ହଡ଼ପରେ ମୁଖ୍ୟ କାର୍ପଟଦାର ସାଜିଛନ୍ତି, ଯାହାର ଭିଜିଲାନ୍ସ ତଦନ୍ତ ହେବା ଆବଶ୍ୟକ । କିନ୍ତୁ କାହା ସୁପାରିରେ ଏବଂ କେଉଁ ଭଲ କର୍ଭବ୍ୟପରାୟଣତା ପାଇଁ ତାଙ୍କୁ ରାଷ୍ଟ୍ରପତି ପୁରସ୍କାରରେ ସମ୍ମାନିତ କରାଯାଇଅଛି, ତାହା ତଦନ୍ତ ସାପେକ୍ଷ । 

ଶ୍ରୀମତୀ ସ୍ଵର୍ଣ୍ଣଲତା ନାଟୁଆ, ବୟସ ୩୮ବର୍ଷ ( ଗୃହିଣୀ), ସ୍ଵାମୀ – ବସନ୍ତ ନାଟୁଆ (ବୟସ ୫୦ ବର୍ଷ, କୃଷକ), ଗ୍ରାମ-ଶିମୁଳିପାଟଣା, ପୋଷ୍ଟା ଥାନା-ଚନ୍ଦକା, ଭାୟା – ବାରଙ୍ଗ କହିଛନ୍ତି ଯେ, ଗତ ତା ୦୩.୧ ୨.୨୦୨୦ରିଖରେ ତାଙ୍କ ସ୍ବାମୀ ବସନ୍ତ ନାଟୁଆଙ୍କୁ ବିନା କାରଣରେ ପିସିଆର୍ ଭ୍ୟାରେ ଥାନାକୁ ନେଇ ହାଜତରେ ପୂରାଇ ଥାନା ଅଧୁକାରୀ ଶ୍ରୀ ଦେବେନ୍ଦ୍ର ବିଶ୍ବାଳ ସକାଳ ୧୦ଟାରୁ ୧୨ ଟା ପର୍ଯ୍ୟନ୍ତ ନିର୍ଦୁମ୍ ପିଟିଲେ । ତାପରେ ରାତି ୯ଟାରେ ଶ୍ରୀମତୀ ନାଟୁଆ ତାଙ୍କ ସ୍ବାମୀଙ୍କ ଖବର ବୁଝିବାକୁ ଥାନାକୁ ଯାଇ ଦେବେନ୍ଦ୍ର ବିଶ୍ବାଳଙ୍କୁ ତାଙ୍କ ସ୍ବାମୀଙ୍କୁ କାହିଁକି ଥାନାକୁ ଆଣି ୧୨ ଘଣ୍ଟା କାଳ ହାଜତରେ ରଖୁଛନ୍ତି ବୋଲି ପଚାରିଲେ । ଏତିକିରେ ଶ୍ରୀ ବିଶ୍ବାଳ ଉତକ୍ଷିପ୍ତ ହୋଇ ସଙ୍ଗେସଙ୍ଗେ ଗୋଟିଏ ରୁଲବାଡ଼ି ଆଣି ଏସ୍.ଆଇ. ପ୍ରିୟଦର୍ଶିନୀ ନନ୍ଦ ଙ୍କୁ ଦେଇ କହିଲେ, ଏ ମାଇକିନିଆକୁ ଲଙ୍ଗଳା କରି ପିଟ, ଯାହା ହବ ମୁଁ ଦେଖୁବି । 

ଏହାପରେ ଏସ୍.ଆଇ. ପ୍ରିୟଦର୍ଶିନୀ ଶ୍ରୀମତୀ ନାଟୁଆଙ୍କ, ଶାଢ଼ୀ ବ୍ଲାଉଜ୍ ଚିରି, ଉଲଗ୍ନ କରି ନିର୍ଭୁମ୍ ପିଟିଲେ । ସେହି ସମୟରେ ଲାଇଟ୍ ବନ୍ଦ କଲେ । ସେଠାରେ ଦେବେନ୍ଦ୍ର ବିଶ୍ୱାଳ, ଏସ୍.ଆଇ. ପ୍ରିୟଦର୍ଶିନୀ ନନ୍ଦ, ସୁଲୋଚନା ସେଠୀ, ଡାକ ବେହେରା, ପିତା – ଏ ଲୋକନାଥ ବେହେରା, ରୁଦ୍ର ବେହେରା, ପିତା – ଏ ଅପନି ବେହେରା ସା - ଶିମୁଳିପାଟଣା, ଚନ୍ଦକା ପ୍ରମୁଖ ଉପସ୍ଥିତ ଥିଲେ । ଏ ଦୁଇ ଜଣ (ଡାକ ବେହେରା, ରୁଦ୍ର ପ୍ରତାପ ବେହେରା) କହିଲେ ଏ ମାଇକିନିଆ ( ଶ୍ରୀମତୀ ନାଟୁଆ)କୁ ଲଙ୍ଗଳା କରିକି ବାଡ଼ାଅ, ଆମେ ଦେଖୁବୁ । ଶ୍ରୀମତୀ ନାଟୁଆ ମାଡ଼ ସହ୍ୟ କରି ନପାରି ତାଙ୍କ ସ୍ବାମୀ ଥିବା ହାଜତ ଆଡ଼କୁ ଦୌଡ଼ିଗଲେ । ଏହି ସମୟରେ ଦେବେନ୍ଦ୍ର ବିଶ୍ବାଳ ତାଙ୍କ ଶାଢ଼ୀକୁ ଭିଡ଼ି ବାହାର କରିଦେଲେ, ଫଳରେ ଶ୍ରୀମତୀ ନାଟୁଆ ଉଲଗ୍ନ ହୋଇଗଲେ । ସେହି ଅସହାୟ ଅବସ୍ଥାରେ ରାତିସାରା ସ୍ବାମୀଙ୍କ ହାଜତ ଆଗରେ ବସିରହିଲେ । 

ତା’ ପରଦିନ ଶ୍ରୀମତୀ ନାଟୁଆ ଓ ତାଙ୍କ ସ୍ବାମୀଙ୍କୁ କୋର୍ଟ ଫରୱାର୍ଡ଼ କରାଗଲା । ଆଠଦିନ ପରେ କୋର୍ଟରୁ ଜାମିନିରେ ଶ୍ରୀମତୀ ନାଟୁଆ ଓ ତାଙ୍କ ସ୍ବାମୀ ଘରକୁ ଫେରିଲେ । ପୁନର୍ବାର ତା ୧୩.୦୩. ୨୦ ୨୧ ରିଖରେ ଶ୍ରୀମତୀ ନାଟୁଆ ଓ ତାଙ୍କ ସ୍ବାମୀଙ୍କୁ ଥାନାକୁ ଡକାଇ ପୁନର୍ବାର ମାଡ଼ ମାରିଲେ । ଇତି ମଧ୍ୟରେ ଶ୍ରୀମତୀ ନାଟୁଆଙ୍କ ଦୁଇ ପୁଅଙ୍କ ମଧ୍ୟରୁ ବଡ଼ପୁଅ ସତ୍ୟନାରାୟଣ ନାଟୁଆ ( ଛାତ୍ର)କୁ କହିଲେ ଯେ, ତୋ ପାଇଁ ବାପା ବୋଉ ଥାନାରେ ଅଛନ୍ତି । ଏହାପରେ ପୋଲିସ୍ ମିଥ୍ୟ ମଦ କାରବାର କେରେ ଶ୍ରୀମତୀ ନାଟୁଆଙ୍କ ପୁଅକୁ ଗିରଫ କରି କୋର୍ଟ ଚାଲାଣ କଲେ । ଶ୍ରୀମତୀ ନାଟୁଆଙ୍କ ସାନପୁଅ ( ଛାତ୍ର) ଥାନାକୁ ଖାଇବାକୁ ଦେବାକୁ ଗଲାବେଳେ ତାକୁ ମଧ୍ୟ ମାଡ଼ିଦେଲେ । ବାଧ୍ୟହୋଇ ଶ୍ରୀମତୀ ନାଟୁଆ କୋର୍ଟର ଦ୍ବାରମ୍ଭ ହୋଇଥିଲେ । ତାଙ୍କର ରିଟ୍‌ ପିଟିସନ୍ ନଂ. CrlMP No. 1397/2021 ଅଟେ ।

ଶ୍ରୀ ବରଞ୍ଚି ନାରାୟଣ ମହାପାତ୍ର, ବୟସ ୭୦ ବର୍ଷ, ପତା-v ଗୋଲଖ ରଣା, ଗ୍ରାମ-ବନ୍ଧାଗର, ଛତାବର, ଚନ୍ଦକା ଏବଂ ସୁଜାତା ସାହୁ, ବୟସ ୩୯ । ବର୍ଷ, ପିତା -ମଦନ ମୋହନ ସାହୁ, ଗ୍ରାପୋ- ଛତାବର, ଚନ୍ଦକାଙ୍କୁ ଜମିବାଡ଼ି ବିବାଦକୁ ନେଇ ଜମି ଦଲାଲଙ୍କ ପ୍ରରୋଚନାରେ ଶାରୀରିକ ଓ ମାନସିକ ନିର୍ଯ୍ୟାତନା ଦେଇଛନ୍ତି । ଚନ୍ଦକା ଥାନା ଅଧିକାରୀଙ୍କ ଦ୍ୱାରା ଏଭଳି ଅମାନବୀୟ, ଅସାମାଜିକ, ବର୍ବରୋଚିତ କାର୍ଯ୍ୟକଳାପ ଦେଲେ ମନେହୁଏ, ଯେପରି ଆମେ ଇଂରେଜ ଶାସନ ଅଧୀନରେ ଅଛୁ । ପୋଲିସ ରକ୍ଷକ ହୋଇ ଭକ୍ଷକ ସାଜିବା, ନିରୀହ, ଗରିବ କୃଷକ ପରିବାରରଙ୍କୁ ଏଭଳି ଶାରୀରିକ ଓ ମାନସିକ ନିର୍ଯ୍ୟାତନା ଦେବା ଏବଂ ସମସ୍ତଙ୍କ ନାମରେ ମିଥ୍ୟା କେସ୍ ଦେବା କେତେଦୂର ଯୁକ୍ତିଯୁକ୍ତ ବୋଲି ଶ୍ରୀମତୀ ସ୍ଵୟିଲତା ନାଟୁଆ, ଶ୍ରୀ ବିର ନାରାୟଣ ମହାପାତ୍ର ଓ ସୁଜାତା ସାହୁ ଉଚ୍ଚପଦସ୍ଥ ପୋଲିସ୍ ଅଧିକାରୀଙ୍କୁ ପତ୍ର ଲେଖୁବା ସହ ମୋ ସରକାର, ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ, ଜଟଣୀ ବିଧାୟକ ସୁରେଶ କୁମାର ରାଉତରାୟ, ଜିଲ୍ଲାପାଳ, ଆସିଷ୍ଟାଣ୍ଟ୍ କମିଶନର ଅଫ୍ ପୋଲିସ, ପୋଲିସ କମିଶନର, ଓଡ଼ିଶା ମାନବାଧିକାର ଆୟୋଗଙ୍କୁ ଏ ସମ୍ପର୍କରେ ଜଣାଇଛନ୍ତି । 

ସେମାନେ ସରକାର, ପ୍ରଶାସନ ତଥା ଜନସାଧାରଣଙ୍କୁ ପ୍ରଶ୍ନ କରିଛନ୍ତି ଏବଂ ତାଙ୍କୁ ନ୍ୟାୟ ପ୍ରଦାନ କରିବାକୁ ସରକାରଙ୍କ ନିକଟରେ ବିନମ୍ର ନିବେଦନ କରିଛନ୍ତି । ଉଲ୍ଲେଖଯୋଗ୍ୟ ଯେ, ଏହା ପଛରେ କିଛି ଜମି ମାଫିଆ, ପୋଲିସ୍‌ ଓ ତାଙ୍କ ପରିବାରର ସମ୍ପର୍କୀୟଙ୍କ ମଧୁଚନ୍ଦ୍ରିକାରେ ଏସବୁ ଚାଲିଛି । ଏହି ସମସ୍ତଙ୍କ ପରିବାର ମଧ୍ୟରୁ କେଉଁଦିନ କାହାର ହତ୍ୟା କରାଯିବ, ସେହି ଭୟରେ ଏହି ପରିବାରଗୁଡ଼ିକ କାଳ କାଟୁଛନ୍ତି ଏବଂ ଏଥିପାଇଁ ସେ ସ୍ଥାନୀୟ ପୋଲିସ୍‌କୁ ଦାୟୀ କରୁଛନ୍ତି । ସେମାନଙ୍କର ପରିବାର ଅସୁରକ୍ଷିତ ଅବସ୍ଥାରେ ଅଛନ୍ତି ଓ ଆତ୍ମହତ୍ୟା ସେମାନଙ୍କର ଶେଷ ରାସ୍ତା ବୋଲି ଭାବୁଛନ୍ତି ।

ଏହି ସାମ୍ବାଦିକ ସମ୍ମିଳନୀରେ ଆନ୍ତର୍ଜାତିକ ମାନବାର କାଉନସିଲ୍ ତଥା ଓଡ଼ିଶା ନାରୀ ସୁରକ୍ଷା ମଞ୍ଚର ସଭାନେତ୍ରୀ ସସ୍ମିତା ଦାସ, ମାନବାଧୂକାର କର୍ମୀ ରାକେଶ କୁମାର ସାହୁ, ସ୍ୱର୍ଣଲତା ନାଟୁଆ, ବସନ୍ତ ନାଟୁଆ, ସତ୍ୟନାରାୟଣ ନାଟୁଆ, ବିରଞ୍ଚି ନାରାୟଣ ମହାପାତ୍ର ଓ ସୁଜାତା ସାହୁ ପ୍ରମୁଖ ଉପସ୍ଥିତ ଥିଲେ ।

ଭୁବନେଶ୍ୱର, ମାନବଧିକାର ଉଲ୍ଲଙ୍ଘନକୁ ରୋକିବା ଏବଂ ପୋଲିସକୁ ଲୋକାଭିମୁଗ୍ଧ କରିବା ପାଇଁ ରାଜ୍ୟ ଏବଂ କେନ୍ଦ୍ର ସରକାର ବିଭିନ୍ନ ସମୟରେ ଯୋଜନା ପ୍ରଣୟନ କରିବା ସହିତ ଜାତୀୟ ସ୍ତରରେ ଏବଂ ରାଜ୍ୟ ସ୍ତରରେ ମାନବଧୁକାର ଉଲ୍ଲଙ୍ଘନକୁ ରୋକିବା ପାଇଁ ମାନବାଧୁକାର କମିଶନ ଭଳି ଅଧିନାୟିକ ଅନୁଷ୍ଠାନ ମାନ ଗଠନ କରିଛନ୍ତି । ଏସବୁ ସତ୍ତ୍ୱେ ଦେଶରେ ମାନବଧୁକାର ଉଲ୍ଲଙ୍ଘନ ରୋକିବାରେ ନା ଧରୁନାହିଁ । ଏ ସମ୍ପର୍କରେ ଗତ କିଛିଦିନ ତଳେ ଭାରତର ମାନ୍ୟବର ମୁଖ୍ୟ ବିଚାରପତି ମତବ୍ୟକ୍ତ କରି କହିଥିଲେ ଯେ ଦେଶରେ ପୋଲିସ ଥାନା ମାନଙ୍କରେ ସବୁଠାରୁ ଅଧୁକ ମାନବଧୁକାର ଉଲ୍ଲଙ୍ଘନ ହେଉଛି । ମାନ୍ୟବର ମୁଖ୍ୟ ବିଚାରପତି ଯେଉଁ ଉକ୍ତି ପାଇଁ ସମଗ୍ର ଭାରତବର୍ଷରେ ଆଲୋଚନା ଓ ପର୍ଯ୍ୟାଲୋଚନା କରାଯାଉଛି ଆମ ରାଜ୍ୟ ଓଡ଼ିଶା ମଧ୍ୟ ସେଥିରୁ ବାଦ ପଡ଼ିନାହିଁ ।

ଯେଉଁମାନେ ମାନବଧୁକାର ଉଲ୍ଲଙ୍ଘନ କରି ବଦଳି ହେଉଛନ୍ତି ସେମାନଙ୍କୁ ଅନ୍ୟ ଏକ ଥାନାର ଦାୟିତ୍ବ ଦିଆଯାଉଥିବା ସୁଳେ ଯେଉଁମାନେ ମାନବଧୁକାର ଉଲ୍ଲଙ୍ଘନ କରି ମାନବଧୁକାର କମିଶନଙ୍କ ଦ୍ଵାର ଦଣ୍ଡିତ ହୋଇଛନ୍ତି ସେମାନେ ମଧ୍ୟ ବିଭିନ୍ନ ଗୁରୁତ୍ବପୂର୍ଣ୍ଣ ପଦପଦବୀରେ ଅଧ୍ୟଷୀତ ହୋଇଛନ୍ତି । ଖାଲି ସେତିକି ନୁହେଁ ଯେଉଁ ପୋଲିସ୍ ଅଧୁକାରୀଙ୍କ ବିରୁଦ୍ଧରେ ନାରୀ ନିର୍ଯ୍ୟାତନା ଭଳି ସଂଗୀନ ଅଭିଯୋଗ ଆସିଛି ସେମାନଙ୍କୁ ମହିଳା ଏବଂ ଶିଶୁ ଡେକ୍ସରେ ଅଧୂଶୀତ କରାଯାଇଅଛି । ଉପରୋକ୍ତ ଘଟଣାରୁ ସ୍ପଷ୍ଟ ଅନୁମେୟ ହେଉଛି ରାଜ୍ୟ ସରକାର ଯାଦୁଆ ହାତରେ ଯାଦୁ ମଲମ ବିକୁଛନ୍ତି ବୋଲି କଂଗ୍ରେସ ଭବନଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ ମୁଖପାତ୍ର ଶ୍ରୀ ନିଶିକାନ୍ତ ମିଶ୍ର କହିଛନ୍ତି । 

ପ୍ରକାଶ ଯୋଗ୍ୟ ରାଜ୍ୟରେ ଏକାଧୁକ ପୋଲିସ ଅଧୁକାରୀ ରାଜ୍ୟ ମାନବଧୁକାର ଉଲ୍ଲଙ୍ଘନ ଘଟଣାରେ ଜାତୀୟ ଓ ରାଜ୍ୟ ମାନବାଧୂକାର କମିଶନଙ୍କ ଦ୍ବାରା ଦଣ୍ଡିତ ହୋଇ ଏବେ ମଧ୍ୟ ଗୁରୁତ୍ବପୂର୍ଣ୍ଣ ପଦପଦବୀରେ ଥଇଥାନ ହୋଇଛନ୍ତି ଏବଂ କୌଣସି ସ୍ଥାନରେ ହାଜତ ମୃତ୍ୟହେଲେ ସଂପୃକ୍ତ ଥାନା ଅଧୁକାରୀଙ୍କୁ ବଦଳି କରାଯାଇ ଅନ୍ୟ ଏକ ଥାନାର ଦାୟିତ୍ବ ଦିଆଯାଉଛି । ଏହି ପରିସ୍ଥିତିରେ ସଂପୃକ୍ତ ଅଧୁକାରୀ ମାନଙ୍କ ଠାରୁ ମାନବାଧୁକାର ସୁରକ୍ଷା ଆଶାକରିବା ବୃଥା ବୋଲି କଂଗ୍ରେସ କହିଛି । ସବୁଠାରୁ ଗରୁତ୍ବପୂର୍ଣ୍ଣ ଘଟଣା ଗତ କିଛିଦିନ ତଳେ ଅନୁଗୁଳର ଜଣେ ବରିଷ୍ଠ ପୋଲିସ ଅଧୁକାରୀଙ୍କ ବିରୁଦ୍ଧରେ ନାରୀ ନିର୍ଯ୍ୟାତନାର ଘଟଣା ହାଟରେ ପଡ଼ି ଦାଣ୍ଡରେ ଗଡ଼ିବା ପରେ ସଂପୃକ୍ତ ଅଧୁକାରୀଙ୍କୁ ବଦଳି କରାଯାଇ କଟକ ଗ୍ରାମାଂଚଳ ଏସପିଙ୍କ କାର୍ଯ୍ୟାଳୟର ମହିଳା ଏବଂ ଶିଶୁ ବିଭାଗର ଦାୟିତ୍ବ ଦିଆଯାଇଛି । 

ଏହି ସମସ୍ତ ଘଟଣା ସୂଚାଉଛି ରାଜ୍ୟ ସରକାର ମାନବଧୁକାର ସୁରକ୍ଷା ଦିଗରେ ଯେତିକି ଯବାନ ହେବା କଥା ସେତିକି ଯବାନ ନୁହଁନ୍ତି ବୋଲି କଂଗ୍ରେସ କହିଛି । କଂଗ୍ରେସର ଦାବି ରାଜ୍ୟ ସରକାର ମାନବାଧୁକାର ଉଲ୍ଲଙ୍ଘନ କରିଥିବା ପୋଲିସ ଅଧୁକାରୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ସାଧାରଣ ଲୋକଙ୍କ ମାନବାଧୁକାର ସୁରକ୍ଷା ପାଇଁ ପୋଲିସ୍‌କୁ କଡ଼ା ନିର୍ଦ୍ଦେଶ ଦିଅନ୍ତୁ । ଆଜିର ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ପିସିସି ମୁଖପାତ୍ର ଅମିୟ ପାଣ୍ଡବ, ରଜନୀ ମହନ୍ତି ପ୍ରମୁଖ ଉପସ୍ଥିତ ଥିଲେ ।

ଭୁବନେଶ୍ଵର, ଓଡ଼ିଶା ସଂଗୀତ ନାଟକ ଏକାଡେମୀ ତରଫରୁ ୨୦୧୯ ଓ ୨୦୨୦ ବର୍ଷ ପାଇଁ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ସହିତ ଅନ୍ୟ ୧୫ଟି ବର୍ଗରେ ଏକାଡେମୀ ସମ୍ମାନ ଘୋଷଣା କରାଯାଇଛି । ଆଜି ସଂସ୍କୃତି ଭବନଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏକାଡେମୀର ସଭାପତି ପଦ୍ମଶ୍ରୀ ଅରୁଣା ମହାନ୍ତି ଏହା ଘୋଷଣା କରିଥଲେ । ୨୦୧୯ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ଅଭିନୟ ଓ ନିର୍ଦ୍ଦେଶନା କ୍ଷେତ୍ରରେ ଜୀବନବ୍ୟାପୀ ଅବଦାନ ପାଇଁ ଶ୍ରୀ ଅନନ୍ତ ମହାପାତ୍ର ଏବଂ ୨୦୨୦ ମସିହା ପାଇଁ ଓଡ଼ିଶୀ ନୃତ୍ୟ ବିଶାରଦ ତଥା ପଦ୍ମଶ୍ରୀ କୁମୁମ୍ ମହାନ୍ତିଙ୍କ ନାମ ମନୋନୀତ କରାଯାଇଛି । ସେହିପରି ହିନ୍ଦୁସ୍ଥାନୀ କଣ୍ଠସଂଗୀତ ଓ ଗୀତିକବିତା ବର୍ଗରେ ଯଥାକ୍ରମେ ସୁନନ୍ଦା ସମ୍ମାନ ଓ ସାରଦା ପ୍ରସନ୍ନ ସମ୍ମାନରେ ୨୦୧୯ ପାଇଁ ଡ. ରଘୁନାଥ ସାହୁ, ଭୁବନେଶ୍ବର ଏବଂ ୨୦୨୦ ପାଇଁ ଶ୍ରୀମତୀ ବନ୍ଦିତା ରାୟ, କଟକଙ୍କୁ, ୨୦୧୯ ପାଇଁ ବିନୋଦ କୁମାର ପଶାୟତ, ସମ୍ବଲପୁର ଏବଂ ୨୦୨୦ ପାଇଁ ଅଲେଖ ପତ୍ନୀହାରୀଙ୍କୁ ମନୋନୀତ କରାଯାଇଛି ।

ଅନ୍ୟ ସମ୍ମାନଗୁଡ଼ିକ ମଧ୍ୟରେ ୨୦୧୯ ବର୍ଷ ନିମନ୍ତେ ଅଭିନୟ ପାଇଁ ଶ୍ରୀ ନବକିଶୋର ଆଚାର୍ଯ୍ୟ, ସାକ୍ଷୀଗୋପାଳ, ପୁରୀ ଏବଂ ଶ୍ରୀମତୀ ମମତା ମହାନ୍ତି, ଭୁବନେଶ୍ବର, ନାଟ୍ୟ ରଚନା ପାଇଁ ଶ୍ରୀ ସୁଧାକର ନନ୍ଦ, ଭଦ୍ରକ, ନିର୍ଦ୍ଦେଶନା ପାଇଁ ଶ୍ରୀ ହରିହର ମିଶ୍ର, ବରଗଡ଼, ମଞ୍ଚକଳା ପାଇଁ ଶ୍ରୀ ପ୍ରଭାସ ଚନ୍ଦ୍ର ମିଶ୍ର, ଭବାନୀପାଟଣା, କଳାହାଣ୍ଡି, ଲୋକସଂଗୀତ ପାଇଁ ଶ୍ରୀ ରାଧାଶ୍ୟାମ ସାହୁଶର୍ମା, ଗଞ୍ଜାମ, ଲୋକବାଦ୍ୟ ପାଇଁ ଶ୍ରୀ ଶଙ୍କର ପ୍ରଧାନ, ବଲାଙ୍ଗୀର, ଲୋକନୃତ୍ୟ ପାଇଁ ଶ୍ରୀ କାଳୁଚରଣ ସାହୁ, ଭଞ୍ଜନଗର, ଗଞ୍ଜାମ, ଲୋକନାଟ୍ୟ ପାଇଁ ଶ୍ରୀ କଣ୍ଠ ଗୋଡ଼, କୋରାପୁଟ, ଯନ୍ତ୍ର ସଂଗୀତ (ଆନବ୍ଦ ତାଳ) ପାଇଁ ଡ. ଜଗନ୍ନାଥ କୁଅଁର, ଭୁବନେଶ୍ବର, ଯନ୍ତ୍ର ସଂଗୀତ (ତାରବାଦ୍ୟ) ପାଇଁ ଶ୍ରୀ କୈଳାସ ଚନ୍ଦ୍ର ପାତ୍ର, କଟକ, ଓଡ଼ିଶୀ ନୃତ୍ୟ ପାଇଁ ଶ୍ରୀ ରତିକାନ୍ତ ମହାପାତ୍ର, ଭୁବନେଶ୍ବର, ଓଡ଼ିଶୀ କଣ୍ଠ ସଂଗୀତ ପାଇଁ ଶ୍ରୀ ଚନ୍ଦ୍ରମଣି ଲେଙ୍କା, ପୁରୀ, ସୁଗମ ସଂଗୀତ ପାଇଁ ଶ୍ରୀ ତାସେନ୍ ସିଂ, ଭୁବନେଶ୍ବର, ଶ୍ରୀ ବିନୋଦ କୁମାର ପଶାୟତ୍, ସମ୍ବଲପୁରଙ୍କୁ ଏକାଡେମୀ ପକ୍ଷରୁ ସମ୍ମାନିତ କରାଯିବ ।

ସେହିପରି ୨୦୨୦ ନିମନ୍ତେ ଅଭିନୟ ପାଇଁ ଶ୍ରୀମତୀ ସୁଶୀଳା ନାୟାର, ବରଗଡ଼ ଏବଂ ଶ୍ରୀ ବିଜୟ କୁମାର ପଟ୍ଟନାୟକ, ଗାଙ୍ଗପୁର, ଗଞ୍ଜାମ, ନାଟ୍ୟ ରଚନା ପାଇଁ ଶ୍ରୀ ଭାସ୍କର ଚନ୍ଦ୍ର ମହାପାତ୍ର, ରାଉରକେଲା, ନିର୍ଦ୍ଦେଶନା ପାଇଁ ଶ୍ରୀ ସୁବୋଧ ପଟ୍ଟନାୟକ, ଭୁବନେଶ୍ବର, ମଞ୍ଚ କଳା ପାଇଁ ଶ୍ରୀ ପ୍ରଭାତ ମହାରଣା, ଭୁବନେଶ୍ୱର, ଲୋକସଂଗୀତ ପାଇଁ । ଶ୍ରୀ ନବୀନ କିଶୋର କୁଅଁର, ବଲାଙ୍ଗୀର, ଲୋକବାଦ୍ୟ ପାଇଁ ଶ୍ରୀ କିଶୋର ଚନ୍ଦ୍ର ପ୍ରଧାନ, ପୁରୀ, ଲୋକନୃତ୍ୟ ପାଇଁ  ଶ୍ରୀ ନାରାୟଣ ମହାରଣା, ଭଞ୍ଜନଗର, ଲୋକନାଟ୍ୟ ପାଇଁ ଶ୍ରୀ ନିର୍ମଳ ଚନ୍ଦ୍ର ରାଉତ, ଭଦ୍ରକ, ଯନ୍ତସଂଗୀତ (ଆନନ୍ଦ । ବାଦ୍ୟ) ପାଇଁ ଶ୍ରୀ ଶରତ କୁମାର ପାଣି, ଭୁବନେଶ୍ବର, ଯନ୍ତସଂଗୀତ(ସୁଶୀର ବାଦ୍ୟ) ପାଇଁ ଶ୍ରୀ ନିତ୍ୟାନନ୍ଦ ମହାପାତ୍ର, କାମାକ୍ଷାନଗର, ଓଡ଼ିଶୀ ନୃତ୍ୟ ପାଇଁ ଶ୍ରୀ ଗଜେନ୍ଦ୍ର ପଣ୍ଡା, ଗଞ୍ଜାମ, ଓଡ଼ିଶୀ କଣ୍ଠ ସଂଗୀତ ପାଇଁ ଶ୍ରୀ ରଘୁନାଥ ପାତ୍ର, ପାରଳାଖେମୁଣ୍ଡି, ସୁଗମ ସଂଗୀତ ପାଇଁ ଶ୍ରୀ ବିଭୁଧେନ୍ଦ୍ର ଦାସ, ଭୁବନେଶ୍ବର ସମ୍ମାନିତ କରାଯିବ । 

ମନୋନୀତ କଳାକାରମାନଙ୍କୁ ଆସନ୍ତା ୩୦ ତାରିଖ ଦିନ ଅପରାହ୍ନ ୪ ଘଟିକା ସମୟରେ ରବିନ୍ଦ୍ର ମଣ୍ଡପଠାରେ ଆୟୋଜିତ ଏକ ସ୍ବତନ୍ତ୍ର ଉତ୍ସବରେ ଏହି ସମ୍ମାନ ପ୍ରଦାନ କରାଯିବ । କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ପାଇଁ ମାନପତ୍ର, ଉପଢୌକନ, କୃତୀଫଳକ ଓ ୫ ଲକ୍ଷ ଟଙ୍କାର ଅର୍ଥ ପୁରସ୍କାର ପ୍ରଦାନ କରାଯିବ । ସୁନନ୍ଦା ସମ୍ମାନ ଓ ସାରଦା ପ୍ରସନ୍ନ ସମ୍ମାନ ପାଇଁ ୨.୫ ଲକ୍ଷ ଟଙ୍କା ଓ ଅନ୍ୟାନ୍ୟ ପୁରସ୍କାର ବାବଦକୁ ୨ ଲକ୍ଷ ଟଙ୍କାର ଅର୍ଥରାଶି ପୁରସ୍କାର ବାବଦକୁ ପ୍ରଦାନ କରାଯିବ ବୋଲି ଏକାଡେମୀର ସଚିବ ଶ୍ରୀ ପ୍ରବୋଧ ରଥ ପ୍ରକାଶ କରିଛନ୍ତି । ଆଜିର ଏହି ସମ୍ମାନ ଘୋପଣାବେଳେ ଏକାଡେମୀର ଉପସଭାପତି ଶ୍ରୀ ମନ୍ମଥ ଶତପଥୀ ଯୋଗଦେଇ ମନୋନୟନର ବିଭିନ୍ନ ଧାରା ଓ ପ୍ରକ୍ରିୟା ଉପରେ ସାମ୍ବାଦିକମାନଙ୍କୁ ଅବଗତ କରାଇଥିଲେ ।

ଭୁବନେଶ୍ୱର, ନିଖୁଳ ଭାରତ କଂଗ୍ରେସ କମିଟି ପକ୍ଷରୁ ଚଳିତବର୍ଷ ଦେଶବ୍ୟାପି ବାଂଲାଦେଶ ମୁକ୍ତି ସଂଗ୍ରମାର ୫୦ ବର୍ଷ ପୂର୍ତ୍ତି ଉତ୍ସବ ପାଳନ କରାଯାଉଅଛି । ଏହି ଉପଲକ୍ଷେ ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ରାଜ୍ୟବ୍ୟାପି ଏହି ଉତ୍ସବ ପାଳନ କରାଯିବ । ପ୍ରଦେଶ କଂଗ୍ରେସ କମିଟି ପକ୍ଷରୁ ଗଠିତ ୫୦ ବର୍ଷ ପୂର୍ତି ପାଳନ କମିଟି ବୈଠକ ଆଜି ଭୁବନେଶ୍ଵର କଂଗ୍ରେସ ଭବନ ଠାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଏଆଇସିସି ପୂର୍ତ୍ତି କମିଟି ଆବାହକ କ୍ୟାପଟେନ ପ୍ରବୀଣ ଡାଭର ଯୋଗଦେଇ ଏହି କାର୍ଯ୍ୟକ୍ରମକୁ ସମସ୍ତ ଜିଲ୍ଲାରେ ଅନୁଷ୍ଠିତ କରିବାକୁ କହିଥିଲେ । ତଦନୁଯାୟି ରାଜ୍ୟର ସମସ୍ତ ଜିଲ୍ଲାରେ ଜିଲ୍ଲା କଂଗ୍ରେସ କମିଟି ପକ୍ଷରୁ ପୂର୍ତି ଉତ୍ସବ ପାଳନ କରାଯିବ । 

ଏହି କାର୍ଯ୍ୟକ୍ରମରେ ପିସିସି ପକ୍ଷରୁ ଗଠିତ କମିଟିର ସଦସ୍ୟମାନେ ଯୋଗଦେବା ପାଇଁ ନିଷ୍ପତି ଗ୍ରହଣ କରାଯାଇଛି । ସମସ୍ତ ଜିଲ୍ଲାରେ କାର୍ଯ୍ୟକ୍ରମ ସଂପନ୍ନ ହେବାପରେ ଏକ ରାଜ୍ୟସ୍ତରୀୟ ପୂର୍ତି ଉତ୍ସବ ପାଳନ କରାଯିବ ଏବଂ ଏହି ଉତ୍ସବରେ ଏଆଇସିସି ପୂର୍ତି କମିଟିର ଅଧ୍ୟକ୍ଷ ଶ୍ରୀ ଏକେ ଆଶ୍ଳୋନି ଯୋଗ ଦେବାକୁ ସ୍ଥିର କରାଯାଇଛି । ଏହି କ୍ରମରେ ଆସନ୍ତା କାଲି ତା ୨୮.୦୮.୨୦୨୧ ରିଖ ଦିବା ୧୦ ଇଂଟା ସମୟରେ ଯାଜପୁର ଜିଲ୍ଲାର ଜାରକା ପ୍ରୟାଗ ମଣ୍ଡପ ଠାରେ ଯାଜପୁର ଜିଲ୍ଲା ପକ୍ଷରୁ ପୂର୍ତ୍ତି ଉତ୍ସବ ପାଳନ କରାଯିବ । ଆଜିର ଏହି ବୈଠକରେ ପିସିସି ପୂତି କମିଟିର ଅଧ୍ୟକ୍ଷ ଡ. ଦେବାଶିଷ ପଟ୍ଟନାୟକ, ସଂଯୋଜକ ଶ୍ରୀ ପତ୍ନାକର ଗୁରୁ, ସଦସ୍ୟ ସର୍ବଶ୍ରୀ ଅଶୋକ କୁମାର ଦାସ, ଅମିୟ କୁମାର ପାଣ୍ଡବ, ରଣଜିତ କୁମାର ଦାସ, ମମତା କୁଣ୍ଡୁ, ନିମାଇଁ ସରକାର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।

ଭୁବନେଶ୍ୱର, ଓଡିଶା ଦକ୍ଷତା ବିକାଶ ପ୍ରାଧୁକରଣ ଦ୍ଵାରା ମଞ୍ଚଶ୍ୱରସ୍ଥିତ ୱାର୍ଲ୍କ୍ଡ  ସ୍କିଲ ସେଣ୍ଟରଠାରେ ରାଜ୍ୟସ୍ତରୀୟ ଓଡିଶା ସ୍କିଲ୍ ୨୦୨୧ ପ୍ରତିଯୋଗିତାର ଉଦ୍‌ଯାପନୀ ସମାରୋହ ଆୟୋଜିତ ହୋଇଯାଇଛି । ଓଡ଼ିଶା ସ୍କିଲ୍ ୨୦୨୧ର ବିଜେତାମାନଙ୍କୁ ଶୁଭେଚ୍ଛା ଜଣାଇ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ କହିଛନ୍ତି ଯେ ଓଡ଼ିଶା ସ୍କିଲ୍ ଆମର ଯୁବଗୋଷ୍ଠୀମାନଙ୍କର ପ୍ରତିଭାକୁ ବୃଦ୍ଧି କରିଛି ଏବଂ ବିଶ୍ବରେ ଶ୍ରେଷ୍ଠ ହେବା ପାଇଁ ସେମାନଙ୍କର ଦକ୍ଷତା ପ୍ରଦର୍ଶନ କରିବା ପାଇଁ ଏହା ଏକ ପ୍ରକୃଷ୍ଟ ମଞ୍ଚ ଅଟେ । ଆଗାମୀ ୪୬ତମ ସାଂଘାଇ ୱାଲର୍ଡ ସ୍କିଲ୍ ପ୍ରତିଯୋଗିତାରେ ଓଡ଼ିଶା ମିଶନ ୨-୩-୪ ଅର୍ଥାତ ଦୁଇଟି ସ୍ଵର୍ଣ, ୩ଟି ରୌପ୍ୟ ଏବଂ ୪ଟି ତାମ୍ର ପଦକ ହାସଲ କରିବା ଆମର ଲକ୍ଷ୍ୟ ରହିଛି ବୋଲି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ବାର୍ତ୍ତା ଦେଇଛନ୍ତି ।

ଏହି ଅବସରରେ ମାନ୍ୟବର ଓଡ଼ିଶା ଦକ୍ଷତା ବିକାଶ ପ୍ରାକରଣର ଅଧକ୍ଷ ଶ୍ରୀ ସୁବ୍ରତ ବାଗଚୀ ଉଦ୍‌ବୋଧନ ଦେଇ କହିଲେ ଯେ ସ୍କୁଲ ପ୍ରତିଭାମାନଙ୍କୁ ତିଆରି କରି ରାଜ୍ୟ ତଥା ଦେଶର ସୁନାମ ଆଣିବା ଲକ୍ଷ୍ୟରେ ଓଡିଶା ସ୍କିଲ୍ ୨୦୨୧ ଆୟୋଜନ କରାଯାଇଛି । ଓଡ଼ିଶା ସ୍କିଲ୍ ୨୦୨୧ ଆତ୍ମପ୍ରତ୍ୟୟର ମଞ୍ଚ ଅଟେ, ଯେଉଁଠାରେ ଏକ ସାଧାରଣ ମଣିଷ ଅସାଧାରଣ ପ୍ରତିଭା ଆବିଷ୍କାର କରିବାର ସୁଯୋଗ ପାଇଥାଏ ବୋଲି ମଧ୍ୟ ଶ୍ରୀ ବାଗ୍‌ଚୀ ପ୍ରକାଶ କରିଥିଲେ । ଏହି ଉଦ୍‌ଯାପନୀ ସମାରୋହରେ ମାନ୍ୟବର ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀ ପ୍ରେମାନନ୍ଦ ନାୟକ, ସ୍କିଲ୍ କ୍ଷେତ୍ରରେ ଜାତୀୟ ଏବଂ ଅନ୍ତଜାତୀୟ ସ୍ତରରେ ଓଡିଶା ନିଜର ସ୍ୱତନ୍ତ୍ର ପରିଚୟ ହାସଲ କରିପାରିଛି ଏବଂ ୱାର୍ଲ ସ୍କିଲ୍ ପ୍ରତିଯୋଗିତାରେ ଓଡିଆ ଯୁବକ ଏସ ଅଶ୍ଵଥ ନାରାୟଣ ସ୍ୱର୍ଣ୍ଣ ପଦକ ହାସଲ କରିଥିବା କଥା କହିଥିଲେ । 

ଆଗାମୀ ପ୍ରତିଯୋଗିତାମାନଙ୍କରେ ଓଡ଼ିଆ ପୁଅଝିଅ ଅଧୁକ ସଂଖ୍ୟକ ପଦକ ହାସଲ କରି ରାଜ୍ୟ ତଥା ଦେଶର ଗୌରବ ବୃଦ୍ଧି କରିବେ ବୋଲି ସେ ଦୃଢୋକ୍ତି ପ୍ରକାଶ କରିଥିଲେ । ଯୁବଗୋଷ୍ଠୀଙ୍କର ଉତ୍ସାହ ବୃଦ୍ଧି କରି ସେମାନଙ୍କ ପାଇଁ ସୁଯୋଗର ସମ୍ଭାର ସୃଷ୍ଟି କରିବା ଆମର ଲକ୍ଷ୍ୟ ଅଟେ ବୋଲି ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ପ୍ରମୁଖ ଶାସନ ସଚିବ ଶ୍ରୀ ହେମନ୍ତ ଶର୍ମା କହିଥିଲେ । ସେ ଆହୁରି ମଧ୍ୟ କହିଥିଲେ ଯେ ସ୍କିଲ୍ ପ୍ରତିଯୋଗିତା ମାଧ୍ୟମରେ ଆମ ରାଜ୍ୟର ଯୁବଗୋଷ୍ଠୀଙ୍କର ଦକ୍ଷତା ସାରା ବିଶ୍ବ ପ୍ରଦର୍ଶନ କରାଇପାରିବୁ ଏବଂ ସେମାନଙ୍କୁ ବିଶ୍ବସ୍ତରୀୟ ପ୍ରତିଯୋଗିତାରେ ଭାଗ ନେବାରେ ପ୍ରସ୍ତୁତ କରିବୁ । ଏହି ରାଜ୍ୟସ୍ତରୀୟ ପ୍ରତିଯୋଗିତା ପ୍ରତିଭା ଅନ୍ବେଷଣର ଏକ ମଞ୍ଚ ଓ ଏହା ପ୍ରତିଯୋଗୀମାନଙ୍କୁ ରାଜ୍ୟ ଏବଂ ଜାତୀୟସ୍ତରରେ ପ୍ରତିନିଧ୍ୟ କରିବାର ସୁଯୋଗ ଦେଇଥାଏ ବୋଲି ବୈଷୟିକ ଶିକ୍ଷା ଏବଂ ପ୍ରଶିକ୍ଷଣ ନିର୍ଦ୍ଦେଶାଳୟର ନିର୍ଦ୍ଦେଶକ ତଥା ଓଏଏ ସିଇଓ ଶ୍ରୀ ରେଘୁ କି କହିଥିଲେ ।

ଏହି ରାଜ୍ୟ ସ୍ତରୀୟ ପ୍ରତିଯୋଗିତାରେ ୪୧ଟି ସ୍କୁଲ ନିମନ୍ତେ ବିଭିନ୍ନ ଆଇଟିଆଇ, ପଲିଟେକ୍‌ନିକ୍, ଇଞ୍ଜିନିୟରିଂ କଲେଜ୍, ହୋଟେଲ ମ୍ୟାନେଜମେଣ୍ଟ ଅନୁଷ୍ଠାନ ଓ ବିଭିନ୍ନ ସ୍କୁଲ ପ୍ରତିଷ୍ଠାନର ୩୯୭ ଜଣ ପ୍ରତିଯୋଗୀ କୃତକାର୍ଯ୍ୟ ହୋଇଥିଲେ । ଭୁବନେଶ୍ବରର ସେଞ୍ଚୁରିଆନ ବିଶ୍ଵବିଦ୍ୟାଳୟ, ସିଭି ରମଣ, ଆଇଏଏମ୍, ଇଣ୍ଟରନାସନାଲ ମାନେଜମେଣ୍ଟ ଇନଷ୍ଟିଚ୍ୟୁଟ୍, କଳିଙ୍ଗ ଇନଷ୍ଟିଚ୍ୟୁଟ୍ ଅଫ୍ ଆର୍ଟ, ୱାର୍ଲ ସ୍କୁଲ ସେଣ୍ଟର, ନିଫ୍ଟ, ଆଞ୍ଚଳିକ ଉଭିଦ ସମ୍ପଦ କେନ୍ଦ୍ର, ଆରଟିଟିସି ବିଏସଏନଏଲ, ଏସଡିଆଇ, ସିଲିକନ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲକି, ଭିଏଲସିସି , ଇଣ୍ଡଳ୍ପ ଏବଂ କଟକର ସରକାରୀ ଆଇଟିଆଇ ଭଳି ସର୍ବମୋଟ ୧୫ଟି ସ୍ଥାନରେ ୨୬ ଅଗଷ୍ଟରେ ସମସ୍ତ ସ୍କୁଲ ପ୍ରତିଯୋଗିତା ଆୟୋଜିତ ହୋଇଯାଇଛି । ସାରା ଦେଶରୁ ୫୦ ଜଣ ବିଚାରକଙ୍କୁ ଏହି ପ୍ରତିଯୋଗିତା ନିମନ୍ତେ ଆମନ୍ତ୍ରଣ କରାଯାଇଥୁଲା । 

ଏହି ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ପ୍ରତିଯୋଗୀମାନେ ଆଗାମୀ ଆଞ୍ଚଳିକ ଏବଂ ଜାତୀୟସ୍ତରୀୟ ପ୍ରତିଯୋଗିତାରେ ପ୍ରତିନିଧୂତ୍ବ କରିବେ । ଜାତୀୟସ୍ତରରେ କୃତକାର୍ଯ୍ୟ ହୋଇଥିବା ପ୍ରତିଯୋଗୀ ୨୦୨୨ ସାଂଘାଇରେ ହେବାକୁ ଥିବା ୪୬ତମ ୱାଲ୍ ସ୍ଟିଲ୍‌ ପ୍ରତିଯୋଗିତାରେ ଭାଗ ନେବେ । ଆଜିର ଉଦ୍‌ଯାପନୀ ସମାରୋହରେ ୧୩୩ ଜଣ ବିଜେତାଙ୍କୁ ପ୍ରମାଣପତ୍ର ଏବଂ ପୁରସ୍କାର ପ୍ରଦାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଏଡିଟିଇ ଅତିରିକ୍ତ ସଚିବ, ଶ୍ରୀ ସୁଦର୍ଶନ ପଣ୍ଡା ଏବଂ ଶ୍ରୀ ପିନାକୀ ପଟ୍ଟନାୟକ, ଯୁଗ୍ନ ସଚିବ, ଶ୍ରୀ ଅଜୟ ନାୟକ ଓ ରେଣ୍ଡୁପ୍ରଭା ନାୟକ, ଏସୀୟ ଉନ୍ନୟନ ବ୍ୟାଙ୍କୁ ଓ ଏନ୍ଏସିର ପ୍ରତିନିଧୁ ଏବଂ ବିଭାଗୀୟ ଅଧୁକାରୀମାନେ ଉପସ୍ଥିତ ଥିଲେ ।